ДССУ логотиби. Архив

ДССУ адам өлүмүнө себепкер болчу дагы бир вирус чыгарын божомолдоп жатат

226
(жаңыланган 18:22 24.05.2021)
ДССУ жетекчисинин пикирине караганда, вирус менен күрөшкөн мамлекеттер бири-бири менен атаандашып теңтайлашпай, тескерисинче, кызматташуусу керек.

БИШКЕК, 24-май — Sputnik. Адамзат эртеби, кечпи тушуга турган дагы жаңы пандемия мындан да кооптуу болушу мүмкүн. Бул туурасында Дүйнөлүк саламаттык сактоо уюмунун (ДССУ) башкы директору Тедрос Адханом Гебрейесустун айтканын РИА Новости жазды.

"Бул дүйнө кооптуулукка кабылып жаткан акыркы учур эмес . мындан да көп өлүм алып келген, мындан да жугуштуу болгон жаңы вирус пайда болот", — деген ал Саламаттыкты сактоо боюнча дүйнөлүк ассамблеянын 74-сессиясынын ачылышында сүйлөп жатып.

ДССУ жетекчисинин пикирине караганда, вирус менен күрөшкөн мамлекеттер бири-бири менен атаандашып теңтайлашпай, кызматташуусу керек.

"Мындайча айтканда, биз биргелешип аракет жасаш керекпи же сактанбаган бойдон калыш керекпи деген эки нерсенин алдында турабыз", — деген ал.

Саламаттыкты сактоо боюнча дүйнөлүк ассамблеянын 74-сессиясы бүгүндөн, 24-майдан башталып, 1-июнда аяктайт. Анын негизги темасы — бул пандемияны тез арада бүтүрүп, дени сак, коопсуз жана адилет дүйнөнү калыптандырып, кезектеги пандемияга даярдыкты камсыз кылуу.

226
Белгилер:
вирус, кооптуулук, пандемия, Дүйнөлүк саламаттыкты сактоо уюму
Тема боюнча
COVID-19 жуктургандар жана көз жумгандар эң жогорку чегине жетти. ДССУ билдирүүсү
ДССУ Өзбекстандын коронавируска каршы эки вакцинасын карап жатат

Адамдын боорукерлиги: суу каптаган апааттан кирпини сактаган кишинин видеосу

88
(жаңыланган 12:17 21.06.2021)
Крымдын аймагын каптаган кубаттуу циклон түйшүк жаратып, элди бир топ чыгымга кириптер кылды. Аймактарды каптаган суу киши боюна жакындаган. Чыгыш-Крым тарыхый-маданий музей-коругу суу ташкында кирпини алардын кызматкери куткарган видеону жарыялады.

Кадрдан сууга түшүп кетпегенге аракет кылып жаныбардын калкыган темирге бекем жабышып турганын көрүүгө болот. Эгерде ирим бир аз эле күчтөнсө, колдун башындай болгон кирпини суу жууп кетери турган иш эле. Жаныбарды байкап калган корук кызматкери аны аярлап алып, "жай" издеп жүргөнү тартылып калган.

Адатта адамдын колуна келгенде качканга аракет кылып, буттарын тыбырчылатып жиберчү кирпи чечендин каршылык кылбай, көздөрүн тостойткон тейде тынч турганы кадрга түшүп калган.

Ал суу биринчи кабатына бир аз жетпей калган үйлөрдүн бирине барып, жашоочусу менен сүйлөшүп, кирпини коопсуз колго тапшырган. Улгайган адам балкондон жипке байлап баштык түшүрүп, ага салынган жаныбарды кайра өзүнө тартып алган.

Маалыматта суу кечип, кирпиге жаңы кожоюн издеп жүргөн ак пейил адам Анатолий Щербак аттуу кызматкер экени айтылган.

Видеонун аягында интернет-колдонуучулардын куткарылган кирпи үчүн ага ыраазылык билдиргенин окууга болот.

