АКШнын президенти Жо Байден. Архив

Россия чүкөсү айкүр түшүп. Байдендин кибер чабуул боюнча айтканы чечмеленди

112
(жаңыланган 16:19 14.05.2021)
Буга чейин АКШ сөз кылуудан качып келген кибер кылмыштуулук маселеси биринчи ирет алар тарабынан көтөрүлүп жатканы маанилүү болуп турат.

БИШКЕК, 14-май — Sputnik. АКШнын президенти Жозеф Байден Россия менен кибер кылмыштар боюнча "түз сүйлөшүп жаткандыгын" билдирди. Саясат таануучу Алексей Зудин Sputnik радиосунун обосунда эмне үчүн жогорудагы билдирүү өзгөчө көңүл бурууга арзый турганын түшүндүрүп берген.

Америка президенти Жозеф Байден Ак үйдө сүйлөп жатып, Россия өкмөтүнүн өткөргүч түтүктөр боюнча АКШнын ири оператору — Colonial Pipeline компаниясына жасалган чабуулга тиешеси жоктугун айтты. Бирок ал хакерлер Россиянын аймагында жайгашышы мүмкүн деген түкшүмөлүн да билдирди.

"Чабуулга Россия өкмөтүнүн тиешеси бар деп эсептебейбиз, бирок чабуулду жасаган кылмышкерлер Россияда жашайт деп ойлоого бизде негиз бар. Бул Россия жактан келди. Акча талап кылган тармактарга каршы чара көрүү жагынан алып караганда Россия менен түз сүйлөшүп турабыз жана алардын чара көрүү мүмкүнчүлүгүн бузбаганга умтулабыз", — деген Байден.

Colonial Pipeline компаниясы бир нерсени талап кылган программалардын чабуулуна кабылган. Болжолдоп айтканда, ал хакерлердин DarkSide деп аталган тобу болушу мүмкүн. Хакерлердин бул иши түтүк өткөргүчтөрдүн туруп калышын жана АКШда бензиндин дүң баасынын өсүп кетишин жараткан.

Түтүктөр бейшембиге караган түнү кайрадан иштей баштады. Бирок АКШ президенти анын ишинин толук жанданып кетишине убакыт керектигин баса белгилеген.

Sputnik радиосунун эфиринде Эл аралык мамилелер боюнча Москва институтунун салыштырма саясат кафедрасынын улук окутуучусу Алексей Зудин Байдендин Россия менен кибер кылмыштуулук маселесин талкуулоо туурасындагы билдирүүсүнө көңүл бурган.

"Россия бул маселелерди талкуулоого АКШны көптөн бери чакырып келет, ал эми АКШ теманы сүйлөшүүнүн негизи кылып алуудан дал ушундай болуп баш тартчу. Түзүлгөн кырдаал мен үчүн өтө кызыгууну жаратып жатат, буга чейин мындай сунуш (АКШ тарабынан) айтылганын такыр укпаптырмын", — деди Зудин.

Анын айтымына караганда, бул жерден россиялык позициянын ийгилигин көрүүгө болот.

"Буга чейин АКШ сөз кылуудан качып келген кибер кылмыштуулук темасында сүйлөшүүлөрдүн биринчи ирет алар тарабынан айтылышы маанилүү болуп турат. Мында сүйлөшүүлөрдү сунуштап келе жаткан Россиянын позициясынын талашсыз ийгилигин көрүүгө болот", — деди эксперт.

ФБРдеги аты аталбаган тараптардын Аssociated Press басылмасына берген маалыматына ылайык, кайсы бир зыяндуу компьютердик программа Colonial Pipeline компаниясын мунай өндүрүүнү токтотууга мажбурлаган.

112
Белгилер:
баа, мунай, хакерлер, кибер чабуул, нефть, АКШ, Россия
Тема боюнча
"Москваны жазалоо": Россияда SWIFT системасы өчүрүлсө эмне болот?

