Аюу. Архивдик сүрөт

Челек кийип, бактын башында "сейилдеген" аюуну аман алып калган видео

153
Колорадо штатындагы жаратылышты коргоо уюмунун кызматкерлери бир жаштагы аюуну бир топ түйшүк менен бактын башынан алып түшүп, өлүмдөн алып калды.

БИШКЕК, 21-июл. — Sputnik. "National Geographic Россия" сайтынын маалыматына караганда, Боулдер шаарынан алыс эмес токойдо башына челек кийгизилип калган аюунун баласы жүргөнүн ошол тегеректе жашаган тургундар тийиштүү жерге кабарлашкан.

​Алар жаныбардын мындай абалда 20 күндөн ашык жүргөнүн, бир нече күндөн бери ачка болушу да мүмкүндүгүн айтышкан. Эл колунда атайын жабдуулар жок болгондуктан аюуга жардам бере албай тургандыктарын кошумчалаган.

​Маалымат түшкөндөн кийин Colorado Parks and Wildlife уюмунун кызматкерлери барып, башына капталган челеги менен кошо бактын чокусуна чыгып кеткен аюунун баласын түйшүк менен жерге түшүргөн.

Видеодон шыбырт чыккан сайын жаш аюу челеги менен дарактын башын көздөй тырмышып, өйдөлөп жатканын көрүүгө болот. Акыры куткаруучулар уктатуучу дары сайып жерге түшүрүп, мойнуна кийилип калган челекти бир топ машакат менен кесип, бошотушкан.

Аталган уюмдун кызматкерлери бир жаштагы бул ургаачы аюу эл жашаган жерге жакындап, тоок сарайга кирип, ал жерден "чакалуу" болуп чыкканын боолголошту. Куткаруучулар жергиликтүү тургунду оокат-жайын кароосуз калтырбоону, аюуларды токойдон чыгып келип азык таап жеп кеткен адатка көндүргөндөн алыс болууну суранды.

Кадрдан бир нече киши жашоосун кооптуулукка кептеген челектен куткаргандан кийин аюунун токойду көздөй чуркап кеткендигин көрүүгө болот.

153
Белгилер:
челек, куткаруучу, аюу, АКШ
Тема боюнча
Каарына карышкырлар чыдабай. Аюу жырткычтарды тамаксыз калтырды. Видео
Ысык-Көлдө аюу менен ак илбирстер коруктун тышына чыкты. Сүрөт
Шахта. Архивдик сүрөт

Тажикстан: Исфарадагы көмүр шахтасында жарылуу болду, каза тапкандар бар

37
(жаңыланган 00:28 25.07.2021)
Алдын ала берилген маалыматта, бир адамдын көз жумуп, дагы сегиз кишинин жарадар болгону айтылды.

БИШКЕК, 25-июл. — Sputnik. Тажикстандын Согду облусуна жакын жердеги Исфара көмүр шахтасында катуу жарылуу болгондугун Sputnik Тажикстан жазды. 

Кырсык Согду облусундагы Шураб аймагынын жанындагы кенде болгон.

"Шураб" шахтасындагы жарылуу газдын чыгышынан улам болгонун айтышты", — деди Исфара мэриясынын маалымат катчысы Зубайдулло Шомадов.

Алдын ала берилген маалыматка таянсак, бир адам каза таап, дагы сегиз киши жаракат алган.

Учурда кырсык болгон жерде Өзгөчө кырдаалдар комитетинин кызматкерлери, куткаруучулар жана дарыгерлердин жүргөнү айтылды.

Шураб кени Тажикстандын түндүгүндөгү эң ири кендердин бири. Ал Түркстан кырка тоолорунун этегинде жайгашкан. Бул жерден алынган көмүрдү негизинен медициналык жана билим берүү жайлары колдонот. Бийликтин билдиргенине караганда, мындай кырсык ондогон жылдардан бери болгон эмес.

37
Белгилер:
жарылуу, шахта, көмүр, Тажикстан
Тема боюнча
Дубайда катуу жарылуу болду. Видео
Кабул шаары. Архивдик сүрөт

Афганистандын дээрлик бардык аймагына коменданттык саат киргизилди

40
(жаңыланган 23:13 24.07.2021)
Маалыматта коменданттык сааттын болгону үч — Кабул, Нангархар жана Панжшер провинцияларына тийиштүү эмес экендиги айтылган.

БИШКЕК, 24-июл. — Sputnik. Афганистан бийлиги "Талибан" кыймылынын аракеттерин кармап туруу үчүн 34 провинциянын ичинен 31ине коменданттык саат киргизди. Бул тууралуу РИА Новости Tolo News телеканалына шилтеме кылып кабарлады.

Телеканал Афганистан ИИМ жетекчилигине таянып кабарлаган. Маалымат булагынын айтымына караганда, талиптердин кыймылын ооздуктаганга аракет кылган бул чектөө жергиликтүү убакыт боюнча 22.00дөн таңкы 04.00гө чейин киргизилген.

Маалыматта коменданттык саат болгон үч - Кабул, Нангархар жана Панжшер провинцияларына тийиштүү эмес экендиги айтылган.

Ал арада РИА Новостинин соңку маалыматтарында, Пакистан аскерлери "Талибан" көзөмөлгө алган Афганистандын аймагы – Кандагарга киргенин айтылды.

Афганистандын RTA телекомпаниясы Кандагардын Назар деп аталган коопсуздук постунан тартылды деген видеону тараткан.

Эске салсак, бүгүн Россия лидери Владимир Путин да Өзбекстан, Казакстандын президенттери менен Афганистандагы абалдын Борбор Азияга таасирин талкуулаган.

Афганистанда өкмөттүк күчтөр менен "Талибан" кыймылынын ортосунда тирешүү жүрүп келет. Согушкерлер өлкөнүн айыл жерлериндеги көптөгөн аймактарын ээлеп, чоң шаарларга кол салууда.

Афганистандагы саясий туруксуз абал АКШ администрациясы 11-сентябрга чейин афган жеринен аскерлерди чыгарып кетүү убадасынан кийин курчуп жатат.

Өткөн жылдын сентябрында Катар өлкөсүндө афгандардын сүйлөшүүлөрү башталган. Бирок дээрлик он ай убакыт өтсө да тараптар жолугушуунун күн тартибин аныктай элек. Тараптар өкмөттүк күчтөр менен "Талибан" кыймылынын ортосундагы согушту токтотуу боюнча орток пикирге келе албай жатышат.

40
Белгилер:
коменданттык саат, Өзбекстан, Казакстан, Россия, Пакистан, Афганистан
Тема:
Афган бийлиги менен талибдердин тиреши
Тема боюнча
Тажикстан Афганистандан 100 миң качкын кабыл алууга даяр экенин айтууда
Рахмон армиясын текшерип, тажик-афган чек арасына 20 миң аскер жөнөттү
Афганистандагы согуш Борбордук Азияны көздөй "жылууда". Опкоолжуткан фактылар
Путин Өзбекстан, Казакстан президенттери менен афган кооптуулугун талкуулады