Россия жана АКШ президенттери Владимир Путин менен Жозеф Байден. Архивф

Балким күтүлбөстүк болор. Эксперт Путин менен Байдендин жолугушуусу тууралуу

120
(жаңыланган 11:26 27.05.2021)
Эки президенттин РФ менен АКШнын кийинки мамилелерин, стратегиялык туруктуулукту, эл аралык күн демин, COVID-19га каршы күрөштү талкуулай турганы айтылууда.

БИШКЕК, 27-май — Sputnik. Россия жана АКШ президенттери Владимир Путин менен Жозеф Байден ушул жылдын 16-июнунда Женевада жолугат. Бул туурасындагы маалыматты Кремль билдирип, аны Ак үй тастыктады.

Sputnik радиосунун обосунда саясат таануучу Алексей Мухин эки державанын башчылары эмне тууралуу сүйлөшө тургандыгын алдын ала божомолдоду.

Алар талкуулай турган маселелердин ичинде эки тараптын кийинки мамилелери, стратегиялык туруктуулук, эл аралык күн деми, COVID-19га каршы күрөш, аймактагы чатактарды жөнгө салуу иштери бар.

Россия президентинин маалымат катчысы Дмитрий Песковдун айтымында, жолугушуу майда-чүйдөсүнө чейин дагы такталып, макулдашылат.

Sputnik радиосунун эфиринде Саясий маалыматтар борборунун директору Алексей Мухин талкуулана турган темалар эки тараптын мамилесине жараша аныкталарын айтып берди.

"Азыр бизде карама-каршылыктар курч болуп турат, бул аныкталган нерсе. Эгерде биздин тирешип же достошконубуз түшүнүксүз болсо, ал өз ара мамилебиздеги конструкцияларды түзүүдө байкалмак. Ал эми азыр биз касташып жатканыбызды билебиз. Муну Россия баштаган жок, бизге ушундай болгонун өздөрү айтып, дешти. Андыктан Россия, АКШ президенттери глобалдуу коопсуздукту талкуулайт, себеби бул баарына тиешелүү. Мамлекет башчылары, андан сырткары, климаттагы эле эмес, эл аралык мамиледеги глобалдуу өзгөрүүлөрдү талкуулайт", — деп эсептээрин айткан Мухин.

Эксперттин пикиринде жолугушуу эки мамлекеттин мамилесиндеги жаңы алаканын башталыш этабы болушу мүмкүн.

"Кеп жаңы Ялта конференциясы боюнча жүрүп жатат. Бул сүйлөшүүлөр боюнча процесстер жакында бүтпөйт. Антейин десең сюрприз да болуп, сүйлөшүү тез, ыкчам аяктап калышы мүмкүн. Бирок! АКШ өзүнүн башкаларга таңуулаган "Россия жогорку статустагы эл аралык оюнчу эмес" деген пикирине карабай, эми анын таптакыр башка тарабын таанууга аргасыз. Жолугушат деген нерсенин өзү эле бул туурасында айтып турат", — деген саясат таануучу.

12-апрелде Байден Путин менен телефондон сүйлөшүп Вашингтондун Москва менен "туруктуу жана мурда күткөндөй эле" АКШнын улуттук кызыкчылыктарына жооп берген мамилеге умтуларын эске салган.

Ак үй буга чейин Россиянын президенти менен жолугушуу жайдын башында болот деп үмүт артарын билдирген эле.

120
Белгилер:
жолугушуу, Жо Байден, Владимир Путин, АКШ, Россия
Тема боюнча
Байден Путиндин фамилиясын туура эмес айтып алды
Жапаров менен Путин расмий сүйлөшүү учурунда уу коргошун тууралуу сөз кылган эмес

Адамдын боорукерлиги: суу каптаган апааттан кирпини сактаган кишинин видеосу

83
(жаңыланган 12:17 21.06.2021)
Крымдын аймагын каптаган кубаттуу циклон түйшүк жаратып, элди бир топ чыгымга кириптер кылды. Аймактарды каптаган суу киши боюна жакындаган. Чыгыш-Крым тарыхый-маданий музей-коругу суу ташкында кирпини алардын кызматкери куткарган видеону жарыялады.

Кадрдан сууга түшүп кетпегенге аракет кылып жаныбардын калкыган темирге бекем жабышып турганын көрүүгө болот. Эгерде ирим бир аз эле күчтөнсө, колдун башындай болгон кирпини суу жууп кетери турган иш эле. Жаныбарды байкап калган корук кызматкери аны аярлап алып, "жай" издеп жүргөнү тартылып калган.

Адатта адамдын колуна келгенде качканга аракет кылып, буттарын тыбырчылатып жиберчү кирпи чечендин каршылык кылбай, көздөрүн тостойткон тейде тынч турганы кадрга түшүп калган.

