Россия президенти Владимир Путин. Архив

Путин кайсы жерге кызыл чийин чийгенин Батыш жакшы билет

196
(жаңыланган 11:26 28.04.2021)
Россия өзү менен алака түзүүдө кызыл чийинден аттоого жол бербейт, ал кай жерден өтөрүн ар бир кырдаалда РФ өзү аныктайт.

Федералдык жыйындагы Владимир Путиндин кайрылуусундагы ушул айткандарын анын Мюнхендеги сөзүнө салыштырып, Россиянын тышкы саясаттагы жаңы манифести деп аташты. Кесиптешибиз Петр Акопов ушунун тегерегинде жана дүйнө кандай кабылдаганы тууралуу ой калчап, макала РИА Новости агенттигине жарыяланды.

Чындыгында жаңы тарыхый мезгил башталды, РФ президентинин сөздөрү муну тастыктайт. Россия алсырап, калыбына келип, күчтөнүп, эми чабуулга өттү. Украина же Батышка багыт албай, өзүнүн улуттук кызыкчылыктарын ачык жана катуу коргомокчу.

РФ тышкы жагдайга туура баа берген сайын дүйнөлүк аренада кадамы так шилтенип, ири геосаясий тактанын ар бир бурчундагы оюндарга активдүү катыша баштаган. Ал ансайын өзүнө атаандаш санаган тараптар Россияны дүйнөгө жаманатты кылып, ааламга коркунуч катары көрсөтүп, бөгөттөп, оолактатууга далбасташкан.

Крымдан кийинки жети жыл мындай аракеттер майнапсыз экенин айгинеледи. Дүйнөлүк масштабда андай нерсенин "казаны көпкө кайнабайт". Россияны ооздуктоо саясатынын жыйынтыктары дүйнөнүн кескин өзгөрүлгөнүн далилдейт.

90-жылдары Россияны эсептен чийишкен эле, Мюнхен жана Крым аркылуу ал күчтүү держава позициясына кайрадан ээ боло баштаганда Батыш айран таң калган. СССРдин масштабындагыдай болбосо да, "казино кожоюндарынын" бүт оюндарын бузууга жетишерлик деңгээлде кайткан. Муну аңдаганда атлантистчилер: "орустар келе жатат!", башкача айтканда орустар баарына кийлигишип жатышат деп кымгуут түшө башташкан. "Крым менен Сирия аларга аз келгенсип, Трампты да шайлап алышты, Brexit уюштура калышты" деген айыптоолор жаңырган... Ушул өңдүү көрүнүштөргө дүйнө көз салып келе жатканына бир далай болуп калды.

Анткен менен Россияны обочолонтуу аракеттери толугу менен тетири натыйжа берди. Батышта айтылгандай орустар ушунчалык күчтүү болсо, алар менен иш алып барып, ал тургай достошуу керек деген тейдеги маанай жаралды. Азия, Латын Америкасы, Африка үчүн Россия кошумча жарнамаланып, аталган державаны планетанын ар түрдүү аймактарына кайтышына өбөлгө болду.

Навальныйдын айынан "Түндүк агым – 2" долбоорун токтотуу боюнча коркутуулар жана санкциялар, Украинанын тегерегиндеги кырдаалды курчутуулар... Булардын баарын Батыш Россияга "кадыресе көрүнүш" катары таңуулоо аракетинде. Бирок Россия өзүнө сунушталган оюн эрежелерине көнбөй турганы анык. Батыш бирде Навальныйды, бирде Украинаны алып чыгып Россиянын көңүлүн алагды кылгысы бар. Ошону менен бирге эле бул эки тема тең Путин кеп кылган кызыл чийиндердин чегинен тыш. Балким бул ирет болуп калгысы бардыр деген үмүттө батыш муну жакшы түшүнүп турса да, улам Россиянын тамырын тартып көрөт.

Путиндин кайрылуусундагы бул сөздөр баарына – украиналык фронттогу да, РФтин улуттук кызыкчылыктары бар башка багыттагы да чагымчылыктарга багытталгандай. Албетте, Россия — глобалдык үстөмдүк дымагы күч өлкө эмес, дал глобалдык кызыкчылыктары бар держава.

Алар постсоветтик мейкиндикте гана тургай, алар Сирия менен Венесуэлада да, Вьетнам менен Сербияда, Египет жана Анголада да бар. Анан да, алар жаңы дүйнө тартибин түзүүдө маанилүү.

196
Белгилер:
Батыш, НАТО, Сирия, Крым, АКШ, Түндүк агым - 2, Владимир Путин, Россия
Тема боюнча
Тарыхтын эстен чыккан сабактары. Медведев РФ менен АКШнын алакасы тууралуу
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

31
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

31
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу
АКШнын жана Канаданын желектери. Архив

Centerra менен соттошууга жардамдашчу АКШ менен Канада компаниялары. Дайын-дареги

169
(жаңыланган 20:12 18.05.2021)
Кыргызстандын бийлиги Centerra Gold Inc. менен соттук териштирүү иштерин жүргүзүү үчүн жалдаган америкалык жана канадалык юридикалык компаниялар эмнеси менен белгилүү экенин Sputnik агенттигинин материалынан окуңуздар.

