Дүйнөлүк саламаттык сактоо уюмунун башкы директору Тедрос Адханом Гебрейесус. Архив

ДССУ башчысы COVID лабораториядан чыгарылды деген божомолду четке какпайт

215
(жаңыланган 12:49 13.06.2021)
Тедрос Адханом Гебрейесустун айтымында, иликтөөнүн алгачкы этаптарында Кытай тараптан "ачык-айкындуулук жана кызматташтык" жетишсиз болгон.

БИШКЕК, 13-июн. — Sputnik. Дүйнөлүк саламаттык сактоо уюмунун башкы директору Тедрос Адханом Гебрейесус SARS-CoV-2 лабораториядан чыгарылышы мүмкүн деген божомолду четке какпай турганын айтты. Бул  тууралуу ал G7 лидерлеринин саммитинде билдиргенин РИА Новости жазды.

Эл аралык уюмдун башчысы коронавирус инфекциясын кеминде 174 миллион адам жуктуруп, 3,75 миллион киши анын кесепетинен каза тапканын билдирди.

"Адамдар оору кандай чыкканын билүүсү керек деп ойлойм. Бул кийинки пандемияларды алдын алуу үчүн керек", — деген Гебрейесус.

Анын айтымында, SARS-CoV-2 вирусунун келип чыгышын иликтөөнүн алгачкы этаптарында Кытай тараптан "ачык-айкындуулук жана кызматташтык" жетишсиз болгон. Жетекчи ар бир божомол иликтениши керектигин кошумчалады.

"Маалыматтар, айрыкча "чийки" маалыматтар менен алмашууда кыйынчылыктар болду... Кийинки этапта кызматташуу жакшырат деп ишенебиз", — деди ДССУ башчысы.

Бүткүл дүйнөлүк саламаттык сактоо уюму март айында коронавирустун келип чыгуу себептерин аныктоо үчүн Ухань шаарына барган эксперттердин отчетун жарыялаган. Адистер вирус лабораториядан келип чыккан деген версияны "чындыкка өтө дал келе бербейт" деп, ошол эле учурда оору адамга жарганаттардан башка жаныбар аркылуу жуккан деп божомолдошкон. АКШ жана башка 13 мамлекет эксперттердин тыянагына "тынчсыздануусун" билдирип, "көз карандысыз иликтөө" жүргүзүү зарылдыгын билдиришкен.

Кытай өз кезегинде иликтөө иштерин жүргүзүүгө, деги эле эпидемия темасына ачык экенин билдирип келет.

215
Белгилер:
лаборатория, коронавирус, Кытай, Дүйнөлүк саламаттыкты сактоо уюму
Тема:
Дүйнөгө жайылган коронавирус (1493)
Тема боюнча
Москвада COVID күч алып бир апталык локдаун жарыяланды
Кытай: COVID лабораторияда жасалган деген айыптоо акылга сыйгыс нерсе

Муун алмашып... Олимпиадада спорттун өзгөчө түрүн көрсөткөн аялдардын видеосу

112
(жаңыланган 21:13 29.07.2021)
Эл аралык олимпиада комитетинин сайтында өзгөчө видео жарыяланды. Анда Советтер Союзу менен Россиянын атынан Олимпиадага спорттун таянып секирүү түрү боюнча катышкан аялдардын мууну көрсөтүлгөн.

Олимпиадада гимнастика боюнча аты тарыхта калгандар:

