Сыра ичип жаткан кыздар. Архив

Үч апта алкоголь ичпеген кыз ашыкча салмактан арылган

102
24 жаштагы кыз ичимдиктен баш тартар алдында эки апта бою күнүнө экиден бутылка сыра ичип турганын жана ага 114 доллар коротконун айтты.

БИШКЕК, 25-июн. — Sputnik. АКШ жараны Даниэль Пирстин ичимдиктен баш тартып, үч жумада күтүүсүз жыйынтыкка жеткенин Newsweek басылмасы жазган.

24 жаштагы кыз ичимдиктен баш тартар алдында эки апта бою күнүнө эки бутылкадан сыра ичип турганын жана ага 114 доллар коротконун айтты.

"Анча шайдоот эмес, наалыма, ашыкча салмагыма жиним келген жан болчумун. Андыктан элиминация диетасына отуруп, ичимдикти таштадым. Сергек жашоо мүнөзүнө өттүм", — деген кыз.

Сырадан баш тарткан Пирс жети килограммга арыктаган.

"Арыктагандан сырткары байкасам, тери да тазара баштаптыр. Уйкум да калыбына келди", — деген ал.

Эксперимент аяктагандан кийин деле Пирс алкоголсуз диетасын уланткан.

Кыз телефонуна ичимдик жана аны коштогон иш-чараларга канча акча кете тургандыгын эсептеген тиркеме жүктөп алган. Маселен, барга барып кайра келген сыяктуу чыгымдарды эсептеп баштаган.

Өзүнүн айтымында, бул тартип менен жашап ичимдиктен баш тарткандан бери миң доллар үнөмдөгөн.

Элиминация диетасы 30 күнгө эсептелген. Аны организмге кайсы тамак-аш жагат жана кайсы түрү аллергия кылбай тургандыгын аныктоо үчүн кармашат. 

102
Белгилер:
кыз, АКШ, ичимдик, баш тартуу, диета, үнөмдөө
Тема боюнча
Мырзабеков: шоколад, кофе, алкоголь ичимдиктери бөйрөктө таш пайда кылат
Кыргызстанда арак-шарап кымбатташы мүмкүн

Нидерландда футбол фанаттары турган трибуна оюн учурунда урап түштү. Видео

63
(жаңыланган 12:17 18.10.2021)
Конокко барган команда жеңишти белгилөө үчүн фанаттары турган жакка келишкен. Алар ийгиликке секирип кубанып жаткан учурда трибуна урап түшкөн.

Нидерланддын Неймеген шаарындагы стадиондун трибунасы күйөрмандары менен кошо урап түштү.

Окуя өлкө чемпионатынын тогузунчу турундагы оюндун аягында болгон. "Витесс" клубу жергиликтүү НЕК менен беттешип, 1:0 эсебинде жеңишке жеткен. Беттештен соң жеңишти белгилөө үчүн футболчулар фанаттары турган трибунага келишкен. Күйөрмандар ийгиликке кубанып секирип жаткан учурда конструкция салмакты көтөрө албай урап түшкөн.

Кырсыктан эч ким жапа чеккен эмес. Кыйроого карабай "Витесстин" фанаттары майрамдоосун улантышкан.

Маалым болгондой, "Де Гофферт" стадиону 1939-жылдын 8-июлунда ачылып, 12 500 кишиге ылайыкташкан. Арена 2000-жылдын аягында заманга бап оңдолуп, 25-январда экинчи расмий ачылышы болгон.

63
Белгилер:
Голландия, стадион, трибуна, Кыйроо
Тема боюнча
Ошто көмүр жүктөлгөн унаа өтүп бара жаткан көпүрө урап түштү. Видео
Күйөрмандардын стадиондун үстүнөн кулаган мышыкты сактап калган кызыктуу видеосу
Аял китеп окуу учурунда. Иллюстративдик сүрөт

Дарыгер күздөгү уйку басууну кантип жеңсе болорун айтып берди

81
(жаңыланган 11:01 18.10.2021)
Сомнолог беймаал уйкусуроодон кандай учурда өз алдынча кутулса болорун, кайсы мезгилде дарыгерге кайрылуу зарыл экенин түшүндүрдү.