17-май күнү Жогорку Кеңештин кезексиз жыйынында Кыргызстан Centerra Gold Inc. компаниясы менен соттошуу үчүн АКШ менен Канададагы алдыңкы юридикалык компанияларды жалдай турганы белгилүү болду.

Centerra компаниясынын директорлор кеңешинин мүчөсү Теңиз Бөлтүрүктүн айтымында, Кыргызстандын кызыкчылыктарын эл аралык арбитраждык сотто коргоо үчүн бийлик Arnold & Porter жана Goodmans LLP юридикалык компанияларынын кызматын колдонот.

Член совета директоров Centerra Gold Inc. Тенгиз Болтурук на внеочередном заседании Жогорку Кенеша
© Фото / пресс-служба Жогорку Кенеша
Centerra компаниясынын директорлор кеңешинин мүчөсү Теңиз Бөлтүрүк
"Биз Arnold & Porter компаниясынын юристтерин жалдадык. Бул арбитраждык сот боюнча АКШдагы 2020-жылы алдыңкы 20 юридикалык фирманын катарына кирген компания болуп эсептелет. Канадада болсо алдыңкы жети компаниянын катарына кирген Goodmans менен иштешмей болдук. Юристтердин айтымында, биз жакшы позицияда турабыз. Ар бир кадамыбыз, керек болсо бул жерде сүйлөп жаткан сөздөрүбүздөн бери юристтер менен макулдашылган", — деди Бөлтүрүк.

Sputnik Кыргызстан аталган компаниялар канчалык белгилүү жана кандай иштерди караганын билип көрдү.

Arnold & Porter

Ачык булактардагы маалыматтарга караганда, Arnold & Porter компаниясы буга чейин дагы Кыргызстандын кызыкчылыгын эл аралык арбитражда коргогон.

2013-жылдын март айында казакстандык Consolidated Exploration холдинги Кыргызстандын өкмөтү өлкөдөгү эң ири алтын кендеринин бири болгон Жер-Үйдү иштетүүгө берилген лицензияны жокко чыгарганы үчүн бийликти 548 миллион долларга жыгууну суранып сотко кайрылган. Мындан улам Кыргызстандын жетекчилиги америкалык юристтердин кызматын колдонууну чечкен.

Биринчи угуулар 2015-жылдын октябрь-ноябрь айларына белгиленген. Бирок талаш-тартышты лицензиянын жаңы ээси "Восток–геолдобыч" жөнгө салып койгон. Компания казакстандык ишкана менен сүйлөшүүлөрдү жүргүзүп, натыйжада алар арызын артка чакырткан.

Arnold & Porter компаниясынын быйылкы жылдагы чуулгандуу иштеринин бири Түркиянын бийлиги менен байланыштуу. Өлкө бешинчи муундагы F-35 истребителдерин өндүрүү боюнча америкалык программага катышуусун сактап калуу үчүн аталган фирма менен келишимди февраль айында түзгөн. Буга чейин Анкара россиялык С-400дү сатып алганы үчүн программадан чыгарылып калган.

Келишимге ылайык, компания АКШда Түркиянын кызыкчылыгын коргоп, америкалык бийлик менен байланыш түзүүгө жардам бериши керек болгон. Reuters агенттигинин жазганына караганда, алты айлык консультация үчүн Түркиянын жетекчилиги 750 миң доллар төлөөгө макул болгон.

Баса, АКШнын жакында эле шайланган башкы прокурору Меррик Гарланд карьерасын Arnold & Porter компаниясынан баштаган. Ал бул ишканага 1981-жылы кенже мүчө катары кошулуп, 1985-жылы өнөктөшү болгон.

Goodmans LLP

Бул компаниянын башкы кеңсеси Торонтодо. Ишкананы 1917-жылы Дэвид Бертрам Гудман негиздеген. Бүгүнкү күндө аталган фирмада 200 юрист иштеп, финансылык институттарга жана трансулуттук корпорацияларга кызматын сунуштайт.

Goodmans LLP эки жыл катары менен Канададагы эң мыкты юридикалык компания катары таанылган. 2018-жылдын сентябрь айында ишкана Americas Tax Awards сыйлыгын алган.

Компаниянын расмий сайтындагы маалыматка караганда, Goodmans LLP юристтеринин командасы жакында эле алтын өндүргөн дүйнөдөгү эң ири Newmont Mining корпорациясынын кызыкчылыгын коргогон. Соттук иш эмне менен аяктаганы жазылган эмес.

Белгилей кетсек, Newmont Mining ишканасынын туунду компаниясы Өзбекстанда иштеген. Бирок 2006-жылы өлкө бийлиги алтын менен компаниянын активдеринин бир бөлүгүн камакка алган. Себеби жергиликтүү сот 2002-2005-жылдардан бери төлөнбөй келген салыктар үчүн деп 48 миллион доллар айыпка жыккан. Ал эми корпорация бирдиктүү ишкана өкмөт 1995-жылы берген салык льготаларын мыйзамдуу негизде колдонуп келгенин айткан. Кийин сот компанияны банкрот деп жарыялап тийиштүү чараларды көргөн.

169
Белгилер:
арбитраж, сот, Кумтөр, Канада, Кыргызстан
Тема боюнча
Шыкмаматов: "Кумтөр" маселесин цивилизациялык жол менен чечебиз
Таң калып турабыз. Канада бийлиги "Кумтөр" чыры боюнча билдирүү жасады