Дарыгер жана алып баруучу Александр Мясников. Архив

Мясников: антибиотикти туура эмес колдонуу ичеги рагына кептеши мүмкүн

89
Дарыгер онкологиялык ооруну алдын алуу үчүн туура тамактанып, дары-дармекти этияттык менен колдонуу керектигин белгилеген.

БИШКЕК, 31-май — Sputnik. Өзү билемдикке салып антибиотик менен дарылануу ичегиде көйгөй жаратып, жыйынтыгында онкологиялык же жүрөк-кан тамыр ооруларына алып келиши ыктымал. Бул тууралуу дарыгер жана алып баруучу Александр Мясников билдиргенин РИА Новости жазды.

Адис антибиотиктерди дарыгер жазып берген учурда гана ичүү керектигин эскерткен.

"Болбосо ичегидеги микрофлораларга (пайдалуу бактериялар) зыяны тийип, инфаркт, инсульт, рак ооруларына алып келиши мүмкүн", — деди адис.

Мясников микрофлора башка дагы учурларда жабыркап калышы мүмкүн экенин кошумчалаган.

"Микрофлора бир тараптуу тамактанууну жактырбайт. Ошондуктан түрлөп тамактануу кажет", — деген дарыгер.

Адистин айтымында, микрофлоранын жардамы менен канга пайдалуу заттар сиңет. Ал ичегиде оору чакырган бактериялардын пайда болушун да алдын алат. Ошол себептен тамактанууга жана дары-дармек колдонууга адам өзгөчө көңүл буруусу зарыл.

89
Белгилер:
дарыгер, антибиотик, рак, ичеги
Тема боюнча
Кимдер ракка көбүрөөк чалдыгышы мүмкүн. Адистин пикири
Рактын ойго келбеген белгисин адис түшүндүрүп берди
Дарыгер: колбаса ракка кабылуу коркунучун жогорулатат

Россиянын аскер учагы Кара деңизде британиялык кемени кантип токтотту. Видео

106
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

106
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?

Кескелдирикти кебелбей жутуп койгон кобранын видеосу

187
(жаңыланган 19:02 23.06.2021)
Жыланга жолуккан кескелдирик канчалык жан далбас кылып бошонуп кетүүгө аракеттенгени менен кутула албай, курмандыкка айланды.

"National Geographic Россия" сайты Крюгер паркында болгон окуя тууралуу жазды.

Ал жердеги туристтер биринчи мозамбик кобрасын байкашкан. Жылан көздөп турган олжосуна дароо кол салбай, бир аз байкоо салып турган. Кыймылсыз жаткан кескелдирик качууга аракет кылып секиргенде кобра андан да катуу ылдамдык менен муунта, бекем оролуп алганга жетишкен.

Берки жаныбар канчалык аракет кылып чабалактаганы менен баары бир кутула албай, акыры жем болгон.

Видеодон алгач кумдуу жерде экөө кармашып, бирок баары бир кобра артыкчылык кылып, бир нече убакыттан кийин кескелдирикти толугу менен жутуп, андан соң чөптү аралай сойлоп кеткендигин көрүүгө болот.

187
Белгилер:
уу, кескелдирик, кобра, Крюгер паркы
Тема боюнча
Илбирс камераны аз жерден чайнап кое жаздады. Видео
Бир бакта өскөн 40 түрлүү жемиштер. Видео