Медициналык кызматкер ооруканада. Архив

Коронавирустун жаңы толкундарына эки нерсе себеп. Окумуштуунун билдирүүсү

158
Адистин айтымында, вирустун жаңы толкунунун пайда болушуна эки себеп бар. Булар пандемиянын көпкө созулуп кетиши жана кишилердин вакцинадан качышы.

БИШКЕК, 11-июл. — Sputnik. COVID-19дун дагы канча толкуну болору, жалпысынан пандемиянын мындан аркы тагдыры адамдардан жана алардын эмдөөгө болгон мамилесинен көз каранды. Бул тууралуу Россиянын Илимдер академиясынын мүчө-корреспонденти, Новосибирск мамлекеттик университетинин табигый илимдер факультетинин биотехнология жана вирусология лабораториясынын башчысы Сергей Нетесовго шилтеме берип РИА Новости жазды.

Адистин айтымында, вирустун жаңы толкунунун пайда болушуна эки себеп бар. Булар пандемиянын көпкө созулуп кетиши жана кишилердин вакцинадан качышы. Жаңы штаммдардын пайда болушуна бир гана адам себепкер.

"Вирус иммунитет тартыштыгы менен жабыркаган жана онкологиялык илдеттери бар адамдардын организминде узагыраак жүрүп, кийин мутация болуп кетүүдө. Булардан тышкары, ден соолугу таза адамдар вакцина албай жүрө берип, ошол эле учурда башка өлкөлөргө барып же чет элдиктер менен байланышта болгондо бири-бирине жуккан вирустар мутация болууда. Андыктан коронавирусту жеңүүнүн жападан жалгыз жолу — вакцина алып, вируска жаңыланып кетүүгө мүмкүнчүлүк бербөө. Муну көпчүлүк адамдар ушул убакка чейин түшүнбөй жатат", — деди дарыгер.

Белгилей кетсек, учурда дүйнө жүзү боюнча SARS-CoV-2 вирусунун үчүнчү толкуну жүрүп жатат. Жон Хопкинс университетинин маалыматы боюнча, коронавирус жугузгандардын саны 186 миллиондон ашты. Алардын ичинен 4 миллиондон көбүрөөк киши көз жумду. Эмдөө тууралуу айтсак, 3,4 миллиард доза вакцина сайылды.

158
Белгилер:
Дүйнө, коронавирус, вакцина, пандемия
Тема:
Дүйнөгө жайылган коронавирус (1498)
Тема боюнча
COVID: 1 295 кишиге вирус жугуп, тогуз бейтап каза тапты
Окумуштуулар COVID-19дун эркектерди өлүмгө тартуучу жагдайларын аныкташты

1 500 аскер катышууда. Россия менен Өзбекстандын аскердик машыгуусу видеодо

64
Россия менен Өзбекстан коңшу өлкөнүн Термез шаарындагы полигонунда биргелешкен аскердик машыгуу өткөрүп жатат.

Видеону Россиянын Коргоо министрлиги жүктөдү.

Күжүрмөн окуунун алкагында атайын даярдыктагы бөлүктөр Ми-171 жана Н-215 тик учактарынан секирип түшүп, "куралдуу топторду жок кылышты". Ошондой эле аскерлер 15 чакырымга жүрүш жасап, жолдо катар татаал сыноолордон өттү.

Машыгууга эки тараптан кеминде 1 500 миңдей аскер катышууда.

64
Белгилер:
Россия, Өзбекстан, Аскер, машыгуу, видео
Тема боюнча
Афганистанга жакын аймакта Тажикстан, Россия, Өзбекстандын машыгуусу башталды
Алтайдагы Катунь дарыясы. Архив

Алтайда 25 жаштагы кыргызстандык жигит дарыяга чөгүп каза болду

62
(жаңыланган 19:49 05.08.2021)
Кыргыз диаспорасы полиция жана куткаруучулар менен биргеликте жаранды издеп таба албай коюшкан. 10 күндөн кийин сөөгүн туристтер көрүп калган.

БИШКЕК, 5-авг. — Sputnik. Алтайда инструктор болуп иштеп жүргөн 25 жаштагы кыргызстандык жигит Катунь дарыясында сүзүп жүрүп чөгүп кетти. Бул туурасында Кыргызстандын Новосибирскидеги башкы консулдугу билдирди.

Окуя 20-июлда Тельдекпень-2 аймагында болгон. Кыргыз диаспорасы полиция жана куткаруучулар менен биргеликте издеп таба албай коюшкан.

"30-июлда туристтердин бири Катунь дарыясынын Еланда аймагынан кыргызстандык М.С. аттуу жарандын сөөгүн көрүп полицияга кабарлаган. Кыргыз диаспорасынын көмөгү менен маркумдун сөөгү Кыргызстанга 4-августта жиберилди. Жол чыгымдары үчүн Башкы консулдук тарабынан 70 миң рубль өлчөмүндө мамлекеттик компенсация төлөндү", — деп жазылат маалыматта.

Башкы консулдук окуянын иликтенишин көзөмөлүнө алганы белгиленди. Аны менен катар Россиянын ТИМинин Барнаулдагы өкүлчүлүгүнө, тергөө жана көзөмөл органдарынын жетекчилигине тергөө ишин көзөмөлгө алууну сурап кайрылуу жиберген.

62
Белгилер:
Алтай крайы, Кыргызстан, өлүм, дарыя, сөөк, жеткирүү
Тема боюнча
Экинчи ирет киргенде тапкан. Караколдо милиционер чөккөн өспүрүмдү куткарып калды
Ысык-Көлдө 15 күн мурда жоголгон турист кыздын сөөгү табылды. Сүрөттөр
Pfizer вакцинасы. Архив

Кыргызстанга күзүндө Pfizer вакцинасынын келиши күтүлүүдө

0
(жаңыланган 00:32 06.08.2021)
Өкмөттүн өкүлүнүн билдиришинче, Pfizer вакцинасынан тышкары, күзүндө кайтарымсыз түрдө Sinopharm препараты келиши күтүлүүдө. Ошондой эле Moderna вакцинасын колдонуу планы бар.

БИШКЕК, 5-авг. — Sputnik. Кыргызстанга COVAX линиясы аркылуу коронавируска каршы Sinopharm жана Pfizer препараттары келиши мүмкүн. Бул тууралуу министрлер кабинетинин төрагасынын орун басары Жылдыз Бакашова билдирди.

"Ушул жылдын сентябь айынын этегинде Кытайдын Sinopharm вакцинасы кайтарымсыз түрдө берилери күтүлүүдө, ошондой эле күздүн ортосунда Pfizer вакцинасынын 259 миң дозасынын келишин күтүп жатабыз. 2022-жылдын биринчи кварталында Дүйнөлүк банктын донордук колдоосунун линиясы менен Moderna вакцинасы келиши мүмкүн", — деген Бакашова.

Анын айтымында, министрлер кабинети дипломатиялык каналдар аркылуу вакциналарды алуу боюнча иштерди улантууда.

0
Белгилер:
Кыргызстан, Министрлер кабинети, коронавирус, вакцина
Тема:
Коронавируска каршы эмдөө
Тема боюнча
Дарыгер COVID-19дан айыккандар жана эмделгендер качан кан тапшырса болорун айтты
Окуучулар сентябрда кадимки тартипте окуйбу? Министрликтин жообу
Кыргызстанда жарым миллиондон ашуун адам коронавируска каршы вакцина алды