Коронавирус жуктурган бейтапты ооруканага алып кетип жаткан медицина кызматкерлери. Архив

Бразилияда COVID-19дун тез тарап жаткан жаңы түрү табылды

108
(жаңыланган 10:19 26.05.2021)
Бразилия коронавирус жуктургандардын саны боюнча дүйнөдө үчүнчү орунда келе жатат. Биринчи орунда АКШ болсо, экинчиде Индия. Бул өлкөлөрдө күн сайын он миңдеген адам вируска чалдыгууда.

БИШКЕК, 26-май — Sputnik. Сан-Паулу университетинин (Бразилия) окумуштуулары коронавирустун мурдагылардан да тезирээк тараган жаңы түрүн таап алышты. Бул тууралуу Бразилиянын вирусология коомунун вице-президенти Жоао Песоа Араужу Жуниорго шилтеме берип РИА Новости жазды.

"Вирустун P4 деп аталган жаңы вариантынын кайдан жана кандайча келип чыкканы белгисиз. Алгач ал Мокока муниципалитетинен табылып, кийин башка жактарга дагы тездик менен тарап кетти. Бирок анын мурдагыларга салыштырмалуу канчалык кооптуу экени азыр аныктала элек. Бул вирус "бразилиялык" штамм менен бир топко кирет", — деп айтылат кабарда.

Жоао Песоа Араужу Жуниордун айтымында, вирустун P1 түрү жана "британиялык" штаммы бар аймактарда тездикте жайылууда. Андыктан өлкө бийлиги Коронавирустун геномдору тууралуу эркин маалымат алуу эл аралык бирикмесине (GISAID) вирус тууралуу толук маалымат берди. Ал жактан ага P4 деген аталыш ыйгарылган.

108
Белгилер:
Бразилия, коронавирус, штамм, пандемия
Тема:
Дүйнөгө жайылган коронавирус (1494)
Тема боюнча
Лабораториялык борбордун жетекчиси: вирус барган сайын өзгөрүп жатат
Кош мутант. Кыргызстанда табылган COVID штаммдарына мүнөздөмө
Шире. Архив

Адамды өлүмгө кептеген эртең мененки терс адаттар

1
(жаңыланган 12:45 03.08.2021)
Тамактануу жаатындагы адистер ден соолукка зыян келтирип албаш үчүн эртең менен кайсы тамактардан баш тартуу керектигин санап берди.

БИШКЕК, 3-авг. – Sputnik. Эртең мененки тамактанууга байланыштуу кайсы адаттар адамдын ден соолугуна чоң залака келтирерин адистердин пикирине таянып "Московский комсомолец" басылмасы жазды.

Таңкы азыктардан баш тартуу

Эртең мененки тамак — саламаттык үчүн өтө маанилүү процесс. Күн бою адам кандай маанайды жүрөрү дал ушул тамактанууга байланыштуу болот. Ошондой эле эртең менен наар албаган адамдарда ашыкча салмак пайда болушу толук ыктымал.

Анткени эртең менен тамактанган организм калорийлерди бат сарптайт, глюкозанын деңгээли төмөнүрөөк болот. Ошондой эле күндүн алгачкы азыктарынан баш тарткан кишилерде жүрөк-кан тамыр оорулары пайда болушу мүмкүн.

Колбаса

Колбасаны көпчүлүк диетологдор зыяндуу тамак деп эсептейт. Эртең менен гана эмес, башка учурларда деле күнүнө 25 граммдан ашык колбаса жеген адамда жоон ичеги рагына кабылуу тобокелдиги жогорулай турганы айтылат.

Тамакка чейинки кофе

Британиялык окумуштуулардын айтымында, тура калып кофе ичүү кандагы глюкозаны көбөйтүп жиберет. Андыктан ач карын кофе ичүү сунушталбайт.

Шире

Жер-жемиштин жаңы же кант кошулган ширесин таң атпай ичүү кант диабетинин пайда болуу тобокелдигин 16 пайызга жогорулатат. Андыктан эртең менен клетчаткага бай жемиштердин өзүн жегенден өтөрү жок.

1
Белгилер:
тамак-аш, ден соолук, азык-түлүк, зыян, пайда
Тема боюнча
Дарыгер бөйрөктөгү ташты пайда кылчу азыктарды атады
Талибан кыймылынын өкүлдөрүнө даярдалган орундуктар. Архив

Афганистан бийлиги талибдер менен кызматташууга даяр экенин айтты. Бир шарты бар

38
(жаңыланган 12:09 03.08.2021)
Өлкөнүн Тышкы иштер министрлиги бийлик "Талибан" кыймылы менен бирге иштешүүгө, аларды өкмөткө алып, ынтымакка келүүгө даяр экенин айткан.

БИШКЕК, 3-авг. — Sputnik. Афганистандын расмий бийлиги "Талибан" кыймылы менен кызматташканга даяр. Бирок бийлик талибдерге террорчулукту колдоону токтотушу керек деген шарт коюуда. Бул тууралуу тышкы иштер министри Мохаммад Ханиф Атмардын айтымына таянып, РИА Новости билдирди.

"Биз "Талибан" кыймылы менен бирге иштешүүгө, аларды өкмөткө алып бийлик бөлүшүүгө, ынтымакка келүүгө даярбыз. Бул үчүн көп деле талап же шарт койбойбуз. Өлкө ичинде Афганистандын келечеги афган элинин эрки менен чечилиши керек. Ал эми сыртта башка бир дагы мамлекетке Афганистан коркунуч алып келбегендей болушу шарт. Ошол себептен бизде бир дагы чет элдик террордук күч болбошу керек. Бийлик "Талибан" кыймылын кабыл алууга даяр. Бирок алар террорчулукту колдоону токтотушу зарыл", — деген Атмар.

Ал талибдер чет элдик пикирлештеринин жардамы менен 34 провинциянын ичинен 31инде өкмөттүк аскерлер менен урушуп жатканын айтып, бул террордук кыймылдын адамдык сапатка жатпаган иши экенин белгилеген.

Эскерте кетсек, июнь айынан бери Афганистанда өкмөттүк күчтөр менен "Талибан" кыймылынын ортосунда тиреш жүрүп келет. Согушкерлер өлкөнүн айыл жерлериндеги көптөгөн аймактарын ээлеп, чоң шаарларга кол сала баштаган.

Афганистандагы туруксуз абал АКШ администрациясы 11-сентябрга чейин афган жеринен аскерлерди чыгарып кетүү убадасынан кийин курчуп жатат.

38
Белгилер:
Афганистан, бийлик, өкмөт, 'Талибан' кыймылы, кызматташуу
Тема:
Афган бийлиги менен талибдердин тиреши
Тема боюнча
Талибдер чек арада. ШКУ мамлекеттеринин коргоо министрлери кандай арга табышат?
ЖМК: талибдер Афганистандын Герат шаарынын борбордук райондорун баса баштады