Microsoft компаниясынын негиздөөчүсү Билл Гейтс жубайы Мелинда менен. Архив

Дүйнөдөгү эң бай адамдардын дагы бири жубайы менен ажырашты

238
(жаңыланган 11:27 04.05.2021)
Жубайлар 27 жыл чогуу түтүн булатып, үч баланы тарбиялашкан. Эми экөө жашабаса да бирге түптөгөн фонддо чогуу иштөөсүн уланта бермей болушту.

БИШКЕК, 4-май — Sputnik. Microsoft компаниясынын негиздөөчүсү Билл Гейтс жубайы менен ажырашты. Бул тууралуу ВВС жазды.

"Аялым Мелинда экөөбүз мамилебизди бекемдөө үчүн көп аракет кылдык. Бирок акырында эки башка жолго түшүү чечимин кабыл алдык. Биз 27 жыл чогуу жашап, үч баланы татыктуу тарбияладык. Дүйнө жүзү боюнча адамдардын жашоо сапатын жакшыртууга жардам берген кайрымдуулук фондун түптөдүк. Ал фонддогу ишибизди, баштаган нерсебизди уланта беребиз. Бирок түгөй катары мындан ары чогуу жашай албайбыз", — деп жазган ал өзүнүн Twitter баракчасына.

Гейтс жубайы Мелинда менен 1980-жылдардын аягында, ал Microsoft компаниясына ишке киргенде, таанышкан. 2000-жылы жубайлар кайрымдуулук фондун түзүп, байлыгынын бир бөлүгүн жумшаган.

Forbes журналы Билл Гейтсти ушул тапта дүйнө жүзү боюнча эң бай беш адамдын катарында деп эсептейт. Ал 124 миллиард доллар байлыгы менен төртүнчү орунда турат.

Буга чейин учурда дүйнөдөгү эң капчыктуу адам, Amazon корпорациясынын башчысы Жефф Безос жубайы Маккензи Скотт менен ажырашкан. Алар байлыгын бөлүшө келгенде Скоттко 68 миллиард доллар тийип, дүйнөдөгү эң бай аял болуп чыга келген.

238
Белгилер:
компания, Microsoft, ажырашуу, үй-бүлө, Билл Гейтс
Тема боюнча
Amazon негиздөөчүсүнүн мурдагы жубайы дүйнөдөгү эң бай аял болду
Forbes дүйнөдөгү эң таасирдүү аялдарды атады

Тамак талашып... Бактын башынан кулаган арстан менен кабыландын видеосу

14
(жаңыланган 10:03 10.05.2021)
Бактын башында олжо талашып урушкан кабылан менен арстанды көтөрө албай, бутак сынып кеткен. Окуя Түштүк Африкадагы Крюгер паркында болгон.

Видеонун авторунун айтымында, ургаачы арстан бактын башында жүргөн кабыландын олжосуна кызыгып, эринбей чыгып барган. Тапкан тамагын кызганган берки жырткыч айбат кылып, экөө ошол жерден чапчылашып, уруша кеткен.

Эки ири жырткычтын салмагын көтөрө албаган бутак жоон болгону менен сынып кетип, эки жаныбар жерге күү менен түшкөн. Бак-шак, сынган бутактын арасынан эптеп суурулуп чыккан кабылан артын карабай качкан. Видеодон анын катуу чочуп калганын байкоого болот.

Ал эми арстан эки жагын каранып, ошол жерде турганы менен видео аяктаган.

Маалыматта бир чети таңгалдырып, бир чети күлкүнү келтирген бул окуянын Лондолоза деп аталган аймакта болгону жазылган.

14
Белгилер:
олжо, кабылан, арстан, Түштүк Африка Республикасы
Тема боюнча
Тумшугуна эч нерсе илинбей. Олжосунан ажыраган арстандын видеосу
Ооруп аткан киши. Архивдик сүрөт

Канда холестерин көп экенин кантип билсе болот? Белгилери

57
Муундардын оорушу, дем алуунун кыйындашы, чарчоо да канда холестериндин көп болуп кеткенинен кабар берет.

БИШКЕК, 10-май — Sputnik. Британиялык British Heart Foundation уюмунун адистери канда жаман холестериндердин ашыкча көбөйүп кетиши инсультка кептээрин эскертишкен. Бул тууралуу РИА Новости Express басылмасына таянып кабарлады.

Окумуштуулардын материалында жазылгандай, канда холестерин көбөйгөндө мээнин кан айлануусу жайлап, ал тургай токтоп калат. Мындан улам адам инсульт болот. "Кан тамыр түтүк сыяктуу, холестерин көп болгон учурда ал түтүктү жаап салып, жыйынтыгында кычкылтек, азыктандыруучу заттар жүрөккө жетпей калат. Мунун кесепетинен аталган орган приступ болот", — деп айтылат маалыматта.

Медиктердин айтымында, канда холестерин көбөйүп кеткенде көкүрөк тушу, буту-колдун учтары ооруй баштайт. Мындан сырткары, адамдын аң-сезими ар нерсени чаташтыра баштайт. Мунун себеби мээге кан жетпей калгандыгында. Муундардын оорушу, дем алуунун кыйындашы, чарчоо да канда холестерин ашыкча экенинен кабар берет.

Буга чейин адис, дарыгерлер канда холестеринди кумшекер, майлуу, куурулган, камыр тамактар көбөйтө турганын айтышкан.

57
Белгилер:
жүрөк, оору, инсульт, холестерин, медик
Тема боюнча
Кыска убакытта арыктоо эмнеси менен кооптуу. Диетолог Дүйшөнкулованын маеги