Афганистандын Улуттук полиция кызматкери көзөмөлдөө пунктунда. Архивдик сүрөт

Афганистан көйгөйү: борбор азиялыктарды азгыруу күчөп, баңгизат өндүрүшү рекорд койду

1398
(жаңыланган 13:56 22.07.2021)
Террорчулардун Жакынкы Чыгыштагы жана Африканын түндүгүндөгү согуш болгон жерлерден курал кармагандарды Афганистанга тартып жатканы айтылды.

БИШКЕК, 22-июл. — Sputnik. Афганистандын түндүк жактагы провинциялары согуш оту тутанган жерлерге тездик менен айланып бара жатат. Бул туурасында Россия ТИМ жетекчисинин орун басары Андрей Руденко айтканын РИА Новости жазды.

"Талибдер Тажикстан менен чектешкен жерлерди өздөрүнүн көзөмөлүнө толук алышты. Эл аралык террордук "Ислам мамлекети", "Аль-Каида" сыяктуу уюмдардын бөлүктөрү өз позицияларын бекемдеп жатышат", — деген ал маегинде.

Аны менен катар эле террорчулар Жакынкы Чыгыштагы жана Африканын түндүгүндөгү согуш болгон жерлерден курал кармагандарды Афганистанга тартып жатышат.

"Борбор Азия өлкөлөрүнөн чыккандарды өзүнүн катарына киргизип алуу үчүн азгыруу иштери учурда өтө активдүү жүрүп жатат. Баңгизат өндүрүшү рекорддук көрсөткүчкө жетти", — деп абалды сүрөттөп берген Руденко.

Дипломат Афганистанда азыр жүрүп жаткан процесс Борбор Азияга түздөн-түз кооптуулук жаратат деп эсептейт.

"Коңшулардын тиешелүү кооптонууларын билип турабыз . Кооптуулук жараткан бул тобокелдиктердин кесепетин азайтуу үчүн ийиндеше алып барууну колдоого алуу маанилүү экени белгиленди. Тагыраагы, бул Россия менен Борбор Азия мамлекеттеринин ТИМ жетекчилеринин 16-июлдагы IV жолугушуусунда талкууланып, анын соңунда биргелешкен билдирүү кабыл алынды", — деп айтып берген.

Руденко жогорудагы кооптуулуктардын жана туруксуздуктун жаралышына, согуш отунун тутанышына америкалык контингенттин Афганистандан шашылыш чыгарылып кетиши болду деп эсептээрин билдирди.

Афганистанда өкмөттүк күчтөр менен "Талибан" кыймылынын ортосунда тирешүү жүрүп келет. Согушкерлер өлкөнүн айыл жерлериндеги көптөгөн аймактарын ээлеп, чоң шаарларга кол салууда.

* "Талибан" – Россияда жана башка бир катар мамлекеттерде тыюу салынган уюм.

1398
Белгилер:
'Талибан' кыймылы, баңгизат, Борбордук Азия, Жакынкы Чыгыш, Тажикстан, Россия, Афганистан
Тема:
Афган бийлиги менен талибдердин тиреши (53)
Тема боюнча
Талибдер мекенчил эмес, Пакистандын жалданма согушкерлери
Россиянын танкалары Афганистандын чек арасына жакын жерде машыгууда жүрөт
Оордугунан жер майышып. Афганистанга чукул машыккан россиялык танкалардын видеосу
 Khaled Alkhateb International Memorial Awards эл аралык сыйлыгы. Архив

RT Халед аль-Хатыб 2021 эл аралык сыйлыгына арыздарды кабыл ала баштады

22
(жаңыланган 22:10 30.07.2021)
Khaled Alkhateb International Memorial Awards — 2021 сыйлыгынын жеңүүчүлөрү 200 миң рублдан алышары айтылды.

БИШКЕК, 30-июл. — Sputnik. RT телеканалы жыл сайын өтүүчү Khaled Alkhateb International Memorial Awards эл аралык сыйлыгына арыздарды кабыл ала баштады. Бул тууралуу аталган маалымат булагы расмий сайтына чыгарды.

