Индияда Амритсар шаарындагы аялдар балдары менен. Архив

Индияда балдардын коронавирустан кийинки оорусу жаралды

276
(жаңыланган 15:06 28.06.2021)
Бул синдромду алып жүргөн балдар Махараштра, Харьяна, Пенджаб жана башка штаттардан кезиге баштаган. Ооруп калгандардын так саны айтылбаганы менен алар жүздөп саналат деген билдирүүлөр түшүүдө.

БИШКЕК, 28-июн. — Sputnik. Индияда COVID-19 менен ооруп айыккан балдардын мультисистемалык кабылдап кетүү синдромуна тушукканы айтылууда. Мындай кабарды The Times of India басылмасы таратты.

Чандигарх шаарындагы Медициналык институттун педиатрия боюнча интенсивдүү терапия жана медициналык жардам көрсөтүү бөлүмүнүн жетекчиси, профессор Жаяшринин айтымында, бул синдромду былтыр кезиктиришкен. Анын саны жыл сайын өсүүдө.

Сөз болуп жаткан синдромду алып жүргөн балдар Махараштра, Харьяна, Пенджаб жана башка штаттардан кезиге баштаган. Ооруп калгандардын так саны айтылбаганы менен алар жүздөп саналат (Чандигарх шаарында эле 252 балага жеткен) деген билдирүүлөр түшүүдө.

Дарыгерлер коңгуроо кагып, эскертүү берүүдө. Алар аталган оору боюнча расмий жалпы улуттук статистика жүргүзүлбөгөндүктөн аны менен күрөшүү боюнча сунуштар жок экендигин билдиришти.

Адистер балдар негизи коронавирусту жеңил көтөрүп кетерин, бирок андан кийин ушундай синдром пайда болорун айтышты. Оору өспүрүм же бала COVID-19дан айыккандан төрт-алты аптадан кийин пайда болорун айтышты. Эт ысып, калчылдап, көздөн жаш агып, ич өтүп жана куса баштайт. Кан басымы түшүп кеткен учурлар да кездешүүдө. Мультисистемалык кабылдап кетүүнүн кесепети боюнча дарыгерлер коңгуроо кагып жатышат. Медиктердин муну балдардын башка илдеттери менен алмаштырып алган учурлары да аз эмес.

Пульмонология боюнча адис, профессор Мину Сингх кеселдин келип чыгышын кыймылдын аз болушу менен байланыштырган. Адис пандемиядагы мектептеги чектөөнүн кесепетинен балдар сейрек сейилдеп, аз кыймылдагандык синдромго себепкер болуп жатканын айткан.

Медиктер мындай синдромго толук, салмагы оор балдар көбүрөөк кабыларын белгилеп жатышат.

276
Белгилер:
Индия, коронавирус, балдар, даун синдрому, синдром
Тема:
Дүйнөгө жайылган коронавирус (1556)
Тема боюнча
COVID: эмделгендиги боюнча сертификатты эми үйдөн чыкпай туруп алса болот
Күнгө күйбөш керек. Жайкысын COVID-19га каршы вакцина алуу эрежеси

Нидерландда футбол фанаттары турган трибуна оюн учурунда урап түштү. Видео

85
(жаңыланган 12:17 18.10.2021)
Конокко барган команда жеңишти белгилөө үчүн фанаттары турган жакка келишкен. Алар ийгиликке секирип кубанып жаткан учурда трибуна урап түшкөн.

Нидерланддын Неймеген шаарындагы стадиондун трибунасы күйөрмандары менен кошо урап түштү.

Окуя өлкө чемпионатынын тогузунчу турундагы оюндун аягында болгон. "Витесс" клубу жергиликтүү НЕК менен беттешип, 1:0 эсебинде жеңишке жеткен. Беттештен соң жеңишти белгилөө үчүн футболчулар фанаттары турган трибунага келишкен. Күйөрмандар ийгиликке кубанып секирип жаткан учурда конструкция салмакты көтөрө албай урап түшкөн.

Кырсыктан эч ким жапа чеккен эмес. Кыйроого карабай "Витесстин" фанаттары майрамдоосун улантышкан.

