Логотип компании Google на международном автомобильном салоне во Франкфурте.

Франция Google компаниясына 500 миллион евро айып салды

55
(жаңыланган 13:01 14.07.2021)
Google News сервисине франциялык ЖМКлардын макалаларын колдонгондугу үчүн акы төлөп берүү боюнча келишим түзүү мөөнөтүн создуктуруп жүрөт деп айыпталууда.

БИШКЕК, 14-июл. — Sputnik. Франциянын Монополияга каршы кызматы Google компаниясын 500 миллион евро айыпка жыкты. Бул тууралуу жергиликтүү ЖМКларга шилтеме берип Sputnik радиосу кабарлады.

Google News сервисине франциялык ЖМКлардын макалаларын колдонгондугу үчүн акы төлөп берүү боюнча келишим түзүү мөөнөтүн создуктуруп жүрөт деп айыпталууда.

Ошондой эле компанияга колдонгон материалдары үчүн автордун эмгек акысын төлөп бербесе, күн сайын негизги айыптын үстүнө 900 миң евродон кошулуп турары эскертилди.

Белгилей кетсек, бир жыл мурда аталган кызмат Google компаниясын жергиликтүү ЖМКлардын контентин колдонгону үчүн алар менен келишим түзүүгө милдеттендирген. Буга France-Presse агенттиги башында турган медиа-топтордун арыздануусу себеп болгон.

55
Белгилер:
айып пул, контент, Google, Франция
Тема боюнча
Киберэксперт Google Chrome колдонуучуларын "пайдаланып жатканын" айтты

Кудум кинодогудай! Кытайдагы шаарды кум каптаган видео

135
Асмандын дээрлик жартысын ээлегендей элес калтырган кум бороон Кытайдын Ганьсу провинциясы менен Цзюцюань шаарын бир нече мүнөттөрдө эле аралап кеткен.

Окуяга күбө болгондор жаратылыштын бул кубулушун видеого тартып, социалдык тармакка таратып жиберген. Кадрдагы көрүнүш киши коркутпай койбойт.

Асмандын бетин бербей уюлгуган кум менен чаң шаарды тез эле басып калган. Маалыматтарда анын 10 мүнөт ичинде калаанын бир топ аймагын каптаганы айтылат.

Синьхуа агенттиги жол кыймылы буулуп, бир нече метрден кийин жол көрүнбөй калганын жазды.

Бактыга жараша, жаратылыштын бул кубулушунан адамдар жабыркаган эмес. Окумуштуулар мындай көрүнүш күн абдан ысыганда пайда болорун айтышкан.

135
Белгилер:
кыймыл, кино, бороон, кум, Кытай
Тема боюнча
Индияда суу астындагы жер көтөрүлүп, элди чочутту. Видео
Жүрөк үшүн алат! Чаңдуу бороон Казакстандын райондорун каптаган видео
Ил-96 учагы. Архив

Россияда өзөктүк куралдардын согушу болуп кетсе колдоно турган учак жасалат

152
Бул аба техникасы мамлекеттин башында тургандарды эвакуация кылганга, жердеги жана спутниктик инфраструктура иштен чыгып калганда аскерлерди башкарууга керек болот.

БИШКЕК, 26-июл. — Sputnik. Воронеж шаарында Ил-96-400М лайнеринин базасында өзөктүк куралдардын согушу болуп кетсе аларды башкара турган учакты жасоо иши башталды. Бул тууралуу Sputnik радиосу РИА Новостиге таянып жазды.

Аталган агенттик бул кабарды коргонуу-өнөр жай комплексиндеги маалымат булактарынан алган. 

"Кыямат күндүн учагы" деп аталган аба техникалары жүргүнчү ташыган Ил-86нын базасында куралган кадимки Ил-80 учактарын алмаштырарын айткан. Ил-96-400М деп аталган жаңы лайнерлер азыркыларына салыштырмалуу эки эсе алыс аралыкка уча алат. Аскерлер абадан команда берүүчү эки пунктуга ээ болот. Долбоордун "Звено-3С" деп аталары белгилүү болду.

Анын радиокомплекси алты миң чакырым радиуста туруп учактан жердеги жана суу алдында коё берилүүчү түзүлүштөргө буйрук бергенге мүмкүнчүлүк жаратат. 

Бул аба техникасы мамлекеттин башында тургандарды эвакуация кылганга, жердеги жана спутниктик инфраструктура иштен чыгып калганда аскерлерди башкарууга керек болору айтылды.

152
Белгилер:
учак, согуш, өзөктүк курал, Россия
Тема боюнча
Батышка тынчтык берчүдөй эмес. Россиянын Аскер-деңиз флотундагы жылыштар
Россиянын Checkmate истребителинин презентациясы болду. Видео
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду