Санкт-Петербургда коронавирустан каза болгон медиктердин сүрөттөрү илинген дубалга гүл коюу. . Архивдик сүрөт

ДССУ: COVID-19дан дүйнө боюнча 115 миң ак халатчан ажал тапты

47
Азырынча отчёт толук чыга элек, оору менен күрөшүп жатып көз жумган медиктердин саны мындан да көп болушу мүмкүн.

БИШКЕК, 25-май — Sputnik. Пандемия башталгандан бери дүйнө боюнча COVID-19 илдетинен 115 миң медицина кызматкери каза болду. Бул тууралуу Дүйнөлүк саламаттык сактоо уюмунун (ДССУ) башкы директору Тедрос Адханом Гебрейесус билдиргенин РИА Новости жазды. 

Анын айтымында, азырынча отчёт толук чыга элек, оору менен күрөшүп жатып ажал тапкан ак халатчандардын саны мындан да көп болушу мүмкүн.

"Дүйнөнүн бардык жеринде адам өмүрүн сактап калыш үчүн медиктер тиешелүү жабдуулар жана медикаменттер менен камсыздалган эмес. Аларга жетиштүү эмгек акы төлөнбөйт, сыйлашпайт, ошондой эле иштөө шарты да кооптуу. Саламаттык сактоонун кызматкерлери чыныгы баатырлар. Башкаларды коргойм деп өз жанын курмандыкка чалды", — деп билдирүү жасаган Гебрейесус Дүйнөлүк саламаттык сактоо ассамблеясынын 74-сессиясында.

Аталган жыйын 24-майдан 1-июнга чейин виртуалдуу форматта өтөт. Негизги тема катары пандемияны тез арада ооздуктоо зарылчылыгы, дени сак, коопсуз жана адилеттүү коомдуу түзүү менен кийинки пандемияга даярдыкты камсыздоо каралууда.

47
Белгилер:
коронавирус, өлүм, медик, пандемия, Дүйнөлүк саламаттыкты сактоо уюму
Тема:
Дүйнөгө жайылган коронавирус (1431)
Тема боюнча
COVID-19: медиктерге компенсация төлөө үчүн 243 млн. сом бөлүндү
Немец дарыгерлери Кыргызстанга пандемия менен күрөшүүгө жардам берет

Россиянын аскер учагы Кара деңизде британиялык кемени кантип токтотту. Видео

62
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

62
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?

Кескелдирикти кебелбей жутуп койгон кобранын видеосу

171
(жаңыланган 19:02 23.06.2021)
Жыланга жолуккан кескелдирик канчалык жан далбас кылып бошонуп кетүүгө аракеттенгени менен кутула албай, курмандыкка айланды.

"National Geographic Россия" сайты Крюгер паркында болгон окуя тууралуу жазды.

Ал жердеги туристтер биринчи мозамбик кобрасын байкашкан. Жылан көздөп турган олжосуна дароо кол салбай, бир аз байкоо салып турган. Кыймылсыз жаткан кескелдирик качууга аракет кылып секиргенде кобра андан да катуу ылдамдык менен муунта, бекем оролуп алганга жетишкен.

Берки жаныбар канчалык аракет кылып чабалактаганы менен баары бир кутула албай, акыры жем болгон.

Видеодон алгач кумдуу жерде экөө кармашып, бирок баары бир кобра артыкчылык кылып, бир нече убакыттан кийин кескелдирикти толугу менен жутуп, андан соң чөптү аралай сойлоп кеткендигин көрүүгө болот.

171
Белгилер:
уу, кескелдирик, кобра, Крюгер паркы
Тема боюнча
Илбирс камераны аз жерден чайнап кое жаздады. Видео
Бир бакта өскөн 40 түрлүү жемиштер. Видео