Армениянын премьер-министринин милдетин аткаруучу Никол Пашинян

Армения: парламенттик шайлоодо Пашиняндын партиясы алдыда келе жатат

84
(жаңыланган 10:09 21.06.2021)
20-июнь күнү Арменияда кезексиз парламенттик шайлоо болуп өттү. Ага жалпысынан 25 саясий партия катышты.

БИШКЕК, 21-июн. — Sputnik. Армениядагы мөөнөтсүз парламенттик шайлоодо премьер-министрдин милдетин аткаруучу Никол Пашиняндын партиясы алдыда келе жатат. Бул тууралуу өлкөнүн Борбордук шайлоо комиссиясына шилтеме берип РИА Новости жазды.

Добуштардын 80 пайызы саналып бүттү.

Маалыматка ылайык, 58 пайыз менен Пашиняндын "Жарандык келишим" партиясы алдыда келе жатат. Өлкөнүн мурдагы президенти Роберт Кочаряндын "Армениясы" 22 пайыз менен экинчи орунда. Ошондой эле 5 пайыздык босогону ишкер Гагик Царукяндын "Гүлдөгөн Армения" партиясы өттү.

Эске салсак, 20-июнь күнү Арменияда кезексиз парламенттик шайлоо болуп өттү. Ага жалпысынан 25 саясий партия катышты. Добуш берүү укугуна ээ болгон 2,5 миллион жарандын арасынан 1,2 миллиону (49,4 пайыз) шайлоого келди.

84
Белгилер:
Армения, парламент, шайлоо, саясый партия, Никол Пашинян
Тема боюнча
Арменияда өтүп жаткан парламенттик шайлоого партиялар рекорддук санда катышууда
Акжол Махмудовдун жеке машыктыруучусу Мейрамбек Ахметов. Архив

Акжолдун Токиодо калыстык кылып жаткан машыктыруучусу балбанды сүрөй албайт. Себеби

13
(жаңыланган 14:12 03.08.2021)
Кечээ, 2-августта, кыргызстандык адис Ахметов Токиодо грек-рим күрөшү боюнча 60 килограмм салмактагы балбандардын финалдык беттешине башкы калыстык кылды.

БИШКЕК, 3-авг. — Sputnik. Акжол Махмудовдун жеке машыктыруучусу Мейрамбек Ахметов Токиодогу Олимпиада-2020да эл аралык деңгээлдеги калыстык милдетти аткарып жүрөт. Анын иш учурундагы сүрөтүн Кыргызстандын спорттук күрөш федерациясы социалдык тармактагы баракчасына чыгарды.

Кечээ, 2-августта, кыргызстандык адис грек-рим күрөшү боюнча 60 килограмм салмакта беттешкендердин финалын башкы калыс катары тейледи. Анда кубалык Луис Альберто Орта Санчес менен япониялык Кинечиро Фумита беттешкен. Кубалык балбан упай айырмасында утуп, олимпиада чемпиону болду. Мындан сырткары, 77 килограмм салмакта өзүнүн шакиртинин (Акжол Махмудов - ред.) атаандаштары болгон ирандык Мухаммедали Гераи менен кубалык Йосванис Пена Флорестин кармашына калыстык кылды.

Жогоруда белгилегендей, Ахметов Олимпиада оюндарында грек-рим күрөшү боюнча 77 килограмм салмакта финалга чыккан кыргызстандык балбан Акжол Махмудовдун жеке машыктыруучусу. Бирок спорттогу эрежелерге ылайык, арбитр болуп жүргөндүктөн өзүнүн тарбиялануучусу Акжол беттешке чыкканда жанына барууга, кеп-кеңешин айтып багыт берип турууга тыюу салынган.

13
Белгилер:
Мейрамбек Ахметов, Акжол Махмудов, грек-рим күрөшү, калыс
Тема:
2021-жылы Токиодо өтө турган Олимпиада оюндары
Тема боюнча
Айсулуу менен Акжолдун күрөшү "Ала-Тоо" аянтында чоң экрандан көрсөтүлөт
Мейрамбек Ахметов: Пекинде Канат Бегалиевди уурданып жүрүп колдоп келгем
Москва метросунда полиция кызматкерлери. Архив

Россияда кыргызстандыктар массалык түрдө текшерилип жатабы? Расмий жооп

24
(жаңыланган 13:53 03.08.2021)
Буга чейин Россиянын Москва шаарында 180дей мигрант мушташкан. Бул боюнча жалпысынан 102 адам кармалса, анын 71и кыргызстандыктар болгон.

БИШКЕК, 3-авг. – Sputnik. Кыргызстандын Россиядагы элчилиги социалдык тармактардагы "кыргызстандыктарды РФте массалык түрдө текшерип жатышат" деген билдирүүлөр боюнча түшүндүрмө берди.

"Учурда Россиянын компетенттүү органдары "Кузьминки" метросунда болгон окуяга катыштыгы болушу мүмкүн делген чет элдиктерди издөөсүн улантууда. Россиянын укук коргоо органдарынын бул аракеттери өлкө аймагында тартипти орнотуу жана коопсуздукту камсыздоого багытталган", — дешти элчиликтен.

Ошондой эле дипломатиялык өкүлчүлүк 15-июндагы Россия президентинин коронавирус инфекциясынын жайылып кетишин алдын алуу боюнча жарлыгына ылайык, чет элдиктерди же жарандыгы жок адамдарды текшерүү иштери дагы болуп жатканын кошумчалады. Маалыматка караганда, бул текшерүүлөрдүн жыйынтыгында жаранды өлкөдөн чыгарып салуу жолу каралган эмес.

Буга чейин Россиядагы телеканалдардын бири Москвада 180дей мигранттын мушташын көрсөткөн. Анда 11-июлда Химкиде тажик мигранттары эки кыргызстандыкты бычактаганы айтылган. Мындан улам тирешүү башталып, шаардагы "Кузьминки" метростанциясында массалык мушташ чыккан. Урушта жалпысынан 102 адам кармалса, анын 71и кыргызстандык болгон.

24
Белгилер:
Кыргызстан, Россия, жаран, текшерүү, элчилик
Тема боюнча
Кыргызстандык абитуриенттер россиялык ЖОЖго түйшүксүз өтө алат
Кыргызстандыктар Москва — Казань жолун салып иштемекчи