45 метрден тебилген гол менен дарбазачы кошо кирип... Евро–2020нын видеосу

63
(жаңыланган 11:30 15.06.2021)
Чехиянын курама командасынын чабуулчусу Патрик Шик Европа чемпионатынын тарыхындагы суктанарлык голдордун бирин киргизди.

Кечээ Чехия Шотландияны Евро–2020нын алкагында өткөн тайпалык этаптын биринчи турунда жеңип алып, эсеп 2:0 менен аяктады. Биринчи таймдын аягында Шик топту атаандаштарынын дарбазасына башы менен уруп киргизген.

Оюндун 52-мүнөтүндө чехтер чабуулду күчөткөн. Шик каршылаш оюнчулардын дарбазачысы ордунан алысыраак турганын байкап, топту талаанын борборунан туруп тепкен. Видеодон көкөлөп учуп барып, дарбазанын темиринин астынан топ да киргенин, артынан чуркап күүлөнүп токтоно албай дарбазачы да кошо кирип кеткенин көрүүгө болот.

​Оюнчунун голду 45,44 метр аралыктан киргизгени маалым болду. Ошентип, бул Европа чемпионатындагы кеминде 1980-жылдан берки эң алыстан киргизилген топ болуп калды. Мурдагы рекордду немец Торстен Фрингс (35,3 метр) койгон. Лидерлердин үчтүгүндө 1996-жылы 31,27 метрден атаандаштарынын ичин күйгүзгөн Владимир Бесчастных да бар.

​Футбол боюнча Европа чемпионаты былтыр жай айында өтүшү керек болчу, бирок пандемиядан улам аны 2021-жылга жылдырган. Матчтар 11-июлга чейин Европанын бир нече шаарларында өтөт.

63
Белгилер:
дарбазачы, гол, футбол, Европа чемпионаты
Тема боюнча
Италиялык футболчу 65 метр аралыктан укмуштуудай гол киргизди. Видео
Новосибирск шаарындагы авто газ куюучу жайда болгон жарылуу

Новосибирсктеги жарылууда кыргызстандыктар жабыркады. Видео

77
(жаңыланган 11:19 15.06.2021)
Жарылуу кечээ, 14-июнда, жергиликтүү убакыт менен саат 18:00дөр чамасында Октябрь районундагы Гусинобродское шоссе көчөсүндө болгон. Алдын ала маалымат боюнча, кырсыктан 30дан ашуун киши жабыркаган.

БИШКЕК, 15-июн. — Sputnik. Новосибирск шаарындагы автогаз куюучу жайда болгон жарылууда үч кыргызстандык жабыркады. Бул тууралуу Тышкы иштер министрлигинен билдиришти.

Жарылуу кечээ, 14-июнда, жергиликтүү убакыт менен саат 18:00дөр чамасында Октябрь районундагы Гусинобродское шоссе көчөсүндө болгон. Алдын ала маалымат боюнча, кырсыктан 30дан ашуун киши жабыркаган.

ТИМден билдиргендей, окуя болгон жер кыргызстандыктар жашаган аймакка жакын болгондуктан, аталган шаардагы Башкы консулдуктун кызматкерлери жерине барып, ӨКМ кызматкерлери менен жолуккан.

"Жабыркагандардын арасында ар кандай деңгээлдеги күйүк алган Кыргызстандын үч жараны бар экендиги аныкталган. Ошол замат Башкы консулдуктун кызматкерлери Новосибирск облустук клиникалык ооруканасынын күйүк бөлүмүнө барышты", — деп айтылат билдирүүдө.

Маалыматка караганда, жабыркагандардын бардыгы Ош облусунун тургундары. 53 жаштагы жарандын денесинин 20 пайызы күйгөн. Дарыгерлер анын абалы туруктуу жана өмүрүнө коркунуч жок экенин айтышкан.

