COVID-19 микроскоптон сүрөтү. Архив

Жакында коронавирустун очогуна айланат делген өлкө аталды

2554
Дарыгер коронавирус жакынкы айларда Улуу Британияда көбүрөөк мутация болорун божомолдоп жатат. Анын пикиринде, өлкө бийлигинин бир гана вакцинага ишенип жатканы — катачылык.

БИШКЕК, 6-июл. — Sputnik. Англиялык жалпы практикалык дарыгер Хилари Жонс Улуу Британия коронавирустун жаңы мутацияларынын очогу болуп калышы мүмкүн экенин эскертти. Бул тууралуу ITV телеканалына шилтеме берип РИА Новости жазды.

Анын айтымында, бул өлкөдө өкмөт вакцина салуу программасына катуу ишенип жатат. Бирок вирустан коргонуу үчүн башка дагы чаралар талап кылынат.

"Ооба, вакцина ооруну жеңилдетип, өлүмдүн санын азайтууда. Бизде альфа-мутация гана болсо, тынч отура бермекпиз. Бирок азыр Улуу Британияда мутациянын дельта варианты дагы бар. Ал өтө жугуштуу. Жакында өлкөдө күн сайын 50 миңдей адам COVID жугуза башташы мүмкүн. Мындайда вирус өтө ылдамдыкта мутация болуп, бат жайылат. Ошондо анык коронавирус фабрикасына айланабыз", — деди адис.

Апта башында Улуу Братияда бир сутка ичинде 27 334 кишиден SARS-CoV-2 табылды. Учурда бул өлкөнүн элинин 64 пайызы толугу менен эмдөөдөн өткөнү кабарланган эле.

Коронавирустун "индиялык" штаммы өткөн жылы пайда болгон. Адистер "дельта" деп атаган түрү илдеттин жеңил белгилеринен оор түрүнө тез өтүшү менен кооптуу экендигин айтышууда. Мындай "кадамы" менен адамдын организмине өзүнүн антителосун пайда кылган убактысын кыскартарын кошумчалайт дешкен.

2554
Белгилер:
Улуу Британия, адис, коронавирус, мутация
Тема:
Дүйнөгө жайылган коронавирус (1498)
Тема боюнча
Окумуштуулар 4 ай ичинде COVID 22 жолу мутация болорун божомолдоодо
Ууланасың! Адис вакцина алган адам ичимдик ичип алса эмне болорун айтты
Жогорку Кеңештин төрагасы Талант Мамытов. Архив

Төрага Мамытов жана депутаттар Ирандын президентинин инаугурациясына катышты

20
(жаңыланган 16:41 05.08.2021)
Спикер ирандык кесиптешине Кыргызстанда болуп өткөн саясий процесстер тууралуу маалымат берип, Жогорку Кеңештин жаңы курамы октябрда шайланарын айткан.

БИШКЕК, 5-авг. — Sputnik. Жогорку Кеңештин төрагасы Талант Мамытов жана депутаттар Каныбек Иманалиев, Замирбек Эсенаманов Тегеранда Ирандын президенти аятолла Сейед Эбрахим Раисинин инаугурациясынын расмий салтанатына катышты. Бул туурасында парламенттин маалымат кызматы билдирди.

Анын алкагында Мамытов Ирандын Ислам Кеңеши межлисинин төрагасы Мохаммад Багер Галибаф менен жолугушкан.

"Тараптар эки өлкөнүн ортосундагы соода-экономикалык мамилелерди өнүктүрүүгө кызыкдар экендигин билдиришип, туризм, инвестициялар, медициналык туризм, инженердик-техникалык кызматтар жана башка чөйрөдөгү кызматташтыктын перспективаларын талкуулашты", — деп айтылат маалыматта.

Ошондой эле спикер чакыруу үчүн ыраазычылык билдирип, Ирандын элин жаңы мамлекет башчысын ийгиликтүү шайлап алышы менен куттуктады. Андан соң ал Кыргызстанда болуп өткөн саясий процесс тууралуу маалымат берип, Жогорку Кеңештин жаңы курамы быйыл октябрда шайланарын билдирди.

Кыргызстандын президенти Садыр Жапаров. Архив
© Пресс-служба президента КР / Султан Досалиев
"Бизде да, сиздерде да саясий процесс активдүү өнүгүп жатат, бирок муну менен катар эле соода-экономикалык мамилелерибизди да өнүктүрүүгө тийишпиз. Тилекке каршы, пандемия көп пландарыбызды ишке ашырууга жолтоо болду. Учурда биздин өлкөлөрдүн темир жол уюмдары Түркмөнстан жана Өзбекстан менен бирдикте кызматташууну баштады. Ал Кыргызстан менен Ирандын ортосундагы соода-экономикалык мамилелерди өнүктүрүүгө түрткү берет", — деп айткан Мамытов.

Ирандык кесиптеши анын сөзүн кубаттап, чакырууну кабыл алганы үчүн ыраазычылык билдирди.

Иш сапардын алкагында ЖК төрагасы Ирандын жетекчилери, ошондой эле инаугурацияга келген чет элдик делегациялардын башчылары менен дагы жолугары пландалууда.

20
Белгилер:
Иран, инаугурация, Талант Мамытов, спикер, депутат, жолугушуу
Тема боюнча
Босого 5%, аялдардын квотасын азайтуу. Парламент жаңы шайлоо мыйзамын колдоду
Эркек адам. Архив

Өзү 50 жашта. Жапжаш көрүнгөн Британия тургуну сыры менен бөлүштү

82
Жигиттей көрүнгөн киши жумасына үч ирет спорт залга бара турганын айткан. Ошондой эле ал эти жок тамактарды гана жеп, кумшекер, ичимдиктен баш тарткан.

БИШКЕК, 5-авг. — Sputnik. Улуу Британиянын 25теги жигиттей көрүнгөн 50 жаштагы тургуну Тристан Ли жаштык сыры менен бөлүштү. Бул тууралуу The Daily Mail басылмасы жазды.

Ли 35 жылдан бери терисине жакшылап кам көрө турганын айтып, ошол себептен жаш көрүнөрүн белгилеген. Тристан туура тамактанып, терини жумшартуучу жана күндөн сактаган кремдердин сапаттуусун колдонорун да кошумчалаган.

"Териге кам көрүүдө табигый каражаттарды колдоном жана буга көп деле каражат жумшабайм. Жыты жок каражаттарды табууга аракет кылам. Анткени өтө жыттуулар терини дүүлүктүрүп жибериши ыктымал", — деди ал.

Мындан сырткары, ал күндө жарым сааттык сейилдөөгө чыгып, жумасына үч ирет спорт залга бара турганын айткан. Эти жок тамактарды гана жеп, кумшекер, ичимдиктен баш тарткан.

"Мен абдан жаш көрүнгөндүктөн улгайып калган адамдар кантип баарлашууну билбей, ыңгайсыз боло беришет. Ошол эле учурда канчада экенимди билген жаштар да кыйналат. Ошол себептен баары жакшы эмес", — деген Ли.

Ли сырткы келбетинен улам айрымдар аны алдамчы деп ойлой турганын кошумчалаган.

82
Белгилер:
Улуу Британия, жаштык, жигит
Тема боюнча
Төрөттөн кийин дароо 40 килограммга арыктаган аял сыры менен бөлүштү