Ал суу биринчи кабатына бир аз жетпей калган үйлөрдүн бирине барып, жашоочусу менен сүйлөшүп, кирпини коопсуз колго тапшырган. Улгайган адам балкондон жипке байлап баштык түшүрүп, ага салынган жаныбарды кайра өзүнө тартып алган.

Маалыматта суу кечип, кирпиге жаңы кожоюн издеп жүргөн ак пейил адам Анатолий Щербак аттуу кызматкер экени айтылган.

Видеонун аягында интернет-колдонуучулардын куткарылган кирпи үчүн ага ыраазылык билдиргенин окууга болот.

83
Белгилер:
суу ташкыны, суу, кирпи, Крым
Тема боюнча
Томпоңдоп чуркап, жыт алып качкан бала аюу. Сары-Чат—Ээр-Таштан тартылган видео
Россиянын президенти Владимир Путин. Архив

Улуу Ата Мекендик согушка 80 жыл. Путиндин макаласы немец басылмасына жарыяланат

96
(жаңыланган 11:35 21.06.2021)
Аза күтүү жана эскерүү күнүндө Путин Москвадагы Белгисиз жоокердин мүрзөсүнө гүл коюп, сөз сүйлөйт.

БИШКЕК, 21-июн. — Sputnik. Владимир Путин Улуу Ата Мекендик согуштун башталгандыгынын 80 жылдыгына карата атайын макала даярдаган. Бул туурасында РИА Новости жазды.

Материалды Германиядагы алдыңкы басылмалардын бири жарыялаарын "Россия 1" телеканалынын "Москва. Кремль. Путин" деп аталган программасында билдиришкен.

22-июнда, аза күтүү жана эскерүү күнүндө, Путин Москвадагы Белгисиз жоокердин мүрзөсүнө гүл коюп, сөз сүйлөйт.

Солдаты конного клуба во время тренировки в Иссык-Кульской области. 1941 год. Фото Л. Вильчинского
© Фото / предоставлено Центральным государственным архивом кинофонофотодокументов / Л. Вильчинский
Маалыматта бүгүн Путиндин Кремлде Мамлекеттик думанын депутаттары менен жолугары, ал эми жума ичинде өкмөт мүчөлөрү менен кеңешме өткөрөрү айтылды.

1941-жылдын 22-июнунда фашисттик Германия тынч жаткан Советтер Союзуна кол салган. Бул дүйнө тарыхында Улуу Ата Мекендик согуштун башталышы катары калды. Ал совет элине, СССРдин курамына кирген ошол кездеги республикалардын элине трагедия алып келди.

Россиянын бардык аймактары менен чет өлкөлөрдө эскерүү иш-чаралары өтөт. Ал эми саат 12:15те (Бишкек убактысы менен 15:15) бүткүл Россия боюнча аза күтүү мүнөтү болот.

96
Белгилер:
фашизм, Улуу Ата Мекендик согуш, Владимир Путин, Россия
Тема боюнча
Путин КМШ өлкөлөрү Улуу Жеңиш жөнүндөгү чындыкты коргогону үчүн ыраазы болду
Путин Жапаровду жана кыргызстандыктарды Жеңиш майрамы менен куттуктады
Балдардын укугу боюнча ыйгарым укуктуу өкүл Жыпариса Рысбекова Военно-Антоновка балдар үйүндө каза болгон өспүрүмдүн бир тууганы менен жолугушту

Балдар үйүндө көз жумган өспүрүм боюнча иш Садыр Жапаровдун көзөмөлүндө

0
(жаңыланган 22:20 21.06.2021)
Балдар укугу боюнча ыйгарым укуктуу өкүл Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

БИШКЕК, 21-июн. — Sputnik. Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди. Бул тууралуу мамлекет башчынын маалымат кызматынан кабарлашты.

Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди
    © Пресс-служба правительства / Алишер Алиев
  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди

Эске салсак, балдар үйүнүн 12 жаштагы тарбиялануучусунун өлүмү тууралуу маалымат мындан эки жума мурда тараган. Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон.

Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген ой болуп жаткандыгын айткан.

Жолугушууда Балдардын укугу боюнча ыйгарым укуктуу өкүл Богдан Якуниндин инисинин өлүмүнө байланыштуу бардык жүйөөлөрүн уккан.

Рысбекова Богдан Якунинди учурда окуянын бардык жагдайлары комиссиялык кароодон өтүп жатат деп ишендирген. Ал Игорь Якуниндин өлүмүнүн жагдайларына баа берүүнүн жыйынтыгы менен бул каргашалуу окуяга жол берген кызмат адамдарынын жоопкерчилиги каралат деген.

0
Белгилер:
Игорь Якунин, Жыпариса Рысбекова, кайрылуу, өлүм, балдар үйү, Кыргызстан
Тема боюнча
Буга чейин далай качкан. Чүйдө 15 жаштагы бала кайрадан изделүүдө. Сүрөт
Жалал-Абадда жоголгон 13 жаштагы бала табылды