Пил. Архив

Булкулдап келип сүздү. Жаалданган пил унаанын капотун талкалаган видео

113
Түштүк Африканын Крюгер жаратылыш паркында жаалданган пил автоунаанын маңдайын сүзүп талкалап, жолдун четине чыгарып салды.

БИШКЕК, 9-июн. — Sputnik. The South African басылмасынын билдиришинче, пил кол салган учур автокөлүктүн видеокаттагычына түшүп калган.

​Адистердин айтымында, айдоочу кетип баратканда пилдер жолдун ортосунан өтмөкчү болгон. Үйүрдүн башчысы коркунуч туулуп жатат деген тейде ачуусу келип кол салган болуш керек деп айтылат.

Видеодон пил булкулдап келип унааны сүзгүлөп, капотун талкалап, андан кийин жолдун четине сүрүп салганын көрүүгө болот. Жаныбар андан ары эч нерсе кылбай басып кеткен.

113
Белгилер:
видео, капот, унаа, пил, Түштүк Африка Республикасы
Тема боюнча
Унааңызды пил токтотту беле? Трассадагы кызыктуу "жолугушуулардан" 15 сүрөт

Адамдын боорукерлиги: суу каптаган апааттан кирпини сактаган кишинин видеосу

77
(жаңыланган 12:17 21.06.2021)
Крымдын аймагын каптаган кубаттуу циклон түйшүк жаратып, элди бир топ чыгымга кириптер кылды. Аймактарды каптаган суу киши боюна жакындаган. Чыгыш-Крым тарыхый-маданий музей-коругу суу ташкында кирпини алардын кызматкери куткарган видеону жарыялады.

Кадрдан сууга түшүп кетпегенге аракет кылып жаныбардын калкыган темирге бекем жабышып турганын көрүүгө болот. Эгерде ирим бир аз эле күчтөнсө, колдун башындай болгон кирпини суу жууп кетери турган иш эле. Жаныбарды байкап калган корук кызматкери аны аярлап алып, "жай" издеп жүргөнү тартылып калган.

Адатта адамдын колуна келгенде качканга аракет кылып, буттарын тыбырчылатып жиберчү кирпи чечендин каршылык кылбай, көздөрүн тостойткон тейде тынч турганы кадрга түшүп калган.

Ал суу биринчи кабатына бир аз жетпей калган үйлөрдүн бирине барып, жашоочусу менен сүйлөшүп, кирпини коопсуз колго тапшырган. Улгайган адам балкондон жипке байлап баштык түшүрүп, ага салынган жаныбарды кайра өзүнө тартып алган.

Маалыматта суу кечип, кирпиге жаңы кожоюн издеп жүргөн ак пейил адам Анатолий Щербак аттуу кызматкер экени айтылган.

Видеонун аягында интернет-колдонуучулардын куткарылган кирпи үчүн ага ыраазылык билдиргенин окууга болот.

77
Белгилер:
суу ташкыны, суу, кирпи, Крым
Тема боюнча
Томпоңдоп чуркап, жыт алып качкан бала аюу. Сары-Чат—Ээр-Таштан тартылган видео
Россиянын президенти Владимир Путин. Архив

Улуу Ата Мекендик согушка 80 жыл. Путиндин макаласы немец басылмасына жарыяланат

96
(жаңыланган 11:35 21.06.2021)
Аза күтүү жана эскерүү күнүндө Путин Москвадагы Белгисиз жоокердин мүрзөсүнө гүл коюп, сөз сүйлөйт.

БИШКЕК, 21-июн. — Sputnik. Владимир Путин Улуу Ата Мекендик согуштун башталгандыгынын 80 жылдыгына карата атайын макала даярдаган. Бул туурасында РИА Новости жазды.

Материалды Германиядагы алдыңкы басылмалардын бири жарыялаарын "Россия 1" телеканалынын "Москва. Кремль. Путин" деп аталган программасында билдиришкен.

22-июнда, аза күтүү жана эскерүү күнүндө, Путин Москвадагы Белгисиз жоокердин мүрзөсүнө гүл коюп, сөз сүйлөйт.

Солдаты конного клуба во время тренировки в Иссык-Кульской области. 1941 год. Фото Л. Вильчинского
© Фото / предоставлено Центральным государственным архивом кинофонофотодокументов / Л. Вильчинский
Маалыматта бүгүн Путиндин Кремлде Мамлекеттик думанын депутаттары менен жолугары, ал эми жума ичинде өкмөт мүчөлөрү менен кеңешме өткөрөрү айтылды.

1941-жылдын 22-июнунда фашисттик Германия тынч жаткан Советтер Союзуна кол салган. Бул дүйнө тарыхында Улуу Ата Мекендик согуштун башталышы катары калды. Ал совет элине, СССРдин курамына кирген ошол кездеги республикалардын элине трагедия алып келди.

Россиянын бардык аймактары менен чет өлкөлөрдө эскерүү иш-чаралары өтөт. Ал эми саат 12:15те (Бишкек убактысы менен 15:15) бүткүл Россия боюнча аза күтүү мүнөтү болот.

96
Белгилер:
фашизм, Улуу Ата Мекендик согуш, Владимир Путин, Россия
Тема боюнча
Путин КМШ өлкөлөрү Улуу Жеңиш жөнүндөгү чындыкты коргогону үчүн ыраазы болду
Путин Жапаровду жана кыргызстандыктарды Жеңиш майрамы менен куттуктады
Ош шаардык тез жардам кызматынын диспетчердик бөлүмүнүн кызматкери. Архив

Ошто эпидемиологиялык абал курчуй берсе шаарга чектөөлөр кирет

8
(жаңыланган 21:49 21.06.2021)
Кыргызстандын экинчи борборунда коронавирус боюнча абал оор боюнча калып жаткандыгын айткан вице-мэр элди санитардык эрежени бекем сактоого чакырды.

БИШКЕК, 21-июн. — Sputnik. Ош шаарында коронавирус боюнча кырдаал курчуса, чектөөлөр кириши мүмкүн. Бул тууралуу аталган калаанын вице-мэри Эмиль Шадыханов айткандыгын муниципалитеттин маалымат кызматынан кабарлашты.

Бүгүн, 21-июнда, Ош шаарынын мэриясында эпидемиологиялык кырдаалды жөнгө салуу боюнча штабдын кезектеги жыйыны болгон.

"Учурда Ош шаарындагы абал оор боюнча калууда. Шаардыктарды эл көп чогулган жайлардан алыс болуп турууга чакырабыз. Эгер кырдаал курчуй турган болсо чектөөлөр кириши мүмкүн. Муниципалдык ишканаларда 65 жаштан жогорку курактагы кызматкерлер аралыктан иштөөгө өтөт", — деген вице-мэр.

Ал элди санитардык эрежелерди бекем сактоого чакырды.

21-июлга карата Ош шаарында коронавируска чалдыккандардын саны 54 болгон. Маалыматта стационарларга кайрылган жарандардын саны суткасына 700гө жетип жатканы айтылды.

Кыргызстанда акыркы мезгилде коронавирус жуктургандар көбөйүп жатат. Алдыдагы эки жумада ооругандардын саны кескин көбөйө турганы божомолдонду.

8
Белгилер:
чектөө, коронавирус, Ош шаары, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бийлик кыргызстандыктарды эл көп топтолгон жерлерге барбоого чакырып жатат
Учпагандар кирбейт! Кыргызстандын аэропортторунда чектөөлөр күчөтүлдү