Кулпунай. Архивдик сүрөт

Гастроэнтеролог жемиштердин пайда-зыяны тууралуу айтып берди

143
Адистин айтымында, бардык жер-жемиштерде кычкылтек көп болот. Бул ичеги-карын оорусу барларга залакасын тийгизиши мүмкүн.

БИШКЕК, 19-июл. — Sputnik. Врач-диетолог, гастроэнтеролог Марина Хорол RT телеканалына берген маегинде сезондук мөмө жана жер-жемиштин пайдасы тууралуу айтып берди.

Адистин жемиштерди белгилүү бир өлчөмдө гана жеп тим болбосо, кээ бир адамдарда көйгөй жаралышы ыктымалдыгын эскертти.

"Ичеги-карынды сезгентип албаш үчүн кулпунайды канча кааласаң, ошончо өлчөмдө гана жеш керек. Негизи бардык жер-жемиште жана кычкыл мөмө-жемиште кислота көп болот. Жемиштин кычкылы ичеги-карындын былжырлуу катмарына залакасын тийгизет. Аталган органы ооругандар муну эске алышы керек. Жашылчаларды жана мөмө-жемиштерди чийки жеген өтө пайдалуу. Бирок жоон ичегиси сезгенген жана аллергияга реакциясы бар адамдарга сунушталбайт. Албетте, адамдын саламаттыгы жайында болсо чийки жемиштерди жеп, витаминдердин ордун толуктап турганы жакшы", — деп айткан Хорол.

Ошондой эле дарыгер аллергиясы барларга жаңыдан сыгылган сок зыян экенин эскерткен.

143
Белгилер:
пайда, зыян, адис, жемиш, мөмө-жемиштер
Тема боюнча
Суусунду кандырып, тамакты сиңирет. Дарбыздын пайдасы тизмектелди
ДССУ аптаптуу ысыкта ичпей турчу суусундуктарды атады
Кыргызстандык оор атлетчи Бекдөөлөт Расулбеков. Архив

Оор атлетчи Бекдөөлөт Расулбеков Токиого жөнөп кетти. Сүрөт 

3
(жаңыланган 11:55 26.07.2021)
Расулбеков Бишкек убактысы боюнча 31-июль күнү саат 16:50дө беттешке чыгат. Ал күч сынашчу А тайпасында 10 оор атлетчи бар экени айтылды. 

БИШКЕК, 26-июл. — Sputnik. Кыргызстандык оор атлетчи Бекдөөлөт Расулбеков Олимпиада оюндарына катышуу үчүн Токио шаарына жөнөп кетти. Бул тууралуу Жаштар иши, дене тарбия жана спорт агенттиги кабарлады.  

Спортчуну башкы машыктыруучусу Камбар Токтоналиев менен улук машыктыруучусу Өмүржан Молдодосов коштоп кеткен.  

Команданы аэропортко чейин Спорттун олимпиадалык түрлөрү боюнча дирекциясынын кызматкерлери узатып барышкан.  

Белгилей кетсек, Бекдөөлөт Расулбеков Бишкек убактысы боюнча 31-июль күнү саат 16:50дө беттешке чыгат. Жалпы 96 килограмм салмактык даражада 15 спортчу катышса, спортчунун А тайпасында 10 оор атлетчи бар.

3
Белгилер:
мелдеш, оор атлетика, Бакдөөлөт Расулбеков, олимпиада, Токио
Тема:
2021-жылы Токиодо өтө турган Олимпиада оюндары
Тема боюнча
Олимпиада: кыргызстандык Петров фехтованиеде экинчи турда утулуп калды. Видео  
КР спортчулары Олимпиаданын ачылышына бет капсыз чыкканы боюнча комитет үн катты  
Барселонадагы көчөлөрдүн биринде илинип турган сүрөт. Архивдик сүрөт

Окумуштуулар: COVID менен ооруган адамдардын интеллект деңгээли төмөндөйт

11
(жаңыланган 11:46 26.07.2021)
Улуу Британиялык окумуштуулар COVID-19га чалдыккан адамдын акылы кайтарылгыс деңгээлде төмөндөй турганын тастыкташты.

БИШКЕК, 26-июл. — Sputnik. Лондондогу Империялык колледждин жана Кембридж университетинин окумуштуулары COVID-19 илдетинен жабыркаган бейтаптардын интеллект деңгээли олуттуу төмөндөгөнүн аныкташкан. Бул тууралуу эл аралык басылмаларга таянып Sputnik Казакстан жазды.

Алар 81 337 кишини катыштырып тажрыйба жүргүзүшкөн. Анын 12 689у COVID-19дун ар кандай формасы менен ооруган. Аң-сезимдин мүмкүнчүлүктөрүнүн аспектилерин өлчөө максатында тесттик тапшырма даярдалган. Натыйжада ооруга чалдыккандардын көпчүлүгү, анын ичинде жеңил түрү менен сыркоологондор да вирус жукпагандарга караганда тапшырмаларды аткарууда кыйналышкан. Айрыкча, аргументтерди жана пландоо көндүмдөрүн талап кылган маселелерди чече алышкан эмес.

Мындан тышкары, узакка созулган COVID-19дун симптомдору катары "мээдеги башаламандык", ойду бир жерге топтой албагандык аталды.

Психиканын бузулушунун олуттуулугу бир жагынан оорунун күчтүүлүгүнө байланыштуу болгон. Жасалма дем алдыруучу аппаратка туташтырылышы керек болгон бейтаптарда эң чоң кыйынчылыктар аныкталган. Тагыраагы, алардын аң-сезиминин деңгээли жети пунктуга төмөндөгөн. Мындай көрүнүш инсультка кабылып, бир нерсени үйрөнүүгө жөндөмү жок болуп калгандарда да байкалган эмес.

Ошондой эле окумуштуулар таанып-билүү жөндөмүнүн төмөндөшү менен вирус жуккандан бери өткөн убакыттын ортосундагы байланыштын бар-жогун текшеришкен. Натыйжада эч кандай байланыш байкалбай, COVID-19 орду толгус кесепеттерге алып келет деген бүтүмгө келишкен.

Буга чейин Берлиндеги Charite университетинин клиникасынын биологдору SARS-CoV-2 адамдын мээсине жыт сезүүчү былжыр челиндеги нерв клеткалары аркылуу кирерин аныкташкан. Бул адамдагы баш оору, чарчоо жана "мээдеги башаламандык" сезими сыяктуу неврологиялык көйгөйлөргө алып келет.

11
Белгилер:
окумуштуулар, интеллект, илдет, коронавирус
Тема:
Дүйнөгө жайылган коронавирус
Тема боюнча
Коронавируска каршы күнү-түнү эмдеген пунктулардын дареги
Коронавирус адамды бат карытат. Процессти кантип жайлатуу керек
Коронавирус дагы 12 кишинин өмүрүн алды. 26-июлдун статистикасы