Пляжда бет капчан жүргөн кыздар. Архив

Кирешесиз сезон: Европа Россиянын айынан миллиарддаган чыгымга учурады

307
(жаңыланган 20:42 02.06.2021)
Европа биримдигине мүчө мамлекеттер вакцина алган туристтер үчүн эшигин ачып жатат. Бирок эс алууга көп акча сарптаган россиялык туристтер алардын катарында эмес. Европа мамлекеттеринин туризм тармагы Россиянын айынан чыгымга учураганына Наталья Дембинская сереп салды.

Евро биримдик туристтер үчүн эртерээк ачылууга аракет жасап жатат. Бирок россиялык вакцинаны каттоого шашкан жок. Демек, быйыл дагы мурдагы жылдардай эле россиялык туристтердин эсебинен түшө турган ондогон миллиарддардан куру калганы турушат. Отельелер менен рестораторлор алдыдагы чыгымдарды эсептеп жатса, европалык жөнгө салуучулар Москва геосаясий таасирин күчөтөт деп чочулоодо. Германия үчүн болсо саясат менен бюрократиялык формалдуулукту унутуп "Спутник V" вакцинасын алуу артык болуп турат.

Убакытты чоюп жатышат

"Спутник V" вакцинасын дүйнөнүн 46 мамлекети тааныды. Анын экөө европалык мамлекеттер — Венгрия менен Словакия. Европанын дары-дармек каражаттары боюнча агенттигинин (EMA) медициналык багытта колдонулчу препараттарды караган комитети россиялык вакцинаны экспертизадан өткөрүү процедурасын 4-мартта эле ишке киргизген. Бирок бул боюнча иш дагы деле ордунан жылбай турат.

Москва иш атайылап токтотулуп турганына толук ишенет. Сырткы чалгын кызматынын директору Сергей Нарышкиндин айтымында, EMA бул боюнча "Европа биримдигинин жогорку кабинеттеринен сигнал алган".

Март айында Reuters агенттиги Европа биримдиги россиялык вакцинаны "ыңгайсыз режимдин пропагандалык жүрүшүнө" каршылык көрсөтүү максатында алгысы келбей жатканын жазган. Батыштын эксперттери февраль айында эле Москва менен Пекиндин "вакциналык дипломатиясы" жөнүндө кеп кыла баштаган. Европа биримдигине киргендердин пикиринде, Россия менен Кытай геосаясий таасирин күчөтүү максатында өздөрүнүн препараттарын дүйнө жүзү боюнча өндүрүү жана сатуу үчүн келишимдерди түзүп жатат.

Анткен менен Reuters агенттиги дипломатиялык жана расмий маалымат булактарына таянып европалыктар "Спутник" вакцинасын караштырып жатканын жазган. Себеби 450 миллион калкты эмдөө зарылдыгы бар. Ал эми өздүк ресурс жетишсиз.

Чыгымдарды эсептешти

Европа биримдигине мүчө мамлекеттер вакцина алган туристтер үчүн эшигин ачып жатат. Бирок эс алууга көп акча сарптаган россиялык туристтер алардын катарында эмес. Европа рыногу үчүн бул, албетте, жагымсыз көрүнүш.

БУУнун Дүйнөлүк туристтик уюмунун эсеби боюнча 2014-жылдагы экономикалык кризистин алдында чет өлкөгө барган россиялыктар бир жылда 50 миллиарддан ашык доллар сарптап, бул параметр боюнча алдыңкы бештикке кирген.

Visa Global Travel Intentions уюмунун изилдөөсү боюнча пандемияга чейин россиялык саякатчы чет өлкөдөгү эс алуусуна орто эсеп боюнча 1 676 доллар сарптаса, европалыктар 1 174 доллар короткон. Божомолдор боюнча, келерки эки жылда дүйнөлүк орточо көрсөткүч 36 пайызга өсүп, 2443 долларга жетиши керек болчу. Натыйжада россиялык туристтер беш пайызга көп каражат сарптамак.

Саясатты унутуу

Тармак жоготуулардын ордун толтурууга аракет жасап жатат. Европа биримдигинин аткаруучу директору айткандай, туризмди тез арада калыбына келтирүү зарылчылыгы бар. Буга байланыштуу Дүйнөлүк саламаттык сактоо уюму менен EMA тарабынан уруксат берилген вакцинаны алган бардык өлкөлөрдүн жарандарына Европа өлкөлөрүнө кирүүгө уруксат берүү сунушталды. Азырынча тизмеде Pfizer, Moderna, Johnson & Johnson жана AstraZeneca бар. Кезекте Кытайдын Sinovac вакцинасы турат.

Россиялыктар менен Европанын туристтик индустриясынын "Спутник V" препаратынын каттоодон өтөрү боюнча үмүтү акталган-акталбаганы ачык маселе бойдон калууда. Кыязы, бул жылы дагы европалык отелдер менен ресторандар эс алууга акчасын кенен чачкан россиялык туристтерден куру жалак калат.

Таң калтырганы ЕБ ишенимдүү жана коопсуз вакцина сатып алууга даяр. Бирок Брюссель буга жол бербей жатат. Жакшы мисал — бул Германия. Апрель айында эле Бавариянын премьер-министри Россиянын түз инвестициялар боюнча фонду менен "Спутник V" вакцинасын сатып алуу боюнча меморандумга кол койгон. Биринчи партиясы июлда жеткирилет деп үмүт артылган, эми күзгө чейин күтүү керек. Бавариянын премьери ЕБнын бийлигин саясий себептерден улам убакытты чоё бербей препаратты эртерээк каттоодон өткөрүүгө чакырган.

 

307
Белгилер:
Спутник V, вакцина, туризм, Европа биримдиги, Россия
Тема боюнча
Арктикадагы запас: Россия АКШны Европадан сүрүп чыгарууга даярданып жатат

Россиянын аскер учагы Кара деңизде британиялык кемени кантип токтотту. Видео

105
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

105
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?

Кескелдирикти кебелбей жутуп койгон кобранын видеосу

187
(жаңыланган 19:02 23.06.2021)
Жыланга жолуккан кескелдирик канчалык жан далбас кылып бошонуп кетүүгө аракеттенгени менен кутула албай, курмандыкка айланды.

"National Geographic Россия" сайты Крюгер паркында болгон окуя тууралуу жазды.

Ал жердеги туристтер биринчи мозамбик кобрасын байкашкан. Жылан көздөп турган олжосуна дароо кол салбай, бир аз байкоо салып турган. Кыймылсыз жаткан кескелдирик качууга аракет кылып секиргенде кобра андан да катуу ылдамдык менен муунта, бекем оролуп алганга жетишкен.

Берки жаныбар канчалык аракет кылып чабалактаганы менен баары бир кутула албай, акыры жем болгон.

Видеодон алгач кумдуу жерде экөө кармашып, бирок баары бир кобра артыкчылык кылып, бир нече убакыттан кийин кескелдирикти толугу менен жутуп, андан соң чөптү аралай сойлоп кеткендигин көрүүгө болот.

187
Белгилер:
уу, кескелдирик, кобра, Крюгер паркы
Тема боюнча
Илбирс камераны аз жерден чайнап кое жаздады. Видео
Бир бакта өскөн 40 түрлүү жемиштер. Видео