БИШКЕК, 18-окт. — Sputnik. Күз канчалык жаанчыл болуп, күн бүркөлүп турса адамды ошончолук уйку басат. Мындай абалды жеңүүнүн жолдорун сомнолог Михаил Полуэктов Sputnik радиосунун эфиринде айтып берди.

Дарыгердин пикиринде, түнкү уйкудан калып же ооруп жатпаган учурда уйкуңуз келсе, бир чыны кофе эң сонун жардам берет.

"Кофеин уйкуну ачарын баарыбыз жакшы билебиз. Ал адамдардын гана эмес, чычкандардын, курт-кумурскалардын жана балыктардын уйкусун ача алат. Эгер бир нече күн катары менен күндүз уйку басса, демек, уктоо режимин бир аз өзгөртүү керек. Жок дегенде мурдагыдан 1-2 саат көбүрөөк уктаганга аракет кылыңыз", — деди дарыгер.

Ал эми көп уктап, ойдогудай эс алган учурда дагы уйку канбаса, анда дарыгерге кайрылуу зарыл. Анткени бул күздө курчуй турган психологиялык оорулардын белгиси болушу мүмкүн. Мисалы, депрессияга күзүндө жер жүзүндөгү адамдардын 10 пайыздан ашыгы кабылат. Бул илдет көпчүлүк учурда адамдын алын кетирип, уйкусун келтирет.

81
Белгилер:
күз, уйку, ден соолук, дарыгер
Тема боюнча
Күздө иммунитетке кантип кам көрүү керек. Эндокринологдун кеңеши
Пробация департаментинин жетектөөчү адиси, психолог Тахмина Талгатова

Талгатова: соттолгон адамдын кылмыштан оолак болушуна коом көмөк көрсөтө алат

0
Пробация департаментинин жетектөөчү адиси, психолог Тахмина Талгатова соттолгон адамдар жаза мөөнөтүн өтөп бүткөндөн кийин коомго аралаша албай кыйналарын айтты.

Коомдо соттолгон кишилерге чочулоо менен караган көз караш бар. Аларга ишеним да төмөн. Бул тууралуу Тахмина Талгатова Sputnik Кыргызстан радиосуна маек куруп жатып билдирди.

Талгатова: соттолгон адамдын кылмыштан оолак болушуна коом көмөк көрсөтө алат

Анын айтымында, жаза мөөнөтү бүткөндөн кийин бул адамдар өздөрүн жалгыз сезип кыйналышат.

"Пробация департаменти жеңил кылмыш жасаган мыйзам бузуучулар менен иш алып барат. Көбүнесе уурулук, каракчылык, бирөө менен мушташа кетип түрмөгө түшкөн инсандар — биздин кардарларыбыз. Алар менен психологдор тынбай иштешип турабыз. Мындай кылмышкерлердин көбү жаза мөөнөтү бүткөн соң кайра коомго аралашуудан чочулашат. Баары бир мага эч ким ишенбейт деген пикирде болуп, адамдардан оолактап жалгыз жүрүп калышат. Мындай учурда анын чөйрөсү эң чоң көмөк көрсөтө алат. Алар бул кишини өзүнө тартып, баарлашып, майда-барат иштерде деле ишеним көрсөтүп турушса ачылып сүйлөшүшөт. Соттолуп чыккан адам жардам сураган учурда болушунча баш тартпаганга аракет кылыш керек. Анткени алардын кимдир бирөөдөн көмөк сурап кайрылганы дагы өзүнчө жеңиш, — деди Талгатова.

Психолог бул боюнча коомчулукта да түшүндүрүү иштери жүргүзүлүшү зарылдыгын кошумчалды.

0
Белгилер:
психология, психолог, кылмышкер, коом, Тахмина Талгатова
Тема боюнча
Зарылбек уулу: пробация кардарлары дээрлик кайра кылмышка барбайт