Кош бойлуу кыз. Архивдик сүрөт

17 жаштагы кыз тогуз ай бою бала көтөрүп жүргөнүн билбей көз жарды

758
(жаңыланган 12:35 29.05.2021)
Кыз дени-карды соо 3,36 килограмм салмактагы бала төрөгөн. Тогуз ай бою кош бойлуулуктун эч кандай белгиси байкалган эмес.

БИШКЕК, 29-май — Sputnik. Улуу Британияда 17 жаштагы студент кыз Эллиша Форд күтүүсүз жерден наристелүү болгонун Daily Mail жазды. 

Кыздын айтымында, тогуз ай бою кош бойлуулуктун эч кандай белгиси байкалган эмес, толгоо башталганда ичи ооруп жатат деп ойлогон. Окуя Лестершир графтыгында болгон.

Форддун билдиришинче, айызы токтогон эмес, ичи дагы чоңоюп, салмак кошпоптур. Жадагалса тапшырган тести да терс жыйынтык көрсөткөн.

Наристеси төрөлөрдө Эллиша азык-түлүккө чыгып көп кыймылдаган. Ичи ооруп баштаганда гана ооруканага кайрылган. Аны караган дарыгер кош бойлуулуктун 43-жумасында экенин, кыз толготуп жатканын билдирген. Андан соң Форд беш сааттан кийин дени карды соо 3,36 килограмм салмакта баланы жарыкка алып келген.

758
Белгилер:
кош бойлуулук, бала, төрөт, кыз
Тема боюнча
Кош бойлуу аялы көзүнө чөп салганын күйөөсү туугандарынын көзүнчө далилдеди. Видео
Польшада кош бойлуулар барып ыйлап алчу бөлмөлөрдү ачуу сунушталды

Россиянын аскер учагы Кара деңизде британиялык кемени кантип токтотту. Видео

107
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

107
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?

Кескелдирикти кебелбей жутуп койгон кобранын видеосу

188
(жаңыланган 19:02 23.06.2021)
Жыланга жолуккан кескелдирик канчалык жан далбас кылып бошонуп кетүүгө аракеттенгени менен кутула албай, курмандыкка айланды.

"National Geographic Россия" сайты Крюгер паркында болгон окуя тууралуу жазды.

Ал жердеги туристтер биринчи мозамбик кобрасын байкашкан. Жылан көздөп турган олжосуна дароо кол салбай, бир аз байкоо салып турган. Кыймылсыз жаткан кескелдирик качууга аракет кылып секиргенде кобра андан да катуу ылдамдык менен муунта, бекем оролуп алганга жетишкен.

Берки жаныбар канчалык аракет кылып чабалактаганы менен баары бир кутула албай, акыры жем болгон.

Видеодон алгач кумдуу жерде экөө кармашып, бирок баары бир кобра артыкчылык кылып, бир нече убакыттан кийин кескелдирикти толугу менен жутуп, андан соң чөптү аралай сойлоп кеткендигин көрүүгө болот.

188
Белгилер:
уу, кескелдирик, кобра, Крюгер паркы
Тема боюнча
Илбирс камераны аз жерден чайнап кое жаздады. Видео
Бир бакта өскөн 40 түрлүү жемиштер. Видео