Коронавирусту аныктоо үчүн анализ тапшырган бейтап. Архивдик сүрөт

Инфекционист: дүйнөдө коронавирусту үчүнчү жолу жуктуруп алгандар болууда

68
(жаңыланган 10:34 08.07.2021)
Адис үчүнчү ирет оору илештирип алгандар вирусту оор көтөрүшү мүмкүндүгүн дагы айткан. Ошондой эле индиялык штаммдын кесепетин белгилеген.

БИШКЕК, 8-июл. — Sputnik. Дүйнөдө коронавирусту үчүнчү ирет жуктуруп алгандар болууда, дарт мурдагыдан да оор өтүп жатат. Бул тууралуу инфекционист, медициналык борбордун жетекчиси Евгений Тимаковго таянуу менен РИА Новости жазды.

"Мындайча айтканда, вирус иммундук тоскоолдуктардын бардыгын жеңип экинчи-үчүнчү жолу деле жуга берет. Көп учурда үчүнчүнүн башкаларга салыштырмалуу кесепети оор болот", — деген медик Россиядагы эпидемиологиялык кырдаалга арналган маалымат жыйында.

Тимаков өлкөдөгү үчүнчү толкун менен байланышкан индиялык штаммдын (дельтанын) өзгөчөлүгүн белгилей кетти. Анын айтымында, инфекция жуктурган бир жуманын ичинде адамдын абалы оорлошуп, ооруканага жаткырууга туура келет.

Дүйнөлүк саламаттык сактоо уюму SARS-CoV-2нин төрт түрүн "тынчсыздандыруучу" тизмеге киргизген: альфа (Британия), бета (Түштүк Африка), гамма (Бразилия) жана дельта (Индия).

Эксперттердин айтымында, акыркысы Ухандан чыккан вирустан да эки эсе коркунучтуу, ошого карабай дагы мутацияланып жатат. Жакында эле анын дельта-плюс түрү пайда болгон.

Москванын мэри Сергей Собянин шаардыктардын 90 пайызында индиялык штамм аныкталганын билдирген. Ал эми Гамалея атындагы Эпидемиология жана микробиология илим-изилдөө институтунун директору Александр Гинцбург "Спутник V" вакцинасы коронавиурстун бардык түрүнөн коргой аларына ишендирген.

68
Белгилер:
вакцина, жуктуруу, штамм, коронавирус
Тема:
Дүйнөгө жайылган коронавирус (1488)
Тема боюнча
Вакциналар согушу: Европа "Спутник V" менен күрөшүүдө
ДССУ башчысы: жаңы штаммдар вакцинадан озуп кетип жатат

Күрмөсүн куюнга чечтирип жиберген футболчу. Боливияда тартылган видео

4
Боливияда футболдук беттеш башталар алдында күтүүсүздөн оюн талаасынын чаңын сапырган куюн башталып, оюнчулардын биринин күрмөсүн чечип кеткен.

Окуянын видеосун The Guardian өзүнүн YouTube-каналына жарыялады.

Окуя Ахокалла шаарында өтүп жаткан футболдук оюн учурунда болгон.

Кадрдан көрүнүп тургандай, командалар беттеш алдындагы саламдашуу маалында куюн күтүүсүздөн келген. Оюнчулар туш-тарапка качкан. Ага карабастан шамал спортчулардын биринин күрмөсүн жулуп кеткен.

Окуядан улам беттеш бир аз убакытка үзгүлтүккө учураган.

4
Белгилер:
видео, куюн, беттешүү, футбол, Боливия
Тема боюнча
Кинодогудай кооптуу! Стамбулдагы адам өмүрүн алган куюндун видеосу
Асманга кеткен жол сымал. Кытайдагы таңгалдырган куюндун видеосу
Кыргызстан жана Тажикстан желектери. Архивдик сүрөт

Баткен: атышуу боюнча Кыргызстан менен Тажикстан чек арачылары сүйлөштү

45
(жаңыланган 18:04 24.07.2021)
Эске салсак, Бүгүн Баткен облусунун аймагында кыргыз-тажик чек арачыларынын ортосунда атышуу болгон. 

БИШКЕК, 24-июл. — Sputnik. Кыргыз-тажик чек арасындагы бүгүнкү окуя боюнча эки тараптын чек ара кызматтары сүйлөшүүлөрдү жүргүздү. Бул тууралуу УКМКнын Чек ара кызматынан кабарлашты.

"Баткен облусунун Тумба аймагында эки өлкөнүн чек арачылары сүйлөшүүлөрдү жүргүздү. Жолугууга жергиликтүү бийлик органдарынын өкүлдөрү менен Баткен жана Согди облустарынын укук коргоо органдарынын башчылары катышты. Жыйынтыгында тараптар Кум-Мазар (Кыргызстан) жана Сомоньен (Тажикстан) аймагында эч кандай иштерди жүргүзбөө чечимин кабыл алышты", — деп айтылат билдирүүдө.

Ошондой эле эки тараптын чек арачылары аталган аймактагы тартиптин сакталышын көзөмөлдөй турганы айтылды.

Эске салсак, бүгүн, 24-июлда, Баткен облусунун аймагында кыргыз-тажик чек арачылары бири-бирине ок чыгарган. Окуя чек арага жакын Баткен районунун Кум-Мазар аймагында болгон. Тажик тарап кыргыз тарап менен макулдашпай туруп аймакта кум тазалоо иштерин кыла баштаган. Ал жерге Кыргызстандын чек арачылары, жергиликтүү бийлик өкүлдөрү жана тургундар барып, ишти токтотуусун талап кылган. Бирок тажик тарап буга макул болгон эмес. Тараптар бири-бирине таш ыргытып, кийин чек арачылар ок чыгарган.

45
Белгилер:
чек ара, Баткен, Кыргызстан
Тема боюнча
УКМК: бүгүн кыргыз-тажик чек арасында ок атышуу болду
Тажикстан Кыргызстан менен чектешкен аймагында ири аскердик машыгуу өткөрөт