Наручники с ключом на столе. Архивное фото

Кения: балдарды өлтүрүп, канын ичип жүргөн адам кармалды. Сүрөт

2785
(жаңыланган 19:56 18.07.2021)
Эркек киши беш жылдан бери балдарды уурдап кетип, өлтүрүп, сөөгүн канализациянын кудугуна ыргыта берген.

БИШКЕК, 18-июл. — Sputnik. Кения полициясы Мастен Ванжала аттуу 20 жаштагы кишини кармап, суракка алганда ал өспүрүмдөрдү өлтүрүп, канын ичип жүргөнүн мойнуна алган. Бул туурасында Daily Mail басылмасы жазды.

​Маалыматта анын ондогон балдардын канына забын болгону айтылган.

Полиция Кениянын борбору Найробиде эки баланын сөөгү табылгандан кийин, эки күн мурда, Ванджалунун изине түшкөн. Суракта ал ондогон балдарды өлтүргөнүн, биринчи кылмышты 16 жашында жасаганын мойнуна алган.

"Алгач 12 жашар кызды уурдап кетип, өлтүргөн. Бычактап, жарадар кылгандан кийин канын ичип, ошол жерге таштап баса бергенин айткан", — деп жазды басылма.

Мындан кийин ал кынык алып, адамдын оюна келбеген кылмышын уланта берген. Басылманын жазганына таянсак, үч жылдан кийин мындай кандуу окуяны дагы жасаган.

Жакында эле өлтүргөн эки өспүрүмдү алгач тирүү кайтарып берүү үчүн 200дөн 330 фунт стерлингге (23 300 – 38 700 сом — ред.) чейин акча талап кылган. Тилекке каршы, балдардын үй-бүлөсү ал акчаны таап бере албай калган.

Иликтөө учурунда Мастен Ванжала полиция кызматкерлерине кандуу иштеринин кайда жасалганын көрсөтүү үчүн бир нече жерге алып барган. Маалыматта канкордун балдардын сөөгүн жүгөрү талааларынын жанындагы бадалдарга жана канализациянын кудуктарына ыргытып турганы айтылган.

Учурда полиция анын шериктери бар-жогун териштирип жатканы кабарланды.

Басылма Кенияда өткөн жылы 242 бала жоголгондугун жазган. Булардын көбү ата-энесине аман-эсен кайтарылса, тилекке каршы, 10 баланын сөөгүн табышкан. Ал эми 18 бала дайынсыз боюнча калган.

2785
Белгилер:
кан, полиция, өлүм, бала, Кения
Тема боюнча
Ошто айылдашын сабап өлтүрдү делген киши кармалды
Чүйдө 34 жаштагы киши 73 жаштагы энесин өлтүрүүгө шектелип жатат
 Khaled Alkhateb International Memorial Awards эл аралык сыйлыгы. Архив

RT Халед аль-Хатыб 2021 эл аралык сыйлыгына арыздарды кабыл ала баштады

22
(жаңыланган 22:10 30.07.2021)
Khaled Alkhateb International Memorial Awards — 2021 сыйлыгынын жеңүүчүлөрү 200 миң рублдан алышары айтылды.

БИШКЕК, 30-июл. — Sputnik. RT телеканалы жыл сайын өтүүчү Khaled Alkhateb International Memorial Awards эл аралык сыйлыгына арыздарды кабыл ала баштады. Бул тууралуу аталган маалымат булагы расмий сайтына чыгарды.

Эл аралык премия чыр-чатактуу аймактардагы окуяларды мыкты чагылдырган журналисттерге берилет. Сыйлык 2017-жылы 30-июлда Сирияда каза болгон журналист, RT Arabic менен кызматташкан Халед аль-Хатыбдын ысымына арналып уюштурулган. Иш-чара быйыл төртүнчү ирет өтөт.

