Акча санап жаткан адам. Архив

Пекин Нью-Йорктон ашып миллиардерлердин ордосуна айланды

113
(жаңыланган 11:07 28.04.2021)
Пекиндеги эң бай адам — Чжен Иминь. Ал TikTok соцтармагына ээлик кылган ByteDance компаниясынын негиздөөчүсү. Байлыгы 35,6 миллиард доллар деп бааланган.

БИШКЕК, 28-апр.— Sputnik. Былтыркы жылдын жыйынтыгы менен Пекинде миллиардерлердин саны 100гө жетип, Нью-Йорктон (99) ашты. Бул тууралуу Forbes журналы маалымдады.

Мындай жол менен Пекин биринчи ирет дүйнөдө миллиардерлердин борбору болду.

Бир жыл ичинде Кытайдагы шаарда 33 миллиардер пайда болсо, Нью-Йоркто жети жаңы бай кошулган. Белгилей кетсек, Пекинде Нью-Йоркко салыштырмалуу 2,5 эсеге көп 21 миллион адам жашайт. Ал эми АКШдагы шаарда 8,4 миллион гана киши бар.

Пекиндеги эң бай адам — Чжен Иминь. Ал TikTok соцтармагына ээлик кылган ByteDance компаниясынын негиздөөчүсү. Анын байлыгы 35,6 миллиард доллар деп бааланган. Нью-Йорктун эң байы экс-мэр жана ишкер Майкл Блумберг. Мал-мүлкү 59 миллиард долларды түзөт.

Жалпысынан алганда Кытайга салыштырмалуу АКШда миллиардерлер көп экени айтылды. Кошмо Штаттарда 724 миллиардер болсо, Кытай 698 миллиардери менен экинчи орунга чыккан. Үчүнчү орунда Индия (140), андан кийин Германия (136) жана Россия (117) турат.

Акыркы жылдары Кытайда байлыгы ашып-ташыгандардын саны тездик менен өсүүдө. Өткөн жылы өлкөдө жаңы 210 миллиардер пайда болгон.

113
Белгилер:
Forbes, байлык, миллиардер, АКШ, Кытай
Тема боюнча
Forbes: байлардын сап башын кайрадан Жефф Безос менен Илон Маск ээледи

Баары бир күчтүү экен. Арстан менен крокодилдин суу ичинде кармашкан видеосу

49
(жаңыланган 10:29 18.05.2021)
Ботсванадагы жаратылыш парктарынын биринде туристтер крокодил менен арстандын кармашына күбө болгон.

Эки арстан суу ичип, андан соң көлмөнүн ичинде сүзүп жүргөндө аларга алыстан байкоо салган башка жырткыч кол салууну чечкен. Видеодон жаныбарлар падышасынын кичүүсү алдыда, чоңураагы артта сууда кетип бара жатканын, ал эми бир нече метр аралыкта крокодил байкатпай сүзүп келгенин көрүүгө болот.

Жакындаганда илгиртпей тиштеп, көлмөнүн түбүн көздөй тартканы менен арстан күрүлдөгөн тейде кол салып, кичүүсүн сактап калган. Ал эми өзү крокодил менен алышып, суу алдында калган. Туристтер буга тынчсыздангандыгын, бирок бир нече убакыттан кийин окуя болгон жерден алысыраак аралыктан арстандын суудан чыкканын жазышкан.

49
Белгилер:
кармаш, турист, крокодил, арстан, жаратылыш
Тема боюнча
Аягына чейин турду. Крокодилдин оозунан суурулуп чыккан антилопанын видеосу
ТИМ башчысы Руслан Казакбаев. Архив

Душанбеде өтө турчу ЖККУ жыйынына ТИМ башчысы Руслан Казакбаев катышат

33
(жаңыланган 09:41 18.05.2021)
Тышкы саясий ведомстволордун башчылары актуалдуу эл аралык маселелер, регионалдык кырдаалдын абалын жана өнүктүрүүнүн келечегин талкууламакчы.

БИШКЕК, 18-май — Sputnik. ТИМ башчысы Руслан Казакбаев Тажикстанда өтө турчу ЖККУга мүчө мамлекеттердин тышкы иштер министрлеринин кеңешинин кезектеги жыйынына катышат. Бул тууралуу мекеменин маалымат кызматы кабарлады.

Жыйын эртең, 19-майда, Тажикстандын борбор калаасы Душанбе шаарында өтөт.

Иш-чаранын жүрүшүндө тышкы саясий ведомстволордун башчылары актуалдуу эл аралык маселелер, регионалдык кырдаалдын абалын жана өнүктүрүүнүн келечегин талкуулайт.

Ошондой эле ЖККУнун алкагында тышкы саясатты координациялоону күчөтүү маселелери боюнча пикир алышуу, ушул жылдын экинчи жарымында Душанбе шаарында өткөрүүнү пландаштырып жаткан Жамааттык коопсуздук кеңешинин сессиясына даярдыктын жүрүшүн талкуулоо пландалып жатат.

33
Белгилер:
Руслан Казакбаев, ТИМ, Душанбе, Тажикстан
Тема боюнча
Путин Кыргызстан менен Тажикстанга ортомчу болууга даяр
Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады

Токтогулда Volvo унаасы өрттөнүп, чиркегичиндеги ун жарабай калды. Сүрөт

10
(жаңыланган 11:01 18.05.2021)
Оор жүк ташуучу унаанын чиркегичинин каркасы эле калган, жерде өрттөнгөндөн калган ун чачылып жатканын көрүүгө болот.

БИШКЕК, 18-май — Sputnik. Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады.

  • На месте пожара в большегрузной машине на 219-м км автодороги Бишкек — Ош
    Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады
    © Фото / пресс-служба МЧС
  • На месте пожара в большегрузной машине на 219-м км автодороги Бишкек — Ош
    Volvo оор жүк ташуучу унаанын чиркегичи толугу менен күйүп, жүктөп келе жаткан уну жарабай калган.
    © Фото / пресс-служба МЧС
1 / 2
© Фото / пресс-служба МЧС
Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады

Окуя Бишкек — Ош унаа жолунун 219-чакырымында болгон. Анда Volvo оор жүк ташуучу унаанын чиркегичи толугу менен күйүп, жүктөп келе жаткан уну жарабай калган.

ӨКМ тараткан сүрөттөн чиркегичтин каркасы эле калганын, жерде өрттөнгөндөн калган ун чачылып жатканын көрүүгө болот.

Өрттүн себеби такталууда.

10
Белгилер:
ун, өрт, жол, унаа, Токтогул, ӨКМ
Тема боюнча
Кабинанын темири эле калган. Сузакта май ташыган автоунаа өрттөндү. Видео