20 жаштагы экинчи жарандын денесинин беш пайызы күйгөн. Ооруканада медициналык жардам көрсөтүлгөндөн кийин үйүнө чыгарылган.

Жабыркаган үчүнчү кыргызстандык 33 жашта. Денесинин жети пайызы күйгөн. Алгач шок абалында болгондуктан кырсык болгон жерден кетип калган. Кийинчерээк Башкы консулдуктун кызматкерлери менен байланышып, алардын жардамы менен ооруканага жеткирилген.

Ошондой эле өрттүн жана жарылуунун натыйжасында Кыргызстандын жараны ижарага алып иштетип жүргөн кафе жана кыргыз жараны иштеген дөңгөлөк алмаштыруучу жай күйүп кеткендиги аныкталды.

Өрт болгон жерде Башкы консулдуктун кызматкерлери жарандар менен жолугушуу өткөрүп, паспорту күйүп кеткен бир жарандын документин калыбына келтирүүгө аракеттерди көрүүдө.

77
Белгилер:
жабырлануучу, өрт, жарылуу, Новосибирск, Россия
Тема боюнча
Асфальт күбүгөн шырдактай көтөрүлүп, андан соң жарылып кетти. Ухандагы видео
Абага көтөрүлүп жаткан учак. Архив

Оштон Казакстан менен Россияга кетчү каттамдардын тизмеси

0
(жаңыланган 11:57 15.06.2021)
Учурда "Ош" эл аралык аэропортунан Казакстан менен Россияга чартердик каттамдар учуп жатат. Мындан сырткары, ички каттамдар да иштөөдө.

БИШКЕК, 15-июн. — Sputnik. "Манас" эл аралык аэропортунун маалымат кызматы Ош шаарынан кайсы мамлекеттерге учуп кетсе болорун айтып, каттамдардын тизмесин жарыялады.

Маалым болгондой, учурда "Ош" эл аралык аэропортунан Казакстан менен Россияга чартердик каттамдар каттап жатат.

