Медицина кызматкерлери каза болгон адамдын денесин Делидеги ооруканага жеткиришүүдө. Архивдик сүрөт

Индияда коронавирустун жаңы мутациясы пайда болгону айтылды

463
(жаңыланган 10:03 21.06.2021)
Дарыгерлер вирустун жаңы мутациясын изилдөө үчүн үлгүсүн анализге жибергенин айтышкан. Аны жуктурган айрым адамдарда эч кандай белги байкалган эмес.

БИШКЕК, 21-июн. — Sputnik. Индиянын Махараштра штатында коронавирустун "дельта плюс" (B.1.617.2.1) деп аталган жаңы штаммын жуктурган 20 учур катталды. Бул тууралуу Индиянын медициналык билим берүү жана изилдөө башкармалыгынын башчысы, дарыгер Т. П. Лахан India TV телеканалына маек берип жатып айтканын РИА Новости жазды.

"Биз "дельта плюс" штаммын Нави-Мумбай, Палгар жана Ратнагири шаарларынан каттадык. Алардын үлгүлөрүн анализге жиберип, отчет күтүп жатабыз", — деди Лахан.

Коронавирустун жаңы штаммын жуктурган беш учур Ратнагири шаарынан табылган. Илдет илештирген эки адамда эч бир белги байкалган эмес. Вирустун жаңы штаммынын жайылуусун алдын алуу үчүн бийлик мутация табылган райондорду жапканы маалым болду.

Коронавирустун B.1.617 штаммы Индияда 2020-жылдын 5-октябрында катталган. Бул штамм андан бери бир топ мамлекетте да табылды. Дарыгерлердин айтымында, дал ушул мутация Индияда коронавирустун экинчи толкунунун башталышына себеп болгон.

Дүйнө жүзүндө коронавирус көп катталган мамлекеттердин ичинен Индия экинчи орунда. Акыркы маалыматтарга таянсак, пандемия башталгандан тарта аталган мамлекетте жалпысынан 29,8 миллион адамдан вирус табылып, анын 28,7 миллиону айыккан. Тилекке каршы, 386 миңден көп бейтап дарттын курмандыгы болду.

463
Белгилер:
Индия, коронавирус, жаңы штамм, мутация
Тема:
Дүйнөгө жайылган коронавирус (1535)
Тема боюнча
Кытайда коронавируска каршы миллиарддан ашык эмдөө жасалды
Тажик бийлиги өлкөдө коронавирус жок экенин, бирок пневмония күч алганын айтууда
Эки жерде бош орун жок. Коронавирусту дарылаган ооруканалардын тизмеси
Председатель КНР Си Цзиньпин слушает премьер-министра Японии Синдзо Абэ во время встречи в Большом Народном зале в Пекине. 23 декабря 2019 года

Си Цзиньпин: Кытай ШКУ өлкөлөрүнө жакырчылыктан чыгуу жолдорун көрсөтүүгө даяр

4
(жаңыланган 16:14 17.09.2021)
Ушул жылдын 25-февралында Си Цзиньпин кытай эли толугу менен жакырчылыкты жеңгенин жар салган. Эми Кытай бул тажрыйбаны башкалар менен бөлүшүүнү көздөп жатат.

БИШКЕК, 17-сен. — Sputnik. Кытай Шанхай кызматташтык уюмуна мүчө мамлекеттердин жарандарына жакырчылык менен күрөшүү боюнча билим алуу үчүн 1 000 квота берет. Бул тууралуу өлкө башчысы Си Цзиньпин Душанбе шаарында өтүп жаткан ШКУ саммитинде айтканын РИА Новости жазды.

"Алдыдагы үч жыл ичинде Кытай ШКУга мүчө мамлекеттерге 1 000 квота берүүгө даяр. Ага илинген балдар жакырчылыктан чыгуунун жолун издеген кесиптер боюнча билим алат", — деп айтылат кабарда.

Ушул жылдын 25-февралында Си Цзиньпин кытай эли толугу менен жакырчылыкты жеңгенин жар салган. Акыркы сегиз жыл ичинде коңшу өлкөдө 100 миллиондой адам итке минген абалдан чыгарылган. Мунун аркасы менен Кытай БУУнун жашоону жакшыртуу программасына ылайык алдыга коюлган максатка жеткен.

ШКУ — 2021-жылы түзүлгөн эл аралык уюм. Ага Кытай, Россия, Казакстан, Тажикстан, Кыргызстан жана Өзбекстан кирет.

4
Белгилер:
Кытай, ШКУ, жакырчылык, квота, билим берүү
Тема боюнча
ЖМК: Си Цзиньпин Байдендин жолугушуу тууралуу сунушун кабыл албай койду
Байден: Си Цзиньпин Кытай Америкага 15 жылда ээлик кыларына ишенүүдө
Си Цзиньпин кесиптеши Садыр Жапаровду Кытайга чакырды
Кыргызстандын президенти Садыр Жапаров Душанбеде ШКУга мүчө мамлекеттердин башчыларынын кеңешинин отуруму учурунда

Афганистанга жардам, коопсуздук, кызматташуу. Жапаровдун Душанбедеги сөзү

17
(жаңыланган 15:54 17.09.2021)
Жапаров Кыргызстандын учурда кыйын абалга туш болгон Афганистандын элине гуманитардык жардам жөнөтүүгө даяр экенин билдирди.

