Лаборатория кызматкери. Архив

Микробду жоготот. Организмдеги вирустардын 99%ы эмне иш кылат

206
Адистер ушул убакка чейин бир кишинин организминде вирустун канча түрү бар жана канча көлөмдө экенин так билишпейт.

БИШКЕК, 20-апр. — Sputnik. Адамдын организминдеги вирустар биз элестеткендей зыян гана келтирбестен, басымдуу бөлүгү кишинин ичинде өмүр бою жашап, ар кандай илдеттерден сактап турат. Бул тууралуу РИА Новости агенттигине Сибирь медициналык университетинин доценти, вирусолог Матвей Коровин айтып берди.

Адистер ушул убакка чейин бир кишинин организминде вирустун канча түрү бар жана канча көлөмдө экенин так билишпейт.

"Вирус — микробдордун негизги душманы. Алар жок болуп кетсе адамдын жашоосун элестетүү мүмкүн эмес. Мисалы, айрым вирустар антибиотикке көнүп алып аны тоготпой калган микробдорду жок кылып турат. GB жана C түрүнө кирген вирустар СПИДдин бат өрчүп кетишин басаңдатып коёт. Ушул эле вирустар адам Эболага кабылган учурда аман калуу мүмкүнчүлүгүн жогорулатат", — деди Коровин.

Вирус өзүнчө жүрбөй, клеткага кошулуп алып, аны менен чогуу жашай берет. Окумуштуулар муну кадыресе көрүнүш катары кабыл алат.

Вирус — бул генетикалык материалдын (ДНК же РНК) кичинекей бөлүкчөлөрү. Алар өз алдынча көбөйүүгө жөндөмсүз. Вирус өздөрү жашаган организмден көз каранды.

206
Белгилер:
зыян, окумуштуулар, вирус, адам
Тема боюнча
Адис ашказан коронавирусу пайда болгонун айтып, белгилерин санап берди
Адис Түндүк агым - 2 газ түтүгүнүн аймагында иштеп жатат. Архив

Миллиарддаган доллардан кол жууп... "Түндүк агым 2" октябрга чейин бүтөбү

31
Түндүк агым — 2нин" айланасында чуу басылчудай эмес, АКШ Европаны санкция менен коркутууну улантып жатат.

Европа россиялык газга муктаждык бар экенин билип турса да Германияда боло турган шайлоо долбоорго кедергисин тийгизип коюшу мүмкүн болуп турат. Демек, курулушту эртерээк бүтүрүү зарыл. Качан даяр болорун РИА Новости боолголоду.

Шайлоого чейин жетишүү керек

Россиянын Германиядагы элчиси Сергей Нечаев газ түтүгү 26-сентябрга чейин курулуп бүтөрүн айтты. "Күн жылыса ишибиз илгерилейт", — деди ал. Ушу тапта түтүктүн 100 чакырымы калды.

Шайлоодон кийин Бундестагдагы күчтүү позицияны жашылдар ээлеши мүмкүн, булар долбоорду колдобойт. 3-майда NABU (жаратылышты коргоо боюнча бейөкмөт уюм) Гамбургдун административдик сотуна кайрылып, "Түндүк агым — 2" Балтика деңизине зыян келтирерин айтып чыкты.

Анын үстүнө россиялык түтүккө көз карашы түз болгон Ангела Меркель кызматынан кетет. Бийликке ким келери азырынча белгисиз. Долбоор миллиарддаган долларды чапчыганын да унутпайлы.

"Азыр он миллиард долларды суу түбүндө калтырууга даярбызбы деген маселе көтөрүлүп жатат. Чечимди Европа кабыл алат", — деди Нечаев.

Евробиримдикте пикирлер эбак эле бөлүнүп кеткен. Түтүк Германия, Финляндия, Швеция жана Даниянын нейтралдуу сууларынан өтөт. Алгачкы үч өлкө курулушка дароо эле макул болгон. Копенгаген гана каршылык көрсөтүп, бирок акыры уруксат берген. Анткен менен Чехия, Польша, Венгрия, Словакия, Румыния, Хорватия караманча каршы. Украина тууралуу сөз кылып да кереги жок. Эч кимдин транзит өлкө деген макамдан ажырагысы жок.

Санкцияларга карабай

"Түндүк агым — 2нин" эки түтүгүнүн жалпы кубаттуулугу жылына 55 миллиард куб метрди түзөт. Узундугу 1 234 чакырым.

Курулуш 2019-жылдын декабрында токтотулган. Анда америкалык санкциялардан улам түтүктөрдү жаткырган Швейцариянын Allseas компаниясы долбоордон чыгып кеткен. Бир жылдан соң иш жанданганы менен АКШ тоскоолдук жаратуусун токтотпой келет.

Американын 2021-жылга карата бекитилген коргонуу бюджети чектөөлөрдү кеңейтти. Мамдепартамент европалык компанияларды коркутуп-үркүтүүдө. Быйыл февралда долбоордон ЕБдин 18 компаниясы чыгып кетти.

Ошентсе да Европа энергетикалык коопсуздук үчүн долбоордун зарылдыгын түшүнүп турат. Германия муну бир нече ирет далилдеген. 4-майда ГФРдин тышкы иштер министри Хайко Маас Лондондо өткөн "Жетиликтин" ТИМ башчыларынын жыйынында өлкө көмүр жана атомдук энергетикадан баш тарта турганын билдирген. Анын айтымында, мындай аракет энергиянын түгөнбөс түрлөрүнө өтүү үчүн газга болгон муктаждыктын өсүп жатканы менен түшүндүрүлөт.

Бир нече күндөн кийин, 11-майда, "Германия үчүн альтернатива" партиясынын теңтөрагасы Тино Крупалла: "Көз карандысыз мамлекет катары биз башка өлкөлөр менен байланышты бекемдешибиз керек" деп эскертип, газ түтүгүнүн курулушу Германияга да, Россияга да пайдалуу экенин белгилеген.

"Экономика жаатындагы узак мөөнөттүү натыйжалуу кызматташууну АКШ каалагандай көз ирмемде саясий доомат менен бузуп салуу мүмкүн эмес. Бул жөн гана бизнес", — деп эсептейт Россиянын Эл достугу университетинин экономика факультетинин доценти Максим Черняев.

Эми кызыл лента сентябрдын соңу менен кесилери арсар болуп турат.

"Тоскоолдук саясий жана юридикалык жактан эле жаралып жаткан жок. Негизи эле курулуштун темпи өтө жай. 19-апрелден 10-майга чейин 3,1 чакырым төшөлдү. 1-19-апрель аралыгында 6,6 чакырым жаткырылды. Демек, 40 күндө 11,7 чакырым же орточо эсеп менен күнүнө 0,3 чакырым түтүк жаткырылып жатат. Мындай ыргак менен дагы 11 ай керектелет", — деди TeleTrade маалыматтык-аналитикалык борбордун экономисти Марк Гойхман.

Кандай болгон күндө да долбоор токтобой турганына катуу каршы чыгып жаткандар да түшүнүштү окшойт. Жаңы санкциялардан кыйгап өтүү үчүн туунду компанияларды пайдаланууга болот. Албетте, бул көбүрөөк убакытты алат, бирок иш кынтыксыз бүтөрүнөн кабар берет.

31
Белгилер:
курулуш, долбоор, кызматташуу, Германия, Европа, Россия, АКШ, Түндүк агым - 2, түтүк, газ
Тема боюнча
Россия менен АКШ Европа рыногун бөлүшүүдө: газ сактоочу жайларды ким толтурат

Имараттарды кыйраткан ракеталар. Газа тилкесинен тартылган видео

191
(жаңыланган 18:49 14.05.2021)
Израиль армиясынын Газага абадан урган соккуларынан улам курман болгондордун саны өсүүдө. Алардын арасында аялдар менен балдар бар. Расмий маалыматтар боюнча, 119 адам каза таап, жүздөгөн киши жаракат алган.

Израиль менен Палестинанын ортосундагы конфликт 10-май күнү кечинде курчуган. Эки жак тең ракета менен аткылоону токтотпой жатат.

Газа тилкесинен 1 500дөн ашык ракета коё берилген. Израиль дагы ХАМАС кыймылына жооп кайтарууда.

Буга чейин ЖМКлар Израиль сотунун чечими менен Чыгыш Иерусалимдеги Шейх-Жаррахта жашаган бир нече палестиналык үй-бүлө аталган аймактан чыгарылганын жазган. Ал эми 7-майда палестиналыктар менен Израилдин полициясы кагылышкан. Тартип сакчылары Аль-Акс мечитине чабуул коюу үчүн атайын каражаттарды колдонушкан.

10-майда ХАМАС аталган аймактан аскерлерди чыгарып кетүү талабын койгон. Кечинде массалык түрдө ракета менен аткылоо башталган.

191
Белгилер:
мечит, Палестина, Израиль
Тема боюнча
Эмнеге Пентагонго Борбор Азияда орун жок? Сереп
Депутат Зарылбек Рысалиев. Архив

БШК Рысалиевди мандатынан ажыратты. Анын ордуна ким келди?

0
(жаңыланган 21:38 14.05.2021)
Мурдагы ички иштер министри жана жаза аткаруу мамлекеттик кызматынын экс-төрагасы Зарылбек Рысалиев Жогорку Кеңешке 2017-жылы "Республика — Ата-Журт" фракциясынан депутат болуп келген.

БИШКЕК, 14-май — Sputnik. Борбордук шайлоо комиссиясы Жогорку Кеңештин депутаты Зарылбек Рысалиевди мандатынан ажыратты.

БШКга эл өкүлүнөн депутаттык мандатын тапшырары тууралуу арыз келип түшкөн. Маалым болгондой, 10-май күнү Бишкектин Свердлов райондук соту Борбордук шайлоо комиссиясына Зарылбек Рысалиевге карата өз чечимин жиберген. Буга чейин ал Азиз Батукаевди мыйзамсыз бошотуу иши боюнча 300 миң сом айып төлөөгө милдеттендирилген.

Мурдагы ички иштер министри жана Жаза аткаруу мамлекеттик кызматынын экс-төрагасы Зарылбек Рысалиев Жогорку Кеңешке 2017-жылы "Республика — Ата-Журт" фракциясынан депутат болуп келген.

Рысалиевдин ордуна Өскөнбай Жээнбаев эл өкүлү болуп келген. Жээнбаев Жогорку Кеӊештин депутаты болуп катталып, ага күбөлүк жана төш белги берилген. Юстиция министрлигинин маалыматына ылайык, жаңы эл өкүлү буга чейин курулуш компанияларын жетектеген.

0
Белгилер:
мандат, депутат, Жогорку Кеңеш, БШК, Зарылбек Рысалиев
Тема боюнча
Марат Иманкулов Коопсуздук кеңешинин катчысы болуп дайындалды