Дүйнөлүк саламаттык сактоо уюмунун (ДССУ) башчысы Тедрос Адханом Гебрейесус. Архивдик сүрөт

ДССУ башчысы COVID кытайлык лабораториядан чыккан деген пикирди четке какпайт

105
(жаңыланган 12:35 16.07.2021)
Эл аралык абройлуу уюмдун башчысы кытай бийлигин иликтөө жаатында "ачык болууга, жаап-жашырбоого жана кызматташууга" чакырган.

БИШКЕК, 16-июл. — Sputnik. Дүйнөлүк саламаттык сактоо уюмунун (ДССУ) башчысы Тедрос Адханом Гебрейесус коронавирус жасалма жол менен жаралган деген пикирди четке какпай туруу керектигин айтты. Бул туурасында Sputnik радиосу Associated Press агенттигине таянып кабарлады.

Гебрейесус вирустун чындыгында кайдан чыккандагын билиш үчүн Кытайдын бийлиги менен кызматташууну сунуштаган.

"Мен өзүм да лаборант болгонмун, иммунологмун, лабораторияда иштегем. Ал жактарда ар кыл окуялар болуп кетет", — деген Гебрейесус.

ДССУ жетекчиси SARS-CoV-2 ушул сыяктуу себептен улам пайда болушу мүмкүн деген нерседен баш тартуу эртелик кыларын айтты. Ал иликтөө жаатында кытай бийлигин "ачык болууга, жаап-жашырбоого жана кызматташууга" чакырган.

"Бизге маалымат, болгондо да пандемияга чейин бул лабораторияда абал кандай болгону туурасында так маалымат керек. Эгерде толук маалымат алсак, анда четке кагабыз (COVID-19 лабораториядан пайда болуп, тараган деген пикирди)", – деген Гебрейесус.

Быйылкы жылдын башында ДССУнун эксперттик тобу Кытайдагы Ухань шаарына коронавирус инфекциясы пайда болгон очокту табуу үчүн учуп барган. Аталган уюмдун кызматкерлери COVID-19 лабораториядан тараган деп айтыла калып жүргөн версияны да эске алышкан. АКШ эгерде Кытай барган окумуштууларга ошол жерде изилдөө жүргүзүүгө мүмкүнчүлүк бербесе дүйнө коомчулугунан бөлүп салуу керек дешкен. Кийинчерээк америкалык ЖМКлар COVID-19 Ухань шаарындагы лабораториядан чыккандыгынын белгилери табылганын жазышты. Америка президенти Жозеф Байден чалгын кызматынан COVID-19дун келип чыгышы боюнча маалыматтарды топтоону талап кылган.

105
Тема:
Дүйнөгө жайылган коронавирус (1498)
Тема боюнча
ДССУ башчысы: жаңы штаммдар вакцинадан озуп кетип жатат
ДССУ дүйнөдө коронавирус боюнча кырдаал турукташып калганын билдирди
Алтайдагы Катунь дарыясы. Архив

Алтайда 25 жаштагы кыргызстандык жигит дарыяга чөгүп каза болду

28
(жаңыланган 19:49 05.08.2021)
Кыргыз диаспорасы полиция жана куткаруучулар менен биргеликте жаранды издеп таба албай коюшкан. 10 күндөн кийин сөөгүн туристтер көрүп калган.

БИШКЕК, 5-авг. — Sputnik. Алтайда инструктор болуп иштеп жүргөн 25 жаштагы кыргызстандык жигит Катунь дарыясында сүзүп жүрүп чөгүп кетти. Бул туурасында Кыргызстандын Новосибирскидеги башкы консулдугу билдирди.

Окуя 20-июлда Тельдекпень-2 аймагында болгон. Кыргыз диаспорасы полиция жана куткаруучулар менен биргеликте издеп таба албай коюшкан.

"30-июлда туристтердин бири Катунь дарыясынын Еланда аймагынан кыргызстандык М.С. аттуу жарандын сөөгүн көрүп полицияга кабарлаган. Кыргыз диаспорасынын көмөгү менен маркумдун сөөгү Кыргызстанга 4-августта жиберилди. Жол чыгымдары үчүн Башкы консулдук тарабынан 70 миң рубль өлчөмүндө мамлекеттик компенсация төлөндү", — деп жазылат маалыматта.