Маалым болгондой, "Де Гофферт" стадиону 1939-жылдын 8-июлунда ачылып, 12 500 кишиге ылайыкташкан. Арена 2000-жылдын аягында заманга бап оңдолуп, 25-январда экинчи расмий ачылышы болгон.

85
Белгилер:
Голландия, стадион, трибуна, Кыйроо
Тема боюнча
Ошто көмүр жүктөлгөн унаа өтүп бара жаткан көпүрө урап түштү. Видео
Күйөрмандардын стадиондун үстүнөн кулаган мышыкты сактап калган кызыктуу видеосу
Аял китеп окуу учурунда. Иллюстративдик сүрөт

Дарыгер күздөгү уйку басууну кантип жеңсе болорун айтып берди

87
(жаңыланган 11:01 18.10.2021)
Сомнолог беймаал уйкусуроодон кандай учурда өз алдынча кутулса болорун, кайсы мезгилде дарыгерге кайрылуу зарыл экенин түшүндүрдү.

БИШКЕК, 18-окт. — Sputnik. Күз канчалык жаанчыл болуп, күн бүркөлүп турса адамды ошончолук уйку басат. Мындай абалды жеңүүнүн жолдорун сомнолог Михаил Полуэктов Sputnik радиосунун эфиринде айтып берди.

Дарыгердин пикиринде, түнкү уйкудан калып же ооруп жатпаган учурда уйкуңуз келсе, бир чыны кофе эң сонун жардам берет.

"Кофеин уйкуну ачарын баарыбыз жакшы билебиз. Ал адамдардын гана эмес, чычкандардын, курт-кумурскалардын жана балыктардын уйкусун ача алат. Эгер бир нече күн катары менен күндүз уйку басса, демек, уктоо режимин бир аз өзгөртүү керек. Жок дегенде мурдагыдан 1-2 саат көбүрөөк уктаганга аракет кылыңыз", — деди дарыгер.

Ал эми көп уктап, ойдогудай эс алган учурда дагы уйку канбаса, анда дарыгерге кайрылуу зарыл. Анткени бул күздө курчуй турган психологиялык оорулардын белгиси болушу мүмкүн. Мисалы, депрессияга күзүндө жер жүзүндөгү адамдардын 10 пайыздан ашыгы кабылат. Бул илдет көпчүлүк учурда адамдын алын кетирип, уйкусун келтирет.

87
Белгилер:
күз, уйку, ден соолук, дарыгер
Тема боюнча
Күздө иммунитетке кантип кам көрүү керек. Эндокринологдун кеңеши
Министрлер кабинетинин төрагасы Акылбек Жапаров

Жүк ташуучу автоунаалар көбөйтүлөт. Акылбек Жапаров "Торугартка" барды

0
Жапаров учурда Нарында жумушчу сапары менен жүрөт. "Торугарттан" тышкары, Тайлак баатыр атындагы чек ара аскер бөлүгүнүн заставасынын абалы менен таанышты.

БИШКЕК, 18-окт. — Sputnik. Министрлер кабинетинин төрагасы Акылбек Жапаров Нарын облусуна болгон жумушчу сапарынын алкагында "Торугарт" көзөмөл-өткөрүү жайына  барды. Бул тууралуу өкмөттүн маалымат кызматы кабарлады.

Жапаров "Фантузи" контейнердик кранынын иши менен таанышып чыккан.

"Ал мындан ары жүктөөлөр Арка аймагында  (Арка — Кытай менен Кыргызстандын чек арасынын ортосундагы нейтралдуу аймак) эмес, "Торугарт" көзөмөл-өткөрүү пунктунда ишке ашырыларын жана жүк ташуучу автоунаалардын саны көбөйтүлө турганын белгилеген.  Ошондой эле министрлер кабинетинин башчысы дезинфекциялык барьердин абалы менен таанышып, анын инфраструктурасын жакшыртууну тапшырды", — деп айтылат маалыматта.

Мындан тышкары, Жапаров Тайлак баатыр атындагы чек ара аскер бөлүгүнүн заставасынын абалы менен таанышкан.

0
Белгилер:
Нарын облусу, 'Торугарт' көзөмөл өткөрүү пунку, Акылбек Жапаров, жумушчу, сапар, тапшырма
Тема боюнча
Президенттин администрациясында бөлүмдөрдүн ордуна 4 башкармалык болору айтылды