Кытайдын Ганьсу провинициясында издөө иштерин жүргүзүп жаткан куткаруучулар

Кытайда марафон учурунда аба ырайы бузулуп 21 киши каза болду

186
(жаңыланган 14:53 23.05.2021)
Синоптиктер иш-чара өткөн 21-22-май күндөрү марафон болчу аймакта аба ырайы кескин бузулуп суук болору тууралуу уюштуруучуларга маалымат бергенин айтып жатышат.

БИШКЕК, 23-май — Sputnik. Кытайдын Ганьсу провинциясында ультрамарафон учурунда аба ырайы кескин бузулуп, жолдо 21 катышуучу каза болду. Бул тууралуу РИА Новости жазды.

100 чакырым аралыкты спортчулар тоо арасында чуркап өтүшү керек эле. Катышуучулар 20-30 чакырым жүргөндө күн бүркөлүп, катуу шамал болуп, мөндүр жаап ийген. Мындан улам жүгүрүп бараткандар үшүп, суукка урунуп калышкан.

"Жарыш башталганга чейин мен денемди жибитиш үчүн эки чакырым чуркап, бирок такыр ысый албай койгом. Ошондо эле шек санай баштагам. Кийин чуркап бара жатканда буту-колумдун манжаларын, жадагалса тилимди сезбей калдым, тоңуп калдым", — деди катышуучулардын бири.

Көп өтпөй уюштуруучулар иш-чараны токтотуп, 1,2 миң куткаруучуну тоо аралатып жөнөткөн. Анткен менен жеңил кийинип жүргөн спортчулардын айрымдары аба нөл градуска чейин муздаганда тоңуп калышкан.

Байинь шаарынын мэри элден кечирим сурап, каргашанын себебин аныктоо боюнча атайын комиссия түзүлгөнүн билдирди.

Ал эми синоптиктер иш-чара өткөн 21-22-май күндөрү аталган аймакта аба ырайы кескин бузулуп суук болору тууралуу уюштуруучуларга маалымат бергенин айтууда.

186
Белгилер:
аба ырайы, өлүм, катышуучу, марафон, Кытай
Тема боюнча
Кытайда 73 кабаттуу имарат теңселип, эл чуру-чуу болду. Видео
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды

Россияда Айтматов атындагы эл аралык көк бөрү мелдеши башталды

70
Турнирге Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.

БИШКЕК, 13-июн. — Sputnik. Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды. Бул тууралуу Көк бөрү улуттук федерациясынын маалымат кызматы билдирди.

  • На Благовещенском поле города Сергиев Посад (Московская область, Россия) стартовал международный турнир по кок-бору на Кубок Чынгыза Айтматова
    Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды
    © Фото / Федерация кок-бору Кыргызстана
  • На Благовещенском поле города Сергиев Посад (Московская область, Россия) стартовал международный турнир по кок-бору на Кубок Чынгыза Айтматова
    Турнир Москва облусунун Сергиев Пасад шаарындагы Благовещенский талаасында болуп жатат. Ага Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.
    © Фото / Федерация кок-бору Кыргызстана
1 / 2
© Фото / Федерация кок-бору Кыргызстана
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды

Турнир Москва облусунун Сергиев Пасад шаарындагы Благовещенский талаасында болуп жатат. Ага Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.

Белгилей кетсек, спорттук иш-чара Россия жана Евразия элдеринин "Русский мир" дене тарбия фестивалынын алкагында өткөрүлөт. Аны Спортту жана тынчтык маданиятын өнүктүрүүгө көмөктөшүү боюнча региондор аралык коомдук фонду, Россиянын Элдер ассамблеясы жана Кыргызстандын Көк бөрү улуттук федерациясы уюштурууда.

Мелдеш Кыргызстандын Көк бөрү федерациясынын эрежеси менен өтөрү айтылды.

Жеңүүчүлөр Чыңгыз Айтматов атындагы кубок жана уюштуруу комитетинин белектери менен сыйланат. Ал эми катышуучуларга эстелик белек берилет.

70
Белгилер:
Көк бөрү, фестиваль, Россия
Тема боюнча
Кадыркулов: "Русский мир" фестивалына 12 улакчы барат

Атаандашын жонуна көтөрүп. Япониялык дзюдочу кыздын кубанткан видеосу

153
Чемпион болгон спортчу кыз финалда жаракат алган атаандашына ичи ачышканын билдирип, ага жакшылык кылууну чечкен.

Венгриянын Будапешт шааарында өтүп жаткан дзюдо боюнча дүйнө чемпионатында кыздар күрөшүнөн япониялык Сара Асахинанын атаандашына көрсөткөн бийик адамгерчилиги көрүүчүлөрдү кубантты. Ал таймашта бутунан жаракат алып аксап калган атаандашы Вакаба Томитаны далысына көтөрүп, татамиден (килем) чыкканга жардам бергенин Эл аралык дзюдо федерациясынын расмий сайты жазды.

Боорукер спортчу оппонентине ичи ачышканын билдирген.

"Эң оор беттеш финалда болду. Мен чарчап, жеңилип да калышым мүмкүн болчу. Ал жаракат алып калды. Ичим ачышты, ошондуктан ага колдон келген жардамымды берип, татамиден чыкканга көмөктөштүм", — деген ал.

Сүйкүмдүү окуянын видеосун Кыргызстандын улуттук дзюдо федерациясы өзүнүн Facebook баракчасына жарыялады. 

Анда дзюдо балбандары бийик адамгерчилиги менен дайыма коомчулукту таң калтырып келгени белгиленет.

Мелдештин жыйынтыгы аялдар күрөшүнөн +78 килограмм салмак категориясында төмөнкүчө болду:

  • Сара Асахина (Япония)
  • Вакаба Томита (Япония)
  • Мария Суэлен Альтеман (Бразилия) жана Беатрис Суза (Бразилия).
153
Белгилер:
Япония, Будапешт, дүйнө чемпионаты, дзюдо
Тема боюнча
Адамгерчилиги бийик экен! UWW Айсулуунун аракетин жылдын жагымдуу учуру деп атады
Акактап келе жаткан атаандашына суу сунган Көчкөнбаевдин ич жылыткан видеосу
Ала-Тоо аянты. Архив

Дүйшөмбүгө карата аба ырайы

0
14-июнга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 13-июн. — Sputnik. Дүйшөмбүдө күндүз дыйканчылык аймактарда күн ачык болот. Тоолуу райондордо өткүн өтүп, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүйдө +25...+30, Талас облусунда +24...+29, Ош, Жалал-Абад жана Баткенде +28...+33, Ысык-Көл аймагында +18...+23, Нарын жергесинде +17...+22 градус жылуу болот.

Күндүн табы борбор калаада +27...+29, Ош шаарында +30...+32 градуска чейин көтөрүлсө, Чолпон-Ата шаарында +18...+20 градусту көрсөтүп турат.

0
Белгилер:
Кыргызстан, аба ырайы
Тема боюнча
Июндун аягында кыргызстандыктар жылдыз жааган түнгө күбө болот