Башкы консулдук окуянын иликтенишин көзөмөлүнө алганы белгиленди. Аны менен катар Россиянын ТИМинин Барнаулдагы өкүлчүлүгүнө, тергөө жана көзөмөл органдарынын жетекчилигине тергөө ишин көзөмөлгө алууну сурап кайрылуу жиберген.

28
Белгилер:
Алтай крайы, Кыргызстан, өлүм, дарыя, сөөк, жеткирүү
Тема боюнча
Экинчи ирет киргенде тапкан. Караколдо милиционер чөккөн өспүрүмдү куткарып калды
Ысык-Көлдө 15 күн мурда жоголгон турист кыздын сөөгү табылды. Сүрөттөр
Кыргызстандык балбан Айсулуу Тыныбекова. Архив

Айсулуу күмүш алганына карабай дүйнөлүк рейтингде биринчиликтен түшкөн жок

181
Кыргызстандык спортчуну Олимпиаданын финалында жеңип алган атаандашы, япониялык Юкако Каваи экинчи сапка көтөрүлдү.

БИШКЕК, 5-август. — Sputnik. Кыргызстандык балбан Айсулуу Тыныбекова Бириккен күрөш дүйнөсүнүн (UWW) жаңыланган рейтингинде биринчи орунду сактап калды. Бул тууралуу спорттук уюмдун сайтында жазылды.

Жаңы рейтинг Токио Олимпиадасындагы мелдештер жыйынтыкталгандан кийин жарыяланды. Мында Тыныбекова күмүш медалга ээ болгон. Бирок ага карабай 78 упай менен лидерликтен түшкөн жок.

Ал эми финалда жеңишке жеткен атаандашы япониялык Юкако Каваи экинчи сапка көтөрүлдү. Анын чогулткан упайы 68 экени көрсөтүлгөн.

Үчүнчү орунда 44 упай менен украиналык Ирина Коляденко турат.

Айсулуу Тыныбекова кыз-келиндер күрөшүнүн 62 килограмм салмак категориясында 2019-жылы дүйнө чемпиону болгондон кийин UWW рейтингинде биринчи сапка чыккан. Ошондон бери лидерликти бербей келе жатат.

181
Белгилер:
Айсулуу Тыныбекова, рейтинг, дүйнө, күрөш
Тема боюнча
Эмоция кайнап, ыйлагым келип турат. Айсулуунун Токиодогу алгачкы билдирүүсү
Оморов: Кыргызстанда аялдар күрөшүнүн өнүгүшүнө Айсулуу Тыныбекова жол ачты
Кыргызстандык балбан кыздар Олимпиададан эки медаль менен кайтты. Сүрөт
Олимпиада: Кыргызстан медаль боюнча Борбор Азияда алдыңкы сапка чыкты
Арсланбаб жаңгак багы. Архив

Жума күнгө карата аба ырайы

0
5-августтан 8-августка чейин республиканын тоолуу жана тоо этектериндеги райондорунда  аба ырайы өзгөрүлүп турат. Күтүлүп жаткан нөшөрлүү жаан-чачынга байланыштуу сел жүрүшү мүмкүн.

БИШКЕК, 5-авг. — Sputnik. 6-августка караган түнү жаан-чачын жаабайт. Күндүз тоолуу райондордо өткүн өтүп, күн күркүрөйт, дыйканчылык аймактарда жаан-чачын болбойт. Мындай маалыматты Кыргызгидромет таратты.

Батыштан соккон шамалдын ылдамдыгы секундасына 4-9 метрге жетип турат.

Абанын температурасы Чүйдө +30...+35, Талас аймагында +29...+34, Ош, Жалал-Абад жана Баткен облустарында +32...+37, Ысык-Көл жана Нарын өрөөндөрүндө +22...+27 градус болот.

Синоптиктер борбор калаада күндүн табы +33...+35, Ош шаарында +34...+36, Чолпон-Атада +25...27 градуска чыгарын айтышты.

0
Белгилер:
аба ырайы, Кыргызстан
Тема боюнча
Шашылыш билдирүү! ӨКМ сел жүрүшү мүмкүн экенин эскертет