Казакстан

  • Ош — Алматы — Ош каттамы боюнча "Эйр Астана" компаниясы жумасына бир ирет (жекшемби) каттоодо;
  • Ош — Алматы — Ош каттамы боюнча TEZ JET авиакомпаниясы жумасына жети жолу учуп жатат;
  • Ош — Алматы — Ош каттамы боюнча Avia Traffic Company авиакомпаниясы жумасына үч ирет (шаршемби, ишемби, жекшемби) абага көтөрүлүүдө;
  • Ош — Шымкент — Ош багыты боюнча TEZ JET авиакомпаниясы жумасына төрт ирет (дүйшөмбү, бейшемби, ишемби, жекшемби) каттоодо;
  • Ош — Шымкент — Ош каттамы боюнча Avia Traffic Company жумасына жети күн учуп жатат.
  • Россия
  • Москва — Ош — Москва (Шереметьево) каттамы боюнча "Аэрофлот" авиакомпаниясынын учактары күн сайын учуп жатат;
  • Москва — Ош — Москва (Домодедово) каттамы боюнча S7 Airlines авиакомпаниясы жумасына эки ирет (ишемби жана жекшемби) каттоодо;
  • Москва — Ош — Москва (Домодедово) каттамы боюнча "Урал аба жолдору" компаниясы жумасына үч ирет (дүйшөмбү, шаршемби жана жума) учуп жатат;
  • Раменское — Ош — Раменское (Жуковский) каттамы боюнча "Урал аба жолдору" авиакомпаниясы жумасына 3 жолу (шаршемби, бейшемби, жума) учуп жатат;
  • Красноярск — Ош — Красноярск каттамы боюнча "Азимут" авиакомпаниясы жумасына бир жолу (ишемби) учуп жатат;
  • Красноярск — Ош — Красноярск каттамы боюнча "Икар (Pegas Fly)" авиакомпаниясы жумасына бир жолу (ишемби) учуп жатат;
  • Красноярск — Ош — Красноярск каттамы боюнча S7 Airlines авиакомпаниясы жумасына бир жолу (шаршемби) учуп жатат;
  • Красноярск — Ош — Красноярск каттамы боюнча "Урал аба жолдору" авиакомпаниясы жумасына бир жолу (шейшемби) учуп жатат;
  • Красноярск — Ош — Красноярск каттамы боюнча "Урал аба жолдору" авиакомпаниясы жумасына бир жолу (шейшемби) учуп жатат;
  • Красноярск — Ош — Красноярск каттамы боюнча Nordstar Airlines авиакомпаниясы жумасына бир жолу (бейшемби) учуп жатат;
  • Ростов-на-Дону — Ош — Ростов-на-Дону каттамы боюнча "Азимут" авиакомпаниясы жумасына бир жолу (жекшемби) учуп жатат;
  • Ростов-на-Дону — Ош — Ростов-на-Дону каттамы боюнча NordWind Airlines авиакомпаниясы жумасына бир жолу (жума) учуп жатат;
  • Кемерово — Ош — Кемерово каттамы боюнча "Икар (Pegas Fly)" авиакомпаниясы жумасына жолу (дүйшөмбү) учуп жатат;
  • Кемерово — Ош — Кемерово каттамы боюнча S7 Airlines авиакомпаниясы жумасына бир жолу (шаршемби) учуп жатат;
  • Санкт-Петербург — Ош — Санкт-Петербург каттамы боюнча Rossiya Airlines авиакомпаниясы жумасына эки жолу (бейшемби, жекшемби) учуп жатат;
  • Санкт-Петербург — Ош — Санкт-Петербург каттамы боюнча S7 Airlines авиакомпаниясы жумасына эки жолу (шаршемби, бейшемби) учуп жатат;
  • Санкт-Петербург — Ош — Санкт-Петербург каттамы боюнча "Урал аба жолдору" авиакомпаниясы жумасына бир жолу (шаршемби) учуп жатат;
  • Нижний Новгород — Ош — Нижний Новгород каттамы боюнча NordWind Airlines авиакомпаниясы жумасына бир жолу (жекшемби) учуп жатат;
  • Нижний Новгород — Ош — Нижний Новгород каттамы боюнча S7 Airlines авиакомпаниясы жумасына бир жолу (жума) учуп жатат;
  • Уфа — Ош — Уфа каттамы боюнча NordWind Airlines авиакомпаниясы жумасына бир жолу (жума) учуп жатат;
  • Уфа — Ош — Уфа каттамы боюнча S7 Airlines авиакомпаниясы жумасына бир жолу (шаршемби) учуп жатат;
  • Уфа — Ош — Уфа каттамы боюнча "Урал аба жолдору" авиакомпаниясы жумасына бир жолу (дүйшөмбү) учуп жатат;
