Саясат таануучу жана публицист, Украинанын төрт президентинин мурдагы кеңешчиси, Жогорку раданын V чакырылышынын депутаты Дмитрий Выдрин. Архив

"Крым платформасы" пайдасыз саммит. Саясат таануучунун пикири

79
(жаңыланган 09:41 20.08.2021)
Украинада 24-августта көз карандысыздыктын 30 жылдыгы белгиленет. Андан бир күн мурун Киевде "Крым платформасы" саммити өтүп, Украинада Крымды кайтаруу маселеси талкууланмакчы.

Бул саясий саммиттен пайда чыгабы жана эмнеге жолугушууга Россияны чакырышкан жок? Ушул ойлордун тегерегинде саясат таануучу жана публицист, Украинанын төрт президентинин мурдагы кеңешчиси, Жогорку раданын V чакырылышынын депутаты Дмитрий Выдрин Sputnik агенттигине маек куруп берди.

Мааниси жок саммит

"Крым платформасын" кооз сөздөр жана декларациялардын гана топтому деп эсептейт биздин маектеш.

"Менин жаштыгымда платформа такалуу туфлилер мода болчу, кооз, бирок ыңгайсыз. Украина лидери Владимир Зеленский биринчи кезекте иш-чаранын кооздугуна басым жасады. Саммиттин өзү мазмунсуз", — дейт Дмитрий Выдрин.

"Бул саммитте материалдык же руханий, моралдык ресурстар менен бөлүшө турган катышуучулар болбойт. Эч ким бөлүшпөйт, бирок көйгөйдү бири-бирине түртөт. Ошондуктан саммит — бул кооз, бирок маңызсыз иш-чара. Эгер маңызы болбосо, демек, формасы да бош", — дейт Выдрин.

Сайран же карнавал

Украина ТИМ башчысы Дмитрий Кулеба "Крым платформасынын" түптөөчүсү катары Киевге 44 өлкө жана эл аралык уюмдар катышууну чечишкенин билдирген. Бирок Россия чакырылган мамлекеттердин тизмесинде жок.

Дмитрий Выдриндин пикиринде, РФ иш-чарага катыша турган болсо, жолугушуунун форматын өзгөртүүгө туура келмек.

"Ишке басым жасаган өлкөлөр бар, сөз менен чектелгендер да жок эмес. "Түндүк агым" боюнча кандайдыр оор негиздер тууралуу кеп козгой турган Россияны чакырышкан эмес. Ал эми мында сөз, убадаларда болуп көрбөгөндөй жеңилдик бар", — деп түшүндүрөт саясат таануучу.

Украина тарабынан демилгеленген кезигүүнү РФ тышкы иштер министри "Батыш азыркы украиналык бийликтин неонацисттик жана расисттик маанайын өрчүтүүнү уланта турган оюн-тамаша" деп баалаган. Sputnik агенттигинин маектеши саммитти карнавалга салыштырат.

Жек көрүүгө жасалган басым

Россиялык-украиналык алакалардын башка форматын түзүү аракети бөлүп-жарууга (дихоматияга) такалат деп санайт Выдрин.

"Россия эбегейсиз геосаясий масса катары тарыхы, лингвистикасы, генотиби бир адамдарды тартат. Бирок мындай эбегейсиз тартылуу коркунучунун айынан буга карама-каршы нерсени тартууга аракет кылган адамдар бар. Азырынча эки өлкө ортосуна чок салуудан, бирин экинчисине астыртан көкүтүүдөн бөлөк нерсе табыша элек. Жек көрүүгө түрткү болуудан башка алардын инструменти жок", — деген оюн билдирет саясат таануучу.

Эксперт Украина бул көйгөйдү аскердик жол менен чечүүгө барбайт. "Согуш — бул абдан чоң иш, жоготуулар жана кан төгүү. Украина назик, этият категориядагы өлкөлөргө кирет, тобокелдик камтылган чоң иштердин эч биринин жоопкерчилигин алгысы жок.

Коркутуулар болот, муштумун кезегендер чыгат, бирок согуш болбойт. Бир топ өлкөлөр бүгүн жек көрүү көз карандысыздыкты сактап калуунун, ал эми иш жүзүндө бабалардан калган мурасты сактоого тырышуу менен буйрук берип, тескеп жана уурдоого да жол ача турган соңку үмүткө айланып калды", - дейт саясат таануучу.

Маекти толугу менен "Sputnik на русском" YouTube каналынан көрүңүздөр.

79
Белгилер:
Украина, Россия, эгемендүүлүк, саммит, Крым, демилге, Батыш
Тема боюнча
Россиядан баш тартып Украина эмнеден утулду. Януковичтин кайрылуусу
Үмүтү таш каап... Оккупацияланган аймакта санаалаштарды сайга таштаган аракет
Тамеки чегип жаткан адам. Архив

Тамекинин түтүнү көзгө кандай зыян келтирерин окумуштуулар аныктап чыкты

81
Гифу университетинин окумуштууларынын айтымында, чылымдын түтүнү тарткандарга эле эмес, алардын жанында тургандардын да көзүнө кесепетин тийгизиши мүмкүн.

БИШКЕК, 18-окт. — Sputnik. Окумуштуулар тамекинин көзгө кандай зыян келтирерин жаңы иликтөөлөрүндө да аныктап чыккан. Бул туурасында Scientific Reports журналы жазган.

