Токио Олимпиадасы. Архивдик сүрөт

Токио Олимпиадасында COVID илдетине чалдыккан 9 жаңы учур катталды

177
1-июлдан бери Токиодо Олимпиадага тиешеси бар чет өлкөлүктөрдөн жана япониялыктардан жалпысынан оору жуктурган 67 учур катталган.

БИШКЕК, 20-июл. — Sputnik. Токиодогу Олимпиада оюндарында коронавируска чалдыккан дагы тогуз учур катталды. Бул тууралуу Р-Спорт маалымат булагы жазды. 

Токио Олимпиадасы 23-июлда башталып, 8-августта жыйынтыкталат. Дүйшөмбү күнү Kyodo агенттиги АКШлык гимнастика боюнча спортчу кыз Япониядагы машыгуу лагеринде тапшырган тестинде коронавирус илдети аныкталганын жазган. Спортчу кыздын ысымы айтылган эмес.

17-июлдан 19-июлга чейин алынган ПЦР-тесттердин жыйынтыгы менен коронавирус аныкталган дагы тогуз учур катталды.

Илдетке кабылган атлеттин кайсы өлкөнүн өкүлү экени айтыла элек. Мындан сырткары, Японияга келген командалардын биринин персоналынан, бир жергиликтүү ыктыярчыдан жана Олимпиадада иштеген алты жергиликтүү подрядчыдан оору табылган. 1-июлдан бери Токиодо Олимпиадага тиешеси бар чет өлкөлүктөрдөн жана япониялыктардан жалпысынан 67 учур катталган. Ошондой эле Токионун сыртында жайгашкан машыгуу лагеринде төрт спортчу жана персоналдан илдеттин белгилери аныкталган.

177
Белгилер:
Токио, олимпиада, коронавирус
Тема:
2021-жылы Токиодо өтө турган Олимпиада оюндары (202)
Тема боюнча
COVID: бир суткада 1 291 жаңы учур катталды. Статистика

Устат Изабеков Токиодо намыска жараган кыздарын канатына калкалап... Фотофакт

5
(жаңыланган 19:17 05.08.2021)
XXXII жайкы Олимпиададан күмүш медаль уткан Айсулуу Тыныбекова мелдештен кийин Токио шаарында түшкөн сүрөтүн Facebook баракчасына чыгарды.
XXXII жайкы Олимпиададан күмүш медаль уткан Айсулуу Тыныбекова, коло медаль алган Мээрим Жуманазарова жана алардын машыктыруучсу Нурбек Изабеков
© Фото / Нурпери Садырбекова

Анын ичинен коло медаль алган Мээрим Жуманазарова жана машыктыруучу Нурбек Изабеков үчөөнүн сүрөтү көпчүлүктү суктандырууда. Жаңы тарыхты жазган балбандар устатын ортого алып, ал эми Изабеков кыздарын канатына калкалап түшкөн.

Тыныбекова кечээ Токио Олимпиадасында кыз-келиндер күрөшү боюнча финалдык беттеште бир упайлык айырма менен жеңилип экинчи орунду ээлеген. Ал эми Жуманазарова Кыргызстандын куржунун коло медаль менен толтурду. Муну менен алар эгемен тарыхта кыз-келиндер арасында Олимпиададан медаль алган алгачкы спортчу болуп калышты.

Токио шаарындагы XXXII жайкы Олимпиада 23-июлда башталган. Олимп оюндары 8-августта аяктайт.

