РФ Тышкы иштер министрлигинин расмий өкүлү Мария Захарова. Архив

Захарова: Батыш РФти ооздуктоо боюнча пландалган кампаниясын ишке ашырууда

137
(жаңыланган 20:05 01.05.2021)
РФ тышкы иштер министринин расмий өкүлү маалымдагандай, ЕБдин сегиз аткаминерине карата санкция киргизүү боюнча Россиянын бардык аракеттери "жамааттык Батыш тараптын достукка жат, кээде кастык аракеттерине гана көрүлгөн чара" болуп саналат.

БИШКЕК, 1-май. — Sputnik. Батыш өлкөлөрү Россия Федерациясын ооздуктоо саясатын көздөгөн алдын-ала иштелип чыккан, пландалган маалыматтык-саясий кампаниясын ишке ашырууда. Бул тууралуу Sputnik агенттигине РФ Тышкы иштер министрлигинин расмий өкүлү Мария Захарова билдирди.

Ал узак жылдардан бери РФ ЕБдеги өнөктөштөрүнө улам келип чыккан маселе, көйгөйлөрдү дипломатиялык ыкмалар, сүйлөшүү жана консультациялардын жардамы менен чечүүнү сунуштап келгенин баса белгилейт.

"Бирок жыл өткөн сайын бардык – реалдуу да, ойдон чыгарылган да көйгөйлөр атайын кеңири жайылтылат. Конструктивдүү диалог нугуна салууга болгон биздин бардык аракеттерибиз Евробиримдик тарабынан бөгөттөлүп келет", — деп билдирет Захарова.

РФ Тышкы иштер министринин расмий өкүлү маалымдагандай, ЕБдин сегиз аткаминерине карата санкция киргизүү боюнча Россиянын бардык аракеттери "жамааттык Батыш тараптын достукка жат, кээде кастык аракеттерине гана көрүлгөн чара" болуп саналат.

Жума күнү Россиянын Тышкы иштер министрлиги Евробиримдикке мүчө өлкөлөрдүн РФтин аймагына кирүүгө тыюу салынган сегиз жаранынын аты-жөнүн жарыялаган эле.

Тизмеге Европарламенттин жетекчиси Давид Сассоли, ошондой эле Еврокомиссиянын европалык баалуулуктар жана транспаренттүүлүк (ачыктык) боюнча вице-президенти Вера Юрова да кирген.

137
Белгилер:
Мария Захарова, Тышкы иштер министрлиги, Европа биримдиги, Россия
Тема боюнча
Захарова: Россия Бишкек — Душанбе чатагынын чечилишине көмөктөшүүгө даяр
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

79
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

79
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео
Спутник Лайт вакцинасы. Архив

Россия коронавируска каршы дагы бир вакцинаны каттоодон өткөрдү

54
(жаңыланган 23:00 06.05.2021)
Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетери айтылды.

БИШКЕК, 6-май — Sputnik. Россиянын Саламаттык сактоо министрлиги коронавируска каршы "Спутник Лайт" вакцинасын каттоодон өткөрдү. Бул тууралуу РИА Новости жазды.

"Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетет. Бул учурда текшерилгендердин 96.6 пайызында IgG антителосу, 91,67 пайызында вирусту алсыздандыра турган антитело пайда болорун аныкталды. 80 пайыз учурда анын таасири эки компоненттүү вакциналардан дагы күчтүү экени белгилүү болду”, — деп айтылат билдирүүдө.

Учурда анын клиникалык сыноосунун үчүнчү фазасы өтүп, ага Россия, БАЭ, Гана сыяктуу мамлекеттерден 7 миң киши катышып жатат. Жыйынтыгы ушул айда белгилүү болот.

"Спутник Лайт" Гамалея борбору менен Россиянын Түз инвестициялар фонду (РФПИ) биргеликте иштеп чыккан "Спутник" вакцина топтомуна кирет.

Буга чейин Гамалея атындагы борбордун директору Александр Гинцбург "Спутник Лайт" аталган мамлекеттерде оорунун мизин кайтарып, жергиликтүү саламаттык сактоо тармагына сезилерлик колдоо болорун белгилеген.

54
Белгилер:
вакцина, коронавирус, Россия
Тема:
Дүйнөгө жайылган коронавирус
Тема боюнча
Майдын ортосунда "Спутник V" вакцинасынын дагы бир партиясы келери күтүлүүдө