  • Минеральные воды — Ош — Минеральные воды каттамы боюнча NordWind Airlines авиакомпаниясы жумасына бир жолу (шейшемби) учуп жатат;
  • Минеральные воды — Ош — Минеральные воды каттамы боюнча "Урал аба жолдору" авиакомпаниясы жумасына бир жолу (шаршемби) учуп жатат;
  • Пермь — Ош — Пермь каттамы боюнча NordWind Airlines авиакомпаниясы жумасына бир жолу (шаршемби) учуп жатат;
  • Пермь — Ош — Пермь каттамы боюнча "Урал аба жолдору" авиакомпаниясы жумасына бир жолу (шейшемби) учуп жатат;
  • Тюмень — Ош — Тюмень каттамы боюнча NordWind Airlines авиакомпаниясы жумасына бир жолу (ишемби учуп жатат;
  • Астрахань — Ош — Астрахань каттамы боюнча NordWind Airlines авиакомпаниясы жумасына бир жолу (бейшемби) учуп жатат;
  • Астрахань — Ош — Астрахань каттамы боюнча "Урал аба жолдору" авиакомпаниясы жумасына бир жолу (ишемби) учуп жатат;
  • Оренбург — Ош — Оренбург каттамы боюнча NordWind Airlines авиакомпаниясы жумасына бир жолу (шейшемби) учуп жатат;
  • Краснодар — Ош — Краснодар каттамы боюнча NordWind Airlines авиакомпаниясы жумасына бир жолу (жума) учуп жатат;
  • Краснодар — Ош — Краснодар каттамы боюнча "Урал аба жолдору" авиакомпаниясы жумасына 1 жолу (жекшемби) учуп жатат;
  • Новосибирск — Ош — Новосибирск каттамы боюнча S7 Airlines авиакомпаниясы жумасына үч жолу (шаршемби, бейшемби, ишемби) учуп жатат;
  • Иркутск — Ош — Иркутск каттамы боюнча S7 Airlines авиакомпаниясы жумасына бир жолу (шейшемби) учуп жатат;
  • Самара — Ош — Самара каттамы боюнча S7 Airlines авиакомпаниясы жумасына бир жолу (жума) учуп жатат;
  • Самара — Ош — Самара каттамы боюнча "Урал аба жолдору" авиакомпаниясы жумасына бир жолу (шейшемби) учуп жатат;
  • Владивосток — Ош — Владивосток каттамы боюнча S7 Airlines авиакомпаниясы жумасына бир жолу (ишемби) учуп жатат;
  • Воронеж — Ош — Воронеж каттамы боюнча "Урал аба жолдору" авиакомпаниясы жумасына бир жолу (ишемби) учуп жатат;
  • Казань — Ош — Казань каттамы боюнча "Урал аба жолдору" авиакомпаниясы жумасына бир жолу (жекшемби) учуп жатат;
  • Адлер — Ош — Адлер каттамы боюнча "Урал аба жолдору" авиакомпаниясы жумасына бир жолу (бейшемби) учуп жатат;
  • Нижневартовск — Ош — Нижневартовск каттамы боюнча "Урал аба жолдору"авиакомпаниясы жумасына бир жолу (дүйшөмбү) учуп жатат;
  • Екатеринбург — Ош — Екатеринбург каттамы боюнча "Урал аба жолдору" авиакомпаниясы жумасына бир жолу (дүйшөмбү) учуп жатат;
  • Белгород — Ош — Белгород каттамы боюнча "Урал аба жолдору" авиакомпаниясы жумасына бир жолу (дүйшөмбү) учуп жатат;
  • Челябинск — Ош — Челябинск каттамы боюнча "Урал аба жолдору" авиакомпаниясы жумасына бир жолу (жекшемби) учуп жатат;
  • Липецк — Ош — Липецк каттамы боюнча "Урал аба жолдору" авиакомпаниясы жумасына бир жолу (дүйшөмбү) учуп жатат;
  • Калуга — Ош — Калуга каттамы боюнча "Урал аба жолдору" авиакомпаниясы жумасына бир жолу (шейшемби) учуп жатат;

Ички каттамдар:

  • Бишкек — Ош — Бишкек каттамы боюнча TEZ JET авиакомпаниясы жумасына 26 жолу ташууда (күн сайын 3-4 каттам);
  • Бишкек — Ош — Бишкек каттамы боюнча Avia Trafic Company авиакомпаниясы жумасына жети жолу абага көтөрүлүп жатат (күн сайын);
  • Бишкек — Ош — Бишкек каттамы боюнча "Эйр Манас" авиакомпаниясы жумасына 15 жолу учуп жатат (күн сайын 1-2 каттам).
0
Белгилер:
тизме, каттам, учак, Казакстан, Россия, Ош
Тема боюнча
Бишкектен кайсы өлкөлөргө түз учуп кетсе болот. Авиакаттамдардын тизмеси