Дүйнөдөгү жүрөктү айланткан 10 тамак. Кытайда түзүлгөн тизме

© Sputnik / Михаил Фомичев / Медиабанкка өтүүПлоды дуриана
Плоды дуриана - Sputnik Кыргызстан, 1920, 22.08.2021
Жазылуу
Автор тамак-аштын рейтингин аныктоо үчүн дүйнө элдеринин азыгын карап чыккан. Курсагыңыз тоюп турса тизмени карабай эле койгонуңуз оң болор.

БИШКЕК, 22-авг. — Sputnik. WeChat порталынын кытайлык колдонуучусу жүрөктү айланткан жана үрөй учурган азыктарды тизмектегенин РИА Новости жазды.

Акыркы сапта исландиялыктардын хауркаль деп аталган тамагы турат. Бул уюлдук акуланын бузулуп бараткан ышталып бышырылган эти. Аммиактын жыты буркурап турат.

Центральный колхозный рынок в Краснодаре - Sputnik Кыргызстан, 1920, 10.07.2021
Ысыкта ден соолукка зыян деген үч кооптуу азык аталды
Тогузунчу орунду койдун ичеги-кардынан жасалган хаггис ээлеген. Шотландияда бул чүйгүн тамак деп эсептелет.

Андан кийинки сапта Индонезиянын жарганаттан бышырылган шорпосу же паники турат. Автордун айтымында, бул тамактын популярдуулугу коронавирус учурунда да азайган эмес.

Рейтингдин жетинчи катарын экзотикалык дуриан жемиши ээлеген. Жыты алыстан эле жүрөктү айлантат дешет.

Алтынчы орунда Уганданын куурулган чегирткелери жайгашты. Бул курттардын тамагы аталган өлкөдө салтка айланган.

Бешинчи сапта италиялыктардын касу марцу деп аталган сыры турат. Ал чымындын личинкасы кошулуп даярдалат. Айрым учурда сырды дасторконго койгондо да тирүү чымындарды кезиктирүүгө болот экен. Автор азыкты сүрөттөп жатып, жийиркенгенин жашырган эмес.

Анын артынан эле көгүчкөндүн эти жайгашкан. Бул куштун эти Кытайда да кеңири пайдаланылат, бирок автор анын кир жерде көп жүрөрүн белгилеген.

Бышырылган жумуртка. Архив - Sputnik Кыргызстан, 1920, 05.12.2020
Адис: жумуртка диабеттен жабыркагандар үчүн пайдалуу тамак
Үчүнчү орунду Тайвандын чочконун канынан жасалган пирожкиси турат. Ал күрүч, кинза кошулуп, арахис унунан даярдалат.

Экинчи орун Вьетнамдын жылан шарабына ыйгарылган. Макалада ичимдикке кээде чаян, кичинекей крокодил, кескелдирик, термиттер кошулары жазылып, бөтөлкөнү ачканда тирүү жыланга кез болгондор тууралуу эскерткен.

Тизменин сап башын балют — балапан чыга жаздап калган өрдөктүн жумурткасы ээледи. Бул Азия тамагы болуп саналат. Жумуртканын сыртынан ичиндеги жөжөнүн скелети көрүнүп турат. Автор жеп жүргөндөр тамак даамдуу экенин айтканын белгилеген.

Жаңылыктар түрмөгү
0