БИШКЕК, 17-сен. – Sputnik. Президент Садыр Жапаров Душанбеде (Тажикстан) ШКУга мүчө мамлекеттердин башчыларынын кеңешинин отурумунда региондо коопсуздук алкагын калыптандырууга өзгөчө көңүл бурууга чакырды. Бул туурасында мамлекет башчынын маалымат кызматынан кабарлады.

Ал 20 жыл ичинде Шанхай кызматташтык уюму (ШКУ) конкреттүү натыйжа жана салмактуу ийгиликтерге жетишти деген пикирин билдирген.

"Жапаров биргелешкен аракеттердин аркасында ШКУ мейкиндигинде коопсуздук жана стабилдүүлүктү колдоо боюнча чоң иш жүрүп жатканын белгилеп, региондо коопсуздук алкагын калыптандырууга өзгөчө көңүл бурууга чакырды. Афганистандагы акыркы кырдаалды эске алуу менен эл аралык экстремизм жана террорчулук күчтөрүнүн коркунуч жана чакырыктарына каршы күрөшүү маселелери өзгөчө мааниге ээ болгонун белгиледи", – деп айтылат маалыматта.

Душанбе шаарында өтүп жаткан Жамааттык коопсуздук кеңешинин (ЖККУ) сессиясы
© Пресс-служба президента КР / Султан Досалиев
Жапаров белгилегендей, башка мамлекеттердин ШКУга кошулууга умтулуусу уюм ишмердүүлүгү эл аралык аренада кеңири кызыгуу жараткандыгын айгинелейт. Алсак, ШКУ саммитинде Иранды жаңы мүчө катары кабыл алуу, ошондой эле Сауд Аравия Падышалыгына, Египет Араб Республикасына жана Катар мамлекетине ШКУ диалогу боюнча өнөктөш макамын берүү процедурасын баштоого старт берилди.

Президент сүйлөп жатып, кол салууга жол бербөө жана миграциялык процесстерди жөнгө салуу үчүн өз ара кызматташуунун стратегиясын иштеп чыгууну сунуштады.

"Аны менен бирге Кыргызстан эң эле көп жабыркаган афган калкынын да, регион жана эл аралык коомчулуктун кызыкчылыгында да Афганистанда аскердик чыр-чатактын токтошун, тынчтык, бейпилдик жана стабилдүүлүктүн орношун жактаарын айтты. Президент Кыргызстан Афганистандын элине гуманитардык жардам жөнөтүүгө даярдыгын билдирди", — деп айтылат маалыматта.

Жапаров санариптештирүүнүн глобалдашуу тенденциясынын, маалыматтык-коммуникациялык технологиялардын өнүгүүсү фонунда акыркы жылдары ШКУ мейкиндигинде кибертеррорчулуктун тобокелдик жана коркунучтары күчөгөнүнө катышуучулардын көңүлүн бурган.

Президент киберкоопсуздукту камсыздоо жаатында кызматташууну жылдыруу максатында, ШКУга мүчө мамлекеттердин тармактык министрлик жана ведомство жетекчилеринин кеңешмеси түрүндөгү атайын механизмди негиздөөнү сунуштаган.

Жапаров ШКУнун өнүктүрүү банкын жана ШКУнун өнүктүрүү фондун түзүү боюнча консультацияларды улантууну сунуштаган. Бул институтту эсеп-кысапты улуттук валютада жүргүзүүгө өтүү боюнча механизми катары карап, натыйжалуу финансы механизмдерин киргизүү жардамында экономикалык кызматташтыкты тереңдетүүнүн маанилүүлүгүн белгилеген.

Аны менен бирге ал транспорттук инфраструктураны биргелешип өнүктүрүү соода мамилелерин активдештирүүгө жана көптөгөн социалдык-экономикалык көйгөйлөрдү чечүүгө мүмкүндүк берет деген ишенимин билдирген.

"Пандемия шартында, ошондой эле кабыл алынган карантиндик чаралардан кийин автожүк ташуулар чектелүү болуп калды, андыктан эң ишенимдүү транспорттук жол бул — темир жолу. Кыргызстан "Кытай — Кыргызстан — Өзбекстан" темир жолунун курулушунун долбоорун тез арада ишке ашуусун көздөйт. Ал региондун транзиттик потенциалын толук кандуу ачууга маанилүү жана конкреттүү кадам болуп, деңиз портторуна чыгууга мүмкүндүк берет", — деп билдирген Жапаров.

Президент азык-түлүк коопсуздугу жана ШКУнун билим берүү жаатындагы кызматташуу маселелерин көтөрүп, туризм, жаштар жана спортту кошуп, маданий-гуманитардык өз ара кызматташуунун маанилүүлүгүн белгилеген.

17
Белгилер:
Кыргызстан, ШКУ, Садыр Жапаров, кеңешме, сунуш
Тема боюнча
Жапаров ШКУ саммитине катышуу үчүн "Кохи Навруз" комплексине келди
Эмомали Рахмон Жапаровду "Улут сарайынан" тосуп алды. Сүрөт