Эл аралык сыйлык төмөнкү категориялар боюнча ыйгарылат:

  • "Чыр-чатактуу аймакты чагылдырган мыкты эмгек: текст";
  • "Чыр-чатактуу аймакты чагылдырган мыкты эмгек: видео";
  • "Согуштан кийин: согушту баштан кечирип, тынч жашоого кайткан адамдардын, бүтүндөй элдин тагдыры жөнүндө текст/видео". Бул номинация быйыл алгачкы ирет сунушталып жатат.

Khaled Alkhateb International Memorial Awards — 2021 сыйлыгынын жеңүүчүлөрүнө 200 миң рублдан берилет.

Сынакка катышууну каалагандар https://award.rt.com сайтына арыз жөнөтүшү керек. Жеңүүчүлөрдүн ысымдары 30-ноябрда жарыяланат.

Алгачкы жылдары сыйлык Ирак, Ирландия жана Сингапурдун журналисттерге ыйгарылган. Мыктыларды аныктоочу калыстар тобунун курамына чет элдик жана россиялык журналисттер кирген, алардын катарында Ирада Зейналова жана Евгений Поддубный бар.

2019-жылы байге үчүн 25 өлкөнүн өкүлдөрү ат салышкан.

Сирия, Ирак жана Ливиядагы согуштарды чагылдырган Россиянын, АКШнын, Италиянын жана Индиянын журналисттери сыйлыктын лауреаттары болушкан. 2020-жылы RT премиясын Россиянын, Сириянын жана Индиянын аскердик корреспонденттери алышкан.

RT телеканалы Khaled Alkhateb International Memorial Awards сыйлыгын RT Arabic менен кызматташкан 25 жаштагы журналист Халед аль-Хатыбдын ысымына арнап негиздеген. Ал 2017-жылы Сириянын Хомс провинциясындагы согушкерлердин ракеталык аткылоосунда курман болгон. Халед өз репортаждарында Сириянын өкмөттүк күчтөрү менен террорчулардын ортосундагы согушту чагылдырган. 2018-жылы Россиянын президенти Владимир Путин Халед аль-Хатыбды "Эрдик" же "Каармандыгы үчүн" медалы менен сыйлоо тууралуу жарлыкка кол койгон. Бул медаль маркум журналисттин ысымындагы сыйлык тапшырылган алгачкы салтанатта анын үй-бүлөсүнө берилген.

22
Белгилер:
сыйлык, телеканал, конкурс, Russia Today
Тема боюнча
Мэрия Бишкектеги мыкты медициналык жамааттарды аныктап, сыйлык берди

Жер чийген көйнөк, түркүн жоолук... Мусулман аялдарга мода көргөзмөсүнөн сүрөттөр

71
Татарстанда мусулман кыз-келиндери үчүн мода көргөзмөсү өттү. Иш-чарада тартылган кадрларды Sputnik Кыргызстандын сүрөт түрмөгүнөн көрүңүз.

Modest Fashion Day мода көргөзмөсү Эл аралык XII "Россия — Ислам дүйнөсү: KazanSummit" саммитинин алкагында өттү. Моделдер "Казань Экспо" борборунда подиумга чыгышты.

Modest Fashion багыты маданият, стиль, сулуулуктан тышкары өзүнө ислам баалуулуктарын камтыйт. Тикмечилер эл алдына жер чийген адеми көйнөктөрдү, хиджаб, жоолук сыяктуу аялдардын көркүн ачкан кийимдерди алып чыгышты.

Ушул тапта Казань шаарында Эл аралык XII "Россия — Ислам дүйнөсү: KazanSummit" саммити өтүп жатат. Быйыл ага 70 мамлекеттен келген 4 миңдей адам катышууда. Анда бизнес, маданият, илим жана медицина тармактарында кызматташуу боюнча сүйлөшүүлөр жүргүзүлүүдө.

"Россия — Ислам дүйнөсү: KazanSummit" — Россия менен ислам мамлекеттеринин экономикалык байланышын бекемдей турган аянтча.