Чылымдын көздүн борбордук көрүүсүн камсыздаган фукциясына, глаукома менен катарактанын жаралышына таасирин тийгизери белгилүү. Мунун бардыгы көрүү органынын ички бөлүгүнө: эң ички челине, чечекейине, нервдерине тиешелүү.

Эми фармацевтикалык Гифу университетинин (Япония) окумуштуулары чылым көздүн сыртына, тагыраагы, түстүү челди жана каректи сыртынан каптап турган айнектей тунук челге зыянын тийгизерин аныктап чыгышкан.

"Бул көздүн коргоосуз болгон бөлүгү, көбүнчө айлана-тегеректеги нерселерден, химикаттардан, жарыктан жана инфекциялардан жабыркайт. Чылым чеккендер болжол менен алганда көздүн кургап кеткен синдромуна эки эсе көп кабылат. Көз кызарып жана суюктуксуз болот да, инфекцияларга туруштук бербей калат. Эгерде тамекинин түтүнү жана чылымдын ысыгандагысы айнек челге зыянын кандай тийгизгендигин аныктап алсак, анда аталган бөлүктү кантип ыңгайлуу кылып сактоонун жолун да табат элек", — деп айтып берген илимий изилдөөнүн автору Ватару Оцу.

Изилдөө түтүндүн курамындагы заттар айнек челдин сыртына темирдин улам жыйылып туруп калышына алып келерин, андан улам клеткалар өлөрүн көрсөткөн.

Окумуштуулар мындай зыян тамеки тарткандарга эле эмес, анын жанындагыларга да кесепетин тийгизиши мүмкүндүгүн айтышкан.

81
Белгилер:
Япония, окумуштуулар, чылым, көз, зыян, изилдөө, карек
Тема боюнча
Окумуштуулар чылым чегүүнү таштагандар эмнеге семирип кетерин түшүндүрдү
Психолог кеңсе кызматкерлери үчүн чылымды таштоо эмнеге кыйын экенин айтты
Москвадагы эмдөө пунктундаы адамдар. Архив

Эксперт Россияда COVID-19дун көбөйүп жаткан себебин түшүндүрдү

83
(жаңыланган 21:50 18.10.2021)
РФтин эмгек сиңирген дарыгери Владимир Круглый коронавирус инфекциясынын жаңы штаммы агрессиялуу келип жана тез жуга тургандыгын айтты.

БИШКЕК, 18-окт. — Sputnik. Россияда ооруканага түшүп каза тапкандардын, ооругандардын көп болуп жаткандыгына COVID-19дун башка штаммдары жана дельта-штаммдын арбын жайылып кетиши себепкер. Бул туурасында россиялык сенатор, педиатр, РФтин эмгек сиңирген дарыгери Владимир Круглый Sputnik маалымат агенттигинин маалымат борборундагы видео көпүрөдө айтты.

"Мен изилдене элек жаңы штаммдардын бар экендигинен шек санабайм. Инфекциянын мурдагыдан да агрессивдүү жана тез жуга баштагандыгы чындык. Анын инкубациялык мөөнөтү кыскарды. Тагыраагы, мурдагыларга караганда тез тарап, бейтаптын абалын заматта начарлатып жиберип жатат", — деди дарыгер.

Ал саламаттык сактоо системасы болушунча иштеп жаткандыгын айтты

"Ойлонткон нерсе саламаттык сактоо системасынын абалы, ал бардык жерде жаралган кыйынчылыктар менен күрөшүүдө. Эгерде Москва жана башка ири шаарларда кандайдыр бир резервдер болсо, аймактарда абал өтө начар. Бир нече күн мурда облустардын биринин губернатору аны цунами менен салыштырды. Чындыгында бул инфекция цунамиси РФтин аймактарына тарады", — деген Круглый.

Ал абалга таасир этип жаткан нерсе эмдөөнүн жай жүрүп жаткандыгы деп белгилеген.

Эске салсак, акыркы күндөрү Россияда эпидемиологиялык абалдын начарлап бара жаткандыгы байкалууда. Бир күндө коронавирустан каза тапкандардын саны миң кишиден ашып кетти.

83
Белгилер:
Россия, коронавирус, жаңы штамм, вакцина
Тема:
Дүйнөгө жайылган коронавирус
Тема боюнча
AstraZeneca менен "Спутник Лайтты" кошуп эмдөө майнаптуу экени айтылды. Иликтөө
COVID алып кеткен өмүрлөр жана ооругандар. 9-октябрга карата дүйнөлүк статистика
Аламүдүн району төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты

Аламүдүн: суу сактагычтан эркек кишинин сөөгү табылды. Сүрөт

0
(жаңыланган 00:27 19.10.2021)
Куткаруучулар 40-45 жаштагы эркек кишинин сөөгүн каналдан алып чыгып, аны милиция кызматкерлерине өткөрүп беришкен.

БИШКЕК, 19-окт. — Sputnik. Аламүдүн районунун төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты. Бул туурасында ӨКМдин маалымат кызматынан кабарлашты.

Окуя болгон жерге Аламүдүн райондук ӨКБден төрт куткаруучу барган. Алар 40-45 жаштагы эркек кишинин сөөгүн каналдан алып чыгып, милиция кызматкерлерине өткөрүп беришкен.

0
Белгилер:
Кыргызстан, Аламүдүн району, канал, өлүк, куткаруучу
Тема боюнча
Куткаруучулар суудан башка адамды издеп жатып, белгисиз сөөктү алып чыкты. Сүрөт