Эл аралык премия чыр-чатактуу аймактардагы окуяларды мыкты чагылдырган журналисттерге берилет. Сыйлык 2017-жылы 30-июлда Сирияда каза болгон журналист, RT Arabic менен кызматташкан Халед аль-Хатыбдын ысымына арналып уюштурулган. Иш-чара быйыл төртүнчү ирет өтөт.

Эл аралык сыйлык төмөнкү категориялар боюнча ыйгарылат:

  • "Чыр-чатактуу аймакты чагылдырган мыкты эмгек: текст";
  • "Чыр-чатактуу аймакты чагылдырган мыкты эмгек: видео";
  • "Согуштан кийин: согушту баштан кечирип, тынч жашоого кайткан адамдардын, бүтүндөй элдин тагдыры жөнүндө текст/видео". Бул номинация быйыл алгачкы ирет сунушталып жатат.

Khaled Alkhateb International Memorial Awards — 2021 сыйлыгынын жеңүүчүлөрүнө 200 миң рублдан берилет.

Сынакка катышууну каалагандар https://award.rt.com сайтына арыз жөнөтүшү керек. Жеңүүчүлөрдүн ысымдары 30-ноябрда жарыяланат.

Алгачкы жылдары сыйлык Ирак, Ирландия жана Сингапурдун журналисттерге ыйгарылган. Мыктыларды аныктоочу калыстар тобунун курамына чет элдик жана россиялык журналисттер кирген, алардын катарында Ирада Зейналова жана Евгений Поддубный бар.

2019-жылы байге үчүн 25 өлкөнүн өкүлдөрү ат салышкан.

Сирия, Ирак жана Ливиядагы согуштарды чагылдырган Россиянын, АКШнын, Италиянын жана Индиянын журналисттери сыйлыктын лауреаттары болушкан. 2020-жылы RT премиясын Россиянын, Сириянын жана Индиянын аскердик корреспонденттери алышкан.

RT телеканалы Khaled Alkhateb International Memorial Awards сыйлыгын RT Arabic менен кызматташкан 25 жаштагы журналист Халед аль-Хатыбдын ысымына арнап негиздеген. Ал 2017-жылы Сириянын Хомс провинциясындагы согушкерлердин ракеталык аткылоосунда курман болгон. Халед өз репортаждарында Сириянын өкмөттүк күчтөрү менен террорчулардын ортосундагы согушту чагылдырган. 2018-жылы Россиянын президенти Владимир Путин Халед аль-Хатыбды "Эрдик" же "Каармандыгы үчүн" медалы менен сыйлоо тууралуу жарлыкка кол койгон. Бул медаль маркум журналисттин ысымындагы сыйлык тапшырылган алгачкы салтанатта анын үй-бүлөсүнө берилген.

22
Белгилер:
сыйлык, телеканал, конкурс, Russia Today
Тема боюнча
Мэрия Бишкектеги мыкты медициналык жамааттарды аныктап, сыйлык берди

Жер чийген көйнөк, түркүн жоолук... Мусулман аялдарга мода көргөзмөсүнөн сүрөттөр

71
Татарстанда мусулман кыз-келиндери үчүн мода көргөзмөсү өттү. Иш-чарада тартылган кадрларды Sputnik Кыргызстандын сүрөт түрмөгүнөн көрүңүз.

Modest Fashion Day мода көргөзмөсү Эл аралык XII "Россия — Ислам дүйнөсү: KazanSummit" саммитинин алкагында өттү. Моделдер "Казань Экспо" борборунда подиумга чыгышты.

Modest Fashion багыты маданият, стиль, сулуулуктан тышкары өзүнө ислам баалуулуктарын камтыйт. Тикмечилер эл алдына жер чийген адеми көйнөктөрдү, хиджаб, жоолук сыяктуу аялдардын көркүн ачкан кийимдерди алып чыгышты.

Ушул тапта Казань шаарында Эл аралык XII "Россия — Ислам дүйнөсү: KazanSummit" саммити өтүп жатат. Быйыл ага 70 мамлекеттен келген 4 миңдей адам катышууда. Анда бизнес, маданият, илим жана медицина тармактарында кызматташуу боюнча сүйлөшүүлөр жүргүзүлүүдө.

"Россия — Ислам дүйнөсү: KazanSummit" — Россия менен ислам мамлекеттеринин экономикалык байланышын бекемдей турган аянтча.

71
  • © Sputnik / Maksim Bogodvid

    Татарстанда мусулман кыз-келиндери үчүн мода көргөзмөсү өттү

  • © Sputnik / Maksim Bogodvid

    Modest Fashion Day мода көргөзмөсү Эл аралык XII "Россия — Ислам дүйнөсү: KazanSummit" саммитинин алкагында болду

  • © Sputnik / Maksim Bogodvid

    Моделдер "Казань Экспо" борборунда подиумга чыгышты

  • © Sputnik / Maksim Bogodvid

    Modest Fashion багыты маданият, стиль, сулуулуктан тышкары, өзүнө ислам баалуулуктарын камтыйт

  • © Sputnik / Maksim Bogodvid

    Подиумдагы аял

  • © Sputnik / Maksim Bogodvid

    Ачык түстөгү кийимдер кыз-келиндердин көркүн ачат

  • © Sputnik / Maksim Bogodvid

    Тикмечилер эл алдына жер чийген адеми көйнөктөрдү, хиджаб, жоолук сыяктуу аялдардын көркүн ачкан кийимдерди алып чыгышты

  • © Sputnik / Maksim Bogodvid

    Подиумга моделдер түркүн-түрлүү жоолуктарды салынып чыгышты

  • © Sputnik / Maksim Bogodvid

    Иш-чара Татарстандын Улуттук мода палатасынын колдоосу менен өттү

  • © Sputnik / Maksim Bogodvid

    Ушул тарта Казань шаарында Эл аралык XII "Россия — Ислам дүйнөсү: KazanSummit" саммити өтүп жатат

  • © Sputnik / Maksim Bogodvid

    Жоолукчан модель

  • © Sputnik / Maksim Bogodvid

    Быйыл ага 70 мамлекеттен келген 4 миңдей адам катышууда

  • © Sputnik / Maksim Bogodvid

    Modest Fashion Day көргөзмөсүнөн бир ирмем

  • © Sputnik / Maksim Bogodvid

    "Россия — Ислам дүйнөсү: KazanSummit" — Россия менен ислам мамлекеттеринин экономикалык байланышын бекемдей турган аянтча

Белгилер:
Россия, Татарстан, мода, көргөзмө, саммит
Тема боюнча
Туман арасынан суурулган сулуулар. Көлдөгү көчмөндөр модасынан 12 ирмем
Жол кырсыгынан талкаланган унаа. Архив

Унаанын таш-талканы чыккан. Боомдогу үрөй учурган жол кырсыктын видеосу

0
(жаңыланган 00:40 31.07.2021)
Жол кырсыгы кечке жуук катталган. Окуяда жапа чеккендер тууралуу маалыматтар айтыла элек. Милициянын Кайгуул кызматы толук маалыматты кийинчерээк берүүнү убадалады.

БИШКЕК, 31-июл. — Sputnik. Боом капчыгайында үрөй учурган жол кырсыгы катталды. Жеринен тартылган видеону “Короче” телеграмм-каналы чыгарды. 

Окуя кечке жуук болгон. Кызыл-кочкул түстөгү Daewoo Nexia үлгүсүндөгү унаа каршы тилкени бөлүп турган бетон тосмого урунган. Жапа чеккендер тууралуу маалыматтар айтыла элек.

Видеодо көрүнүп тургандай, жеңил унаанын таш-талканы чыгып, жараксыз болуп калган.

Кырсык Боом капчыгайынын Ысык-Көл облусунун аймагында болгонун ИИМдин Жол кыймылы коопсуздугун камсыздоо башкы башкармалыгы тастыктап, толугураак маалымат кийинчерээк берилерин билдирди.

0
Белгилер:
жол кырсык, Боом капчыгайы, милиция
Тема:
2021-жылдын башынан бери Кыргызстанда болгон жол кырсыктар
Тема боюнча
Ысык-Көлдө минивен аласалып кетти. Жеринен тартылган видео