71
  • © Sputnik / Maksim Bogodvid

    Татарстанда мусулман кыз-келиндери үчүн мода көргөзмөсү өттү

  • © Sputnik / Maksim Bogodvid

    Modest Fashion Day мода көргөзмөсү Эл аралык XII "Россия — Ислам дүйнөсү: KazanSummit" саммитинин алкагында болду

  • © Sputnik / Maksim Bogodvid

    Моделдер "Казань Экспо" борборунда подиумга чыгышты

  • © Sputnik / Maksim Bogodvid

    Modest Fashion багыты маданият, стиль, сулуулуктан тышкары, өзүнө ислам баалуулуктарын камтыйт

  • © Sputnik / Maksim Bogodvid

    Подиумдагы аял

  • © Sputnik / Maksim Bogodvid

    Ачык түстөгү кийимдер кыз-келиндердин көркүн ачат

  • © Sputnik / Maksim Bogodvid

    Тикмечилер эл алдына жер чийген адеми көйнөктөрдү, хиджаб, жоолук сыяктуу аялдардын көркүн ачкан кийимдерди алып чыгышты

  • © Sputnik / Maksim Bogodvid

    Подиумга моделдер түркүн-түрлүү жоолуктарды салынып чыгышты

  • © Sputnik / Maksim Bogodvid

    Иш-чара Татарстандын Улуттук мода палатасынын колдоосу менен өттү

  • © Sputnik / Maksim Bogodvid

    Ушул тарта Казань шаарында Эл аралык XII "Россия — Ислам дүйнөсү: KazanSummit" саммити өтүп жатат

  • © Sputnik / Maksim Bogodvid

    Жоолукчан модель

  • © Sputnik / Maksim Bogodvid

    Быйыл ага 70 мамлекеттен келген 4 миңдей адам катышууда

  • © Sputnik / Maksim Bogodvid

    Modest Fashion Day көргөзмөсүнөн бир ирмем

  • © Sputnik / Maksim Bogodvid

    "Россия — Ислам дүйнөсү: KazanSummit" — Россия менен ислам мамлекеттеринин экономикалык байланышын бекемдей турган аянтча

Белгилер:
Россия, Татарстан, мода, көргөзмө, саммит
Тема боюнча
Туман арасынан суурулган сулуулар. Көлдөгү көчмөндөр модасынан 12 ирмем
Жол кырсыгынан талкаланган унаа. Архив

Унаанын таш-талканы чыккан. Боомдогу үрөй учурган жол кырсыктын видеосу

0
(жаңыланган 00:40 31.07.2021)
Жол кырсыгы кечке жуук катталган. Окуяда жапа чеккендер тууралуу маалыматтар айтыла элек. Милициянын Кайгуул кызматы толук маалыматты кийинчерээк берүүнү убадалады.

БИШКЕК, 31-июл. — Sputnik. Боом капчыгайында үрөй учурган жол кырсыгы катталды. Жеринен тартылган видеону “Короче” телеграмм-каналы чыгарды. 

Окуя кечке жуук болгон. Кызыл-кочкул түстөгү Daewoo Nexia үлгүсүндөгү унаа каршы тилкени бөлүп турган бетон тосмого урунган. Жапа чеккендер тууралуу маалыматтар айтыла элек.

Видеодо көрүнүп тургандай, жеңил унаанын таш-талканы чыгып, жараксыз болуп калган.

Кырсык Боом капчыгайынын Ысык-Көл облусунун аймагында болгонун ИИМдин Жол кыймылы коопсуздугун камсыздоо башкы башкармалыгы тастыктап, толугураак маалымат кийинчерээк берилерин билдирди.

0
Белгилер:
жол кырсык, Боом капчыгайы, милиция
Тема:
2021-жылдын башынан бери Кыргызстанда болгон жол кырсыктар
Тема боюнча
Ысык-Көлдө минивен аласалып кетти. Жеринен тартылган видео