88
Белгилер:
суу ташкыны, суу, кирпи, Крым
Тема боюнча
Томпоңдоп чуркап, жыт алып качкан бала аюу. Сары-Чат—Ээр-Таштан тартылган видео
Россиянын президенти Владимир Путин. Архив

Улуу Ата Мекендик согушка 80 жыл. Путиндин макаласы немец басылмасына жарыяланат

97
(жаңыланган 11:35 21.06.2021)
Аза күтүү жана эскерүү күнүндө Путин Москвадагы Белгисиз жоокердин мүрзөсүнө гүл коюп, сөз сүйлөйт.

БИШКЕК, 21-июн. — Sputnik. Владимир Путин Улуу Ата Мекендик согуштун башталгандыгынын 80 жылдыгына карата атайын макала даярдаган. Бул туурасында РИА Новости жазды.

Материалды Германиядагы алдыңкы басылмалардын бири жарыялаарын "Россия 1" телеканалынын "Москва. Кремль. Путин" деп аталган программасында билдиришкен.

22-июнда, аза күтүү жана эскерүү күнүндө, Путин Москвадагы Белгисиз жоокердин мүрзөсүнө гүл коюп, сөз сүйлөйт.

Солдаты конного клуба во время тренировки в Иссык-Кульской области. 1941 год. Фото Л. Вильчинского
© Фото / предоставлено Центральным государственным архивом кинофонофотодокументов / Л. Вильчинский
Маалыматта бүгүн Путиндин Кремлде Мамлекеттик думанын депутаттары менен жолугары, ал эми жума ичинде өкмөт мүчөлөрү менен кеңешме өткөрөрү айтылды.

1941-жылдын 22-июнунда фашисттик Германия тынч жаткан Советтер Союзуна кол салган. Бул дүйнө тарыхында Улуу Ата Мекендик согуштун башталышы катары калды. Ал совет элине, СССРдин курамына кирген ошол кездеги республикалардын элине трагедия алып келди.

Россиянын бардык аймактары менен чет өлкөлөрдө эскерүү иш-чаралары өтөт. Ал эми саат 12:15те (Бишкек убактысы менен 15:15) бүткүл Россия боюнча аза күтүү мүнөтү болот.

97
Белгилер:
фашизм, Улуу Ата Мекендик согуш, Владимир Путин, Россия
Тема боюнча
Путин КМШ өлкөлөрү Улуу Жеңиш жөнүндөгү чындыкты коргогону үчүн ыраазы болду
Путин Жапаровду жана кыргызстандыктарды Жеңиш майрамы менен куттуктады
Балдардын укугу боюнча ыйгарым укуктуу өкүл Жыпариса Рысбекова Военно-Антоновка балдар үйүндө каза болгон өспүрүмдүн бир тууганы менен жолугушту

Балдар үйүндө көз жумган өспүрүм боюнча иш Садыр Жапаровдун көзөмөлүндө

0
(жаңыланган 22:20 21.06.2021)
Балдар укугу боюнча ыйгарым укуктуу өкүл Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

БИШКЕК, 21-июн. — Sputnik. Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди. Бул тууралуу мамлекет башчынын маалымат кызматынан кабарлашты.

Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди
    © Пресс-служба правительства / Алишер Алиев
  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди

Эске салсак, балдар үйүнүн 12 жаштагы тарбиялануучусунун өлүмү тууралуу маалымат мындан эки жума мурда тараган. Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон.

Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген ой болуп жаткандыгын айткан.

Жолугушууда Балдардын укугу боюнча ыйгарым укуктуу өкүл Богдан Якуниндин инисинин өлүмүнө байланыштуу бардык жүйөөлөрүн уккан.

Рысбекова Богдан Якунинди учурда окуянын бардык жагдайлары комиссиялык кароодон өтүп жатат деп ишендирген. Ал Игорь Якуниндин өлүмүнүн жагдайларына баа берүүнүн жыйынтыгы менен бул каргашалуу окуяга жол берген кызмат адамдарынын жоопкерчилиги каралат деген.

0
Белгилер:
Игорь Якунин, Жыпариса Рысбекова, кайрылуу, өлүм, балдар үйү, Кыргызстан
Тема боюнча
Буга чейин далай качкан. Чүйдө 15 жаштагы бала кайрадан изделүүдө. Сүрөт
Жалал-Абадда жоголгон 13 жаштагы бала табылды