5
Белгилер:
Айсулуу Тыныбекова, Нурбек Изабеков, Мээрим Жуманазарова
Тема:
2021-жылы Токиодо өтө турган Олимпиада оюндары (202)
Тема боюнча
Олимпиада: эркин күрөш балбаны Эрназар Акматалиев индиялык спортчу менен кармашат
Олимпиада: Кыргызстан медаль боюнча Борбор Азияда алдыңкы сапка чыкты
Айаал Лазарев Олимпиаданын коло байгеси үчүн таймашат
Кыргызстандык балбан кыздар Олимпиададан эки медаль менен кайтты. Сүрөт
Бангладештик Рафид Ясардын Бактылуу фермер сүрөтү. Архив

Стенин атындагы сынакта онлайн добуш берүү боюнча жеңүүчү аныкталды

12
(жаңыланган 18:37 05.08.2021)
Сынактын максаты — жаш фотографтарды колдоо, бүгүнкү күндөгү фотожурналистиканын көйгөйлөрүнө коомчулуктун көңүлүн буруу.

БИШКЕК, 5-авг. — Sputnik. Андрей Стенин атындагы эл аралык фотожурналистика сынагынын баштапкы жыйынтыгы чыгып, интернет-колдонуучулардын сүймөнчүгүнө бангладештик Рафид Ясар ээ болду. Ал сынакка "Бактылуу фермер" аттуу эмгегин жөнөткөн.

Сүрөттө түстүү капустанын түшүмүн жыйнап, ага кубанып турган фермер көрсөтүлгөн. Бул кадрга интернет-колдонуучулардын дээрлик 25 пайызы "мыкты" деп добуш берген. Сүрөтчү элдин ишеними ага күч берип, өзү кыялданып жүргөн режиссерлук кесипке жетем деп ишенүүдө.

Фотография Счастливый фермер Рафида Ясара из Бангладеша признана лучшим снимком на международном конкурсе фотожурналистики имени Андрея Стенина
© Фото / Stenincontest / Рафид Ясар
Андрей Стенин атындагы эл аралык фотожурналистика сынагынын баштапкы жыйынтыгы чыгып, интернет-колдонуучулардын сүймөнчүгүнө бангладештик Рафид Ясар ээ болду. Ал сынакка "Бактылуу фермер" аттуу эмгегин жөнөткөн
"Элдик добуш берүү гран-при эмес экенин түшүнөм. Бирок ар бир добуш - мен үчүн сыймык. Бул сынакта менчелик жеңишке жеткиси келген адам барбы, билбейм. Эң күчтүүсү жеңсин", — деди ал. 

Сентябрь айынын аягында Стенин атындагы сынактын жыйынтыгы чыгып, гран-при тапшыруу аземи онлайн-форматта өтөт. Уюштуруучулар жылдын соңуна чейин жеңүүчүлөрдүн эмгектерин дүйнөлүк турнеге алып чыгууну пландоодо.

Сынак тууралуу

"Россия сегодня" эл аралык маалымат агенттиги негиздеп, Россиянын ЮНЕСКО иштери боюнча комиссиясынын колдоосу менен өтүп келген Андрей Стенин атындагы эл аралык фотожурналистика сынагынын максаты — жаш фотографтарды колдоо, бүгүнкү күндөгү фотожурналистиканын көйгөйлөрүнө коомчулуктун көңүлүн буруу. Бул таланттуу, сезимтал, алдыга умтулган жаш сүрөтчүлөр үчүн мыкты аянтча.

Быйыл башкы маалыматтык өнөктөш Вести.Ru порталы, "Россия-Культура" жана "Москва 24" телеканалдары болду.

Ошондой эле Sputnik маалымат агенттиги жана радиосу, Askanews маалымат агенттиги, Independent Media медиахолдинги, ANA маалымат агенттиги, RT телеканалы жана порталы, Shanghai United Media Group (SUMG), China Daily гезитинин интернет-порталы, The Paper интернет-порталы, Al Mayadeen медиатүйүнү, Prensa Latina, DBW интернет-порталы жана Telam маалымат агенттиги өнөктөш болду.

12
Белгилер:
Россия, сүрөт, сынак, жыйынтык, жеңүүчү
Тема боюнча
Көргөнгө татыйт! Стенин атындагы сынактагы эң мыкты эмгектер