АКШ президенти Жо Байден. Архивдик сүрөт

АКШ: Байденге импичмент жарыялаган резолюция долбоору Конгресске киргизилди

581
Конгрессмен айым президентти 10 миң америкалыкты афгандык “Талибан”* кыймылынын кол астына калтырып кетти деп айыптоодо.

БИШКЕК, 21-авг. — Sputnik. Чырдуу окуялары менен таанымал конгрессчи Марджори Тейлор Грин Конгресске АКШ президенти Жо Байденге үч импичмент жарыялоону сунуштады. Бул тууралуу РИА Новости жазды.

Анын ичинде Афганистан маселеси да камтылган.

Жорджия штатынан шайланган республикачыл эл өкүлү Байденди ээлеген кызматынан четтетүү боюнча резолюциянын долбоорун Конгресстин кароосуна киргизгенин билдирди. Ал президентти 10 миң америкалыкты афгандык “Талибан”* кыймылынын кол астына калтырып кетти деп айыптоодо.

Ал ошондой эле президент АКШнын түштүк чек арасында кризиске жол берүү менен иммиграция мыйзамдарын бузганын жана ижарага алуучуларды чыгарууга мораторийди узартуу менен Жогорку соттун позициясына карама-каршы мыйзам чыгаруу ыйгарым укуктарын өзүнө тартып алганын белгилеген.

“Жо Байден президент болуп турган жети ай ичинде Америка дүйнөдөгү аброюн жоготту. Далилдер ачык-айкын көрүнүп турат, анын иш-аракеттери майнапсыз болгондуктан ага импичмент жарыялоо керек”, — деп айтылат конгрессмен айымдын билдирүүсүндө.

Эки палатаны Байдендин демократиялык партиядагы өнөктөштөрү көзөмөлдөгөндүктөн анын демилгеси Конгрессте колдоо табуу мүмкүнчүлүгү аз.

Грин бир канча жолу кутум билдирүүлөрдү айтып чыгып коомчулукту таң калтырган жайы бар. Ал коронавирус жана эпидемияга каршы чараларга карата тескери пикирлерди айтканы үчүн анын Twitter баракчасы бир нече жолу бөгөттөлгөн. Бир ирет бет кап тагынуу режимин Холокост коркунучуна салыштырган, бирок кийин сөзүн кайра алып, кечирим сураган.

“Талибан”* —  Кыргызстанда жана башка мамлекеттерде тыюу салынган уюм.

581
Белгилер:
АКШ, Конгресс, Жо Байден, импичмент
Тема боюнча
Путин менен Байден телефондон бир сааттай сүйлөштү. Эмне кеп болду
Шойгу менен Байден күрөшкө үндөйт, бирок эки башка багытта
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

59
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

59
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Кыргызстандын президенти Садыр Жапаров. Архив

Жапаров Путинге Пермдеги окуя боюнча көңүл айтты

191
(жаңыланган 21:51 20.09.2021)
Бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26 адам жаракат алган.

БИШКЕК, 20-сен. — Sputnik. Президент Садыр Жапаров бүгүн, 20-сентябрда, Пермь мамлекеттик изилдөө университетинде адамдардын каза тапкандыгына байланыштуу Россия лидери Владимир Путинге жана Россия элине көңүл айтты. Бул тууралуу мамлекет башчынын маалымат кызматынан кабарлады.

"Мамлекеттик Пермь улуттук изилдөө университетиндеги куралдуу кол салуунун кесепетинен адам курмандыктары болгон окуя тууралуу кабарды терең кайгыруу менен кабыл алдым. Кыргызстандын жана жеке өзүмдүн атымдан каза болгондордун үй-бүлөлөрүнө жана жакындарына чын дилимден көңүл айтып, бул трагедияда жабыркагандардын бардыгына тез арада сакайып кетишин каалайм", — деп айтылат мамлекет башчынын телеграммасында.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Ошентип, шектүү кармалган.

191
Белгилер:
Россия, Пермь, ок чыгаруу, өлүм, полиция
Тема боюнча
Пермь университетинде студент ок чыгарып, 8 киши каза тапты. Видео
Пермдеги элди аткан студент полиция кызматкерине да ок чыгарган. Чоо-жайы
Телефон жана акча. Архив

Досуңдун атын жамынып акча сурайт. Милиция телефон шылуундары тууралуу эскертти

14
Облустук милиция аралыктан туруп алдагандардын кылтагына үч киши илинип, бул боюнча сотко чейинки өңдүрүш иштери башталганын билдирди.

БИШКЕК, 21-сен. — Sputnik. Нарын облустук милициясы акыркы убакта интернет жана телефон аркылуу алдамчылыкка кабылгандар көбөйгөнүн айтып, сак болууга чакырды.

Ага ылайык, учурда облус аймагында алдамчылыктын мындай түрү менен үч кишиден арыз жана даттануу түшүп, сотко чейинки өңдүрүш иштери башталган.

"Нарын ОИИБ тургундарын жана конокторун этият болуп, интернеттеги шек жараткан шилтемелерди жайылтпоого жана белгисиз чалуулар менен билдирүүлөрдү текшерүүгө чакырат", — деп жазылган маалыматта.

Шылуундар адатта ишеничке кирүүнүн айла-амалын көрөрүн эскертишти.

"Чалган адамга ар кандай утуштарга ээ болгонун кабарлап, байгени алуу үчүн акча которууну же банктык картанын номерин берүүнү суранат. Кээде жарандардын туугандарынын жана досторунун атын жамынып, оор абалга кабылганын айтып тез арада акча которуусун айтат", — деп жазылган билдирүүдө.

Нарын ОИИБ белгисиз номерлерден билдирүүлөр жана чалуулар түшсө 102 номерине байланышууну өтүндү. Ошондой эле мүмкүн болсо далилдерди сактап калуу керектигин айтты.

14
Белгилер:
ОИИБ, алдамчылык, телефон, интернет
Тема боюнча
Жер тилкелерин трансформациялап берем деп 21 миң доллар алган. Шектүү кармалды
Онлайн уурулук. Милиция шылуундар элди интернеттен карактап жатканын айтты