Германиянын Шульде аймагындагы суу ташкындыгынын кесепети. Архивдик сүрөт

Германияда суу ташкындап, каза болгондордун саны 156 адамга жетти

351
(жаңыланган 11:40 18.07.2021)
12-июлдан тарта нөшөрлөп жааган жамгырдан улам Германиянын бир нече аймагын суу каптап, дарыялар нугунан чыгып, көпүрө, жолдор талкаланган.

БИШКЕК, 18-июл. — Sputnik. Германияда суу ташкындап, анын кесепетинен  каза болгондордун саны 156га жетти. Бул тууралуу Bild басылмасына таянып, РИА Новости билдирди. 

Эске салсак, Германияда 12-июлдан тарта нөшөрлөп жамгыр жаап, анын кесепетинен суу ташкындап, дарыялар нугунан чыгып, адам өлүмүнө алып келүүдө

Жекшемби, 18-июль күнү, эртең менен Кобленц башкармалыгынын полициясы Рейнланд-Пфальц аймагында жаратылыш кырсыгынан көз жумгандардын саны 12ден 110го өскөнүн кабарлаган.

Түндүк Рейн – Вестфалия жеринде 45 адам, ал эми Берхтесгаден районунда аз дегенде бир кишинин көз жумганы кошумчаланды.

Шаршембиге караган түнү Рейнланд-Пфальц жана Түндүк Рейн — Вестфалия жерлеринде катуу жамгыр жаап, калк жашаган аймактарды суу каптай баштаган. Жаратылыш кырсыгынан көпүрө, жолдор талкаланып, электр зымдары үзүлгөн.

Суу ташкынынан жана селден улам ишемби күнү кечинде Жогорку Бавария аймагында өзгөчө кырдаал режими жарыяланганы айтылды.

351
Белгилер:
кырсык, өлүм, сел, суу, жаан, Германия
Тема боюнча
Дүйнөнү сел алгандай көрүнүш. Германиядагы үрөй учурган кырсыктын видеосу
Германиянын батышын суу каптап, 1000ден ашык киши дайынсыз болууда. Видео
ДССУ штаб-квартирасы. Архив

ДССУ: жакынкы жылдары рактын үч түрүн жеңе алышыбыз мүмкүн

18
Аялдарда жатын моюнчасынын рагын пайда кылган папиллома вирусуна (ВПЧ) каршы иштелип чыккан вакцина ооруну азайтууга көмөктөшөрү айтылат.

БИШКЕК, 26-июл. — Sputnik. Дүйнөлүк саламаттык сактоо уюмунун адистеринин пикиринде, жакынкы 10 жылда залалдуу шишиктин үч түрүн жеңүүгө мүмкүнчүлүк бар. Бул тууралуу РИА Новости жазды.

ДССУ өкүлү Мелита Вуйнович көпчүлүк аялда кездешип жаткан жатын моюнчасынын рагын азайтууга жакшы шарттар түзүлгөнүн билдирген. Биринчиден оору жакшы изилденсе, экинчиден, аны козгогон адамдын папиллома вирусуна (ВПЧ) каршы кооптуу жана натыйжалуу вакцина иштелип чыкты.  

Ошондой эле адамзат өпкө рагын да жеңүү алдында турат. Бирок ал үчүн чылымдан баш тарткандар көп болушу керек. ДССУ адистери тамеки чеккендер болбосо залалдуу шишик жаралбайт эле деген оюн айтышкан. Рактын бул түрүнө чылым 90 пайыз себеп экени белгиленет.  

Адистер эскерткендей, тамекинин түтүнүндө ракты чакырган 60тан ашуун канцероген бар, ал эми никотин нерв системасынын ишин төмөндөтөт.  

Мындан сырткары, боор рагынан арылууга да мүмкүнчүлүк бар. Ал үчүн ичимдикти таштап же кескин азайтуу керек. ДССУнун адистеринин изилдөөсүнө ылайык, былтыр 740 миң кишинин рак оорусу спирт ичимдиги менен байланыштуу болгон. Бейтаптардын 75 пайызын эркектер түзөт.  

Адистер рактын бул түрлөрүн жеңүүгө жана алдын алууга багытталган иштерди жүргүзүүнү улантууда.

18
Белгилер:
боор, өпкө, жатын, шишик, рак, Дүйнөлүк саламаттыкты сактоо уюму
Тема боюнча
Адамдын тили рак болгондо кездешчү белгилер айтылды
Көпчүлүгүбүздө бар. Рак илдетин пайда кылчу 7 вирус аталды
Киши лупа аркылуу доллар купюраларды карап жатат. Архив

Дүйнөдөгү карызы асман чапчыган мамлекеттер аталды

86
Эксперттин айтымында, Япониянын мамлекеттик карызынын суммасы өлкөнүн ички дүң продукциясынан 234 пайызга көп.