  • Лариса Латынина (СССР), Мельбурн 1956;
  • Вера Чаславска (Чехословакия), Мехико 1968;
  • Нелли Ким (СССР), Монреаль 1976;
  • Екатерина Сабо (Румыния), Лос-Анджелес 1984;
  • Светлана Богинская (СССР), Сеул 1988;
  • Генриетта Оноди (Венгрия), Барселона 1992;
  • Симона Аманар (Румыния), Атланта 1996;
  • Елена Замолодчикова (Россия), Сидней 2000;
  • Моника Рошу (Румыния), Афина 2004;
  • Хун Ун-Чжон (Кытай), Пекин 2008;
  • Сандра Избаса (Румыния), Лондон 2012;
  • Симона Байлз (АКШ), Рио 2016.
112
Белгилер:
бийиктик, видео, олимпиада
Тема боюнча
Марокколук мушкер Олимпиададагы беттеште атаандашынын жаагын тиштеп алды. Видео
Айсулуу Тыныбекова баштаган КРдин балбан кыздары Олимпиадага сапар алды
Германиядагы Түндүк Агым-2 газ түтүгүнүн кургактыктагы объектилери. Архив

"Созулган оюн". Сенаторлор "Түндүк агым-2" долбоорунун айынан соодалашканда

43
Республикачыл сенаторлордун тобу "Түндүк агым-2" долбоорунан улам АКШнын Финансы министрлигинин ишин чектеп коюшарын айтып, сөөмөй кезешти.

Sputnik радиосунун обосунда аталган жагдай боюнча саясат таануучу, Заманбап мамлекеттик өнүгүү институтунун директору Дмитрий Солонников оюн бөлүштү.

Америкалык 12 сенатордон турган депутаттык топ АКШнын Финансы министрлиги менен Ак үйгө "Түндүк агым-2" долбооруна каршы жаңы санкция салуу боюнча шарт койгон.

Жарыяланган каттан Bloomberg агенттиги үзүндү жарыялады.

"Түндүк агым-2" газ түтүгү кошмо штаттардын улуттук кооптуулугуна, биздин өнөктөштөр менен союздаштарга зыян келтирет. Бул долбоордун аякташы Владимир Путиндин Европага жаман таасирин арттырып, Украинанын морт болуп турган коопсуздугун чайпалтат жана Россиянын мындан аркы агрессиясына көмөктөшөт", – деп айтылган маалыматта.

Республикачыл сенаторлор Ак үйдүн администрациясы "газ түтүгү боюнча позициясын өзгөртүп, долбоорго жаңы санкция салбаса" Финансы министрлигинин эки талапкерин дайындабай коёрун айтып коркутууда.

Мурдагы күнү Nord Stream2 AG түтүгүнүн оператору ал 99 пайыз даяр экендигин билдирди.

Sputnik радиосунун обосунда Заманбап мамлекеттик өнүгүү институтунун директору Дмитрий Солонников россиялык долбоорго каршы туруу ички саясий күрөштө курал болуп жаткандыгын айтты.

"Бул созулуп кеткен оюн болду. Азыр демократтар менен республикачылар кантип алмашып калганын көрүп жатабыз. Эми демократтар өзүнүн позициясын коргоп, "Кремлдин тыңчысы" эмес экендигин далилдеши керек. Буга чейин республикачылар беркилерди күнөөлөп, доомат артып жүрүшкөн. Эми өздөрү "тыңчы" болуп калды. Ал эми АКШнын ичиндеги позициялар да ар кыл, өлкөнүн келечегин бир гана президент аныктай албастыгы да анык. Бул позициянын авторлору "Түндүк агым-2" курулуп бүтүп, пайдаланууга берилмейин басым жасаш үчүн ар кыл аракеттерди кылышат. Бирок ал тез арада башталат, оюндун өзү да ушунда турат. Андыктан Финансы министрлигиндеги талапкерлерди дайындоону создуктура беришет. Бул кошмо штаттарынын таасири үчүн болгон күрөш", – деп эсептейт Дмитрий Солонников.

Америкалыктар эбактан бери эле "Түндүк агым-2" долбоорун үзгүлтүккө учуратуу үчүн мүмкүн болгон жолдун баарын издеп келет.

43
Белгилер:
Дмитрий Солонников, долбоор, Түндүк агым - 2, АКШ, Россия
Тема боюнча
Орустардын жашыруун куралы Европанын чок ортосунан АКШга сокку урду
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео