Афганистандын жоокери. Архив

Талибдер Афганистандагы экинчи ири шаар Кандагарды басып алды

110
(жаңыланган 10:48 13.08.2021)
Талибдер Афганистандын айрым аскерлери багынып берсе, кээ бири качып кеткенин билдирген. Согушкерлердин колуна шаардагы калган курал-жарак, ок-дары, транспорт каражаттары өткөнү белгилүү болду.

БИШКЕК, 13-авг. — Sputnik. "Талибан" кыймылынын согушкерлери Афганистанда калкынын саны жана аймагы боюнча экинчи орунда турган Кандагар шаарын басып алды. Бул тууралуу РИА Новости кабарлады.

Жергиликтүү аткаминерлердин айтымында, согушкерлер Кандагарга бейшемби күнү кечинде кол салган. Жергиликтүү бийликтин өкүлдөрү жана анын айланасындагылар аймакты таштап кетүү үчүн аэропортко качышкан. Шаарды басып алгандыгын талибдер да кабарлашкан.

Радикалдык кыймыл губернатордун кеңсеси, коопсуздук күчтөрүнүн штабы жана башка мекемелерди алганын билдирген. Алардын маалыматы боюнча, Афганистандын айрым аскерлери багынып берсе, кээ бири качып кеткен. Талибдердин колуна шаардагы калган курал-жарак, ок-дары, транспорт каражаттары өткөнү белгилүү болду.

Эскерте кетсек, июнь айынан бери Афганистанда өкмөттүк күчтөр менен "Талибан" кыймылынын ортосунда тирешүү жүрүп келет. Согушкерлер өлкөнүн айыл жерлериндеги көптөгөн аймактарын ээлеп, чоң шаарларга кол салууда.

Афганистандагы абал АКШ администрациясы 11-сентябрга чейин афган жеринен аскерлерди чыгарып кетүү убадасынан кийин курчуп жатат.

110
Белгилер:
Афганистан, 'Талибан' кыймылы, басып алуу, согушкер, Кандагар
Тема:
Афган бийлиги менен талибдердин тиреши (281)
Тема боюнча
Иманкулов: Афганистандагы миңдеген согушкер бизди көздөй агылат
Талибдер түндүк провинцияларды ээлөөдө. Кабул менен Вашингтон кандай жооп берет?
Дарбазачыга гол кирип атат. Иллюстративдик сүрөт

Египетте гол киргенине катуу сүйүнгөн машыктыруучунун жүрөгү кармап каза болду

6
(жаңыланган 18:55 04.12.2021)
Көз жумган машыктыруучунун командасы чечүүчү голду киргизген. Клуб алты күндүк аза күтүү жарыялап, машыгуулар менен оюндарды жылдырган.

БИШКЕК, 4-дек. — Sputnik. Египетте гол киргенине катуу сүйүнгөн башкы машыктыруучунун жүрөгү кармап көз жумду. Бул тууралуу Gulf News басылмасы жазды. 

Посмотреть эту публикацию в Instagram

Публикация от نادي المجد السكندري (@almagdsportsclub)

Окуя Египеттин экинчи дивизионунун оюндарында болгон. "Аль-Мадж" клубу мелдештин 93-мүнөтүндө чечүүчү топту киргизип, оюнчулар менен машыктыруучулук штаб жеңишти майрамдаган. Бөтөнчө клубдун башкы машыктыруучусу Эль-Сельхедар маңдайы жарыла сүйүнгөн.

Оюн кайрадан уланган, көрүүчүлөрдүн көңүлүн эси ооп жыгылган машыктыруучу бурган. Ал жактагы медиктер көмөктөшүп, андан кийин Тез жардам кызматын чакырганы менен ооруканага жетпей көз жумган. Дарыгерлер жүрөгү токтоп калганын айтышкан. Ал 53 жашта болгон.

Клуб алты күндүк аза күтүү жарыялаган. Команда машыгууларын токтотуп, оюндарды жылдырган.

6
Белгилер:
Египет, футбол, оюн, машыктыруучу, өлүм
Тема боюнча
Нидерландда футбол фанаттары турган трибуна оюн учурунда урап түштү. Видео
Полиция кызматкери. Архивдик сүрөт

Москвада ок жеген кыргызстандык таксист: шектүү эки айга камалды

29
(жаңыланган 18:15 04.12.2021)
Маалыматка караганда, аткан киши окуя болгон жерден качып кеткен. Бирок полиция аны колго түшүрдү. Жергиликтүү ЖМКлар ал мурда дагы соттолгонун жазууда.

БИШКЕК, 4-дек. — Sputnik. Москвада кыргызстандык таксистке ок чыгарган айдоочу 3-февралга чейин камакка алынды. Бул тууралуу RT кабарлады.

Мындай чечим бүгүн кабыл алынган.

Бишкек шаарында асманды көздөй ок чыгарган уландын тапанчасы
© Фото / пресс-служба УВД Ленинского района Бишкека
Окуя Чоң Грузин көчөсүндө болгон. Алдын ала маалымат боюнча, таксист оң тарапта авариялык жарыкты жандырып турган. Ал жүргүнчүнү күтүп турушу мүмкүн экени айтылууда. Ал эми Cadillac Escalade унаасынын айдоочусу өтө албай калган. Мындан улам экөө айтыша кеткен. Натыйжада жолтандабастын айдоочусу тапанча менен таксистти көздөй бир нече ирет ок чыгарган.

Жабырлануучу 23 жаштагы Алманбет Абдрахманов учурда ооруканада.

Маалыматка караганда, аткан киши окуя болгон жерден качып кеткен. Бирок полиция аны колго түшүрдү.

РЕН ТВ телеканалынын маалыматына караганда, жолтандабастын айдоочусу Дмитрий Махалов мурда соттолгон. 2009-жылы ал уурулук боюнча кылмыш ишинин фигуранты болгон. Ага чейин эки жыл мурда мушташып жатып, каршылашын отвертканын формасындагы брелок менен төшкө сайганы айтылууда.

29
Белгилер:
Россия, Кыргызстан, таксист, кол салуу, шектүү, полиция
Тема боюнча
Москвада кыргызстандык таксистке ок атылды. Окуя видеого түшүп калган