БИШКЕК, 26-июл. — Sputnik. Япония дүйнө боюнча мамлекеттик карызы эң көп өлкө аталды. Бул туурасында РИА Новости Стратегиялык иштеп чыгуулар институтунун инвестициялык анализ жана макроэкономикалык изилдөө борборунун жетекчиси Даниил Наметкинге шилтеме берүү менен жазды.

Карызынын көлөмү боюнча кийинки орундарда Улуу Британия, АКШ жана Еврозона (евро валютасын колдонгон өлкөлөр) турат. 

Эксперттин айтымында, Япониянын мамлекеттик карызынын суммасы өлкөнүн ички дүң продукциясынан 234 пайызга көп. Ал эми Улуу Британияныкы 144 пайызга, АКШныкы 160 пайызга, Еврозонаныкы 120,4 пайызга көп.

Ошондой эле ал коронавирустук кризистен улам макроэкономикалык шарттар начарлап кетсе дүйнөлүк банктар каржы системасындагы туруктуулукту сактоо үчүн рыноктун өзгөрүшүнө карап адаттан тыш кадамдарга барууга даяр экенин көрсөткөнүн белгилеген.  

Белгилей кетсек, Кыргызстандын мамлекеттик карызынын суммасы 5 миллиард доллардын тегерегинде.

86
Белгилер:
эксперт, мамлекет, Дүйнө, карыз, Япония
Тема боюнча
Мамлекеттик карыз боюнча рекорд жаңыланды
Эл көп алган автоунаалардын баасы кандай болуп өзгөрдү. Инфографика 
Киши жолду өтүп бара жатат. Архив

Жол кырсыгына жөө жүргөндөр да себепкер. Эмнелерди эске алуу керек

0
Милиция элдин аң-сезиминде жол кырсыктарына айдоочулар гана күнөөлүү деген ой калыптанып калганын, бирок жөө жүргөндөр да бир катар эрежелерге көңүл кош карап жатканын айтты.

БИШКЕК, 26-июл. — Sputnik. Ош шаарындагы акыркы алты айда катталган жол кырсыктарынын 53 пайызында жөө жүрүүчүлөрдүн күнөөсү бар экени маалым болду. Бул тууралуу шаардык милициянын маалымат кызматы кабарлады. 

"Көпчүлүгүбүздүн аӊ-сезимибизге "жол кырсыктарына айдоочулар гана күнөөлүү, алар жооптуу" деген ой сиӊип калган. Бирок статистикада андай эмес экен", — дешти ОШ ШИИББден.   

Тагыраагы, жарым жылдагы 280 жол кырсыгынын 150сүндө жөө кишилер катышкан жана алар бир катар эрежелерге көңүл бурбай жатканы айтылат. Атап айтканда:  

  • жолдо жүрүүнүн эрежелерин билишпейт же сакташпайт; 
  • атайын жөө жүргөндөр үчүн белгиленген жайлардан өтүшпөйт; 
  • жаш балдарын жалгыз жолдун аркы өйүзүндөгү дүкөндөргө жумшашат;   
  • жолдо өтүп бара жатышып кулакчын тагып алышат же телефон кармалашат. Кээде катуу ойлонуп же башка нерсеге алаксышат; 
  • мас болуп жолго чыгып алышат;   
  • тротуар менен эмес, жол бойлоп басышат; 
  • жолдон жүгүрүп же велосипед айдап өтүшөт. 

Ош шаардык милициясы жөө жүргөндөрдүн арасындагы жол кырсыктарын алдын алуу максатында атайын рейд уюштуруп жатканы кошумчаланды.  

Маселен, өткөн жумадагы рейдде Милициянын кайгуул кызматы тарабынан жол эрежесин бузгандарга карата 1 288 протокол түзүлгөн. Анын ичинен алты айдоочу мас болуп кармалып, 75 автоунаа айып короого киргизилди. Ошондой эле 34 айдоочунун документи жок унаа айдап жүргөнү аныкталды. 

Ош шаардык ички иштер башкармалыгы бардык жөө жүргөн кишилерди калаа аймагында атайын белгиси бар жерлерден гана өтүүнү, жол эрежесине так, өздөрүнө сак болууга чакырды.

0
Белгилер:
эреже, жол кырсык, жөө жүрүш, милиция, Ош
Тема боюнча
Министр: автоинспекторлор үч смен менен иштейт
Садыр Жапаров мас айдоочуларды аныктоо чараларын күчөтүүнү тапшырды