Афганистандагы куралдуу аскер. Архивдик сүрөт

Талибдер менен согуш. Дагы 1000ден ашык афган аскери Тажикстанга кирди

782
(жаңыланган 14:24 05.07.2021)
5-июлга караган түнү "Талибан" согушкерлери Бадахшан провинциясындагы алты уездди басып, толугу менен көзөмөлүнө алган.

БИШКЕК, 5-июл. — Sputnik. Талибдер менен болгон кагылышуудан кийин Тажикстан Афганистандын дагы 1000ден ашык аскерин чек арадан өткөрдү. Бул тууралуу Тажикстандын Чек ара кызматынын билдирүүсүнө таянып Sputnik Тажикстан кабарлады.

Ага ылайык, 5-июлга караган түнү "Талибан" согушкерлери Бадахшан провинциясындагы алты уездди басып, толугу менен көзөмөлүнө алган. Анын ичинде Тажикстан менен чектешкен Хохон, Шикай, Нусай, Мохимай, Шугнон жана Султон Ишкашим уезддери бар.

"Куралдуу кагылышуудан кийин Тажикстан өз аймагына Афганистандын 1 037 аскерин чек арадан өткөрдү. Жеке курамды сактоо үчүн Шохон аймагынан 104, Рузвайдан 213, Нулванддан 83, Хумрогиден 173, Темден 312, Ишкашимден 102 жана Лангардан 50 адам кирген", — деп айтылат билдирмеде.

Маалым болгондой, чек арадагы аталган аймактар тажик чек арачыларынын көзөмөлүндө.

Эске салсак, "Талибандын" согушкерлери АКШ өлкөдөн аскерлерин чыгарып кете баштаганда, тагыраагы, июнь айынын ортосунан тарта күч алган. Өкмөттүн күчтөрү менен талибдердин ортосундагы аёосуз кагылышуу чек арада жайгашкан төрт облуста болуп жатат. Согушкерлердин карамагына Бадахшан провинциясынын 28 районунун 18и өткөн. Май айынан бери талибдер Афганистандын 150дөн ашык районун басып алышкан.

782
Белгилер:
согуш, 'Талибан' кыймылы, Аскер, Афганистан, Тажикстан
Тема:
Афган бийлиги менен талибдердин тиреши (48)
Тема боюнча
Талибдер менен болгон согуштан кийин 300дөй афган чек арачысы Тажикстанга кирди
АКШ Борбор Азиянын үч өлкөсүнөн 9000 афганга баш калкалоо берүүнү суранууда
Адам муштумдарын түйүп жатат. Иллюстративдик сүрөт

КРдин Москвадагы элчилигинде мушташ чыктыбы? Расмий түшүндүрмө

16
(жаңыланган 10:09 26.07.2021)
Элчиликтен билдиришкендей, кыргызстандык аялды коштоп келген эркек киши кызматкерлерге карата орой сөздөрдү айтып, абийирине шек келтирип, алардын сыртка чыгып туруңуз деген өтүнүчүн аткарган эмес.

БИШКЕК, 26-июл. — Sputnik. Кыргызстандын Россиядагы элчилигинин маалымат кызматы дипломатиялык өкүлчүлүктүн имаратындагы мушташ тууралуу комментарий берди.

Бул тууралуу маалыматты 25-июль күнү Россиянын айрым ЖМКлары жазган. Элчиликтен билдиришкендей, 24-июль күнү кыргызстандык аялга консулдук жардам көрсөтүлүп жатканда, аны менен чогуу келген эркек киши кызматкерлерге карата орой сөздөрдү айтып, абийирине шек келтирип, алардын сыртка чыгып туруңуз деген өтүнүчүн аткарган эмес. Ошондон улам тараптар мушташа кетип, ал эркек консулдук бөлүмдөн күч колдонулуп сыртка чыгарылган.

Мындан соң ал КРдин ИИМинин Россиядагы өкүлчүлүгү жана полицияга өткөрүп берилген.

"Сөз болуп жаткан киши Россиянын жараны экени белгилүү болду. Ошол эле учурда маалыматтар базасы аркылуу анда Кыргызстандын паспорту дагы бар экени аныкталды. Анын өзүн кандай алып жүргөндүгүн кабылдамада кезек күтүп турган жарандар дагы көрүштү. Кабыл алып, кызмат көрсөтүп жаткан кызматкер ага карата тиешелүү чара кабыл алуусун өтүнүп укук коргоо органдарына арыз жазды", — деп айтылат билдирүүдө.

Ошондой эле элчилик учурда кызматтык иликтөө жүргүзүлүп жатканын кошумчалады. Эгер кызматкер тарабынан катачылык кеткени далилденсе, тиешелүү чара көрүлөт.

16
Белгилер:
мушташ, элчилик, Россия, Кыргызстан
Тема боюнча
РФтеги элчилик кыргыздардын массалык депортациясы тууралуу маалыматты төгүндөдү
ДССУ штаб-квартирасы. Архив

ДССУ: жакынкы жылдары рактын үч түрүн жеңе алышыбыз мүмкүн

27
Аялдарда жатын моюнчасынын рагын пайда кылган папиллома вирусуна (ВПЧ) каршы иштелип чыккан вакцина ооруну азайтууга көмөктөшөрү айтылат.

БИШКЕК, 26-июл. — Sputnik. Дүйнөлүк саламаттык сактоо уюмунун адистеринин пикиринде, жакынкы 10 жылда залалдуу шишиктин үч түрүн жеңүүгө мүмкүнчүлүк бар. Бул тууралуу РИА Новости жазды.

ДССУ өкүлү Мелита Вуйнович көпчүлүк аялда кездешип жаткан жатын моюнчасынын рагын азайтууга жакшы шарттар түзүлгөнүн билдирген. Биринчиден оору жакшы изилденсе, экинчиден, аны козгогон адамдын папиллома вирусуна (ВПЧ) каршы кооптуу жана натыйжалуу вакцина иштелип чыкты.  

Ошондой эле адамзат өпкө рагын да жеңүү алдында турат. Бирок ал үчүн чылымдан баш тарткандар көп болушу керек. ДССУ адистери тамеки чеккендер болбосо залалдуу шишик жаралбайт эле деген оюн айтышкан. Рактын бул түрүнө чылым 90 пайыз себеп экени белгиленет.  

Адистер эскерткендей, тамекинин түтүнүндө ракты чакырган 60тан ашуун канцероген бар, ал эми никотин нерв системасынын ишин төмөндөтөт.  

Мындан сырткары, боор рагынан арылууга да мүмкүнчүлүк бар. Ал үчүн ичимдикти таштап же кескин азайтуу керек. ДССУнун адистеринин изилдөөсүнө ылайык, былтыр 740 миң кишинин рак оорусу спирт ичимдиги менен байланыштуу болгон. Бейтаптардын 75 пайызын эркектер түзөт.  

Адистер рактын бул түрлөрүн жеңүүгө жана алдын алууга багытталган иштерди жүргүзүүнү улантууда.

27
Белгилер:
боор, өпкө, жатын, шишик, рак, Дүйнөлүк саламаттыкты сактоо уюму
Тема боюнча
Адамдын тили рак болгондо кездешчү белгилер айтылды
Көпчүлүгүбүздө бар. Рак илдетин пайда кылчу 7 вирус аталды