Панжшердеги каршылык көрсөткөн топтун мүчөлөрү

Эч кимден жардам жок. Талибдерге баш ийбей жаткан акыркы провинция багынышы мүмкүн

348
(жаңыланган 16:27 24.08.2021)
Кеңешчинин айтымында, Ахмад Масуд багынып берүүгө ниеттенип жатат, бирок "намысын" сактап калышы керек.

БИШКЕК, 24-авг. — Sputnik. Панжшердеги каршылык көрсөткөн топтун лидери Ахмад Масуд талибдер менен чатакты жөнгө салуунун жолдорун издеп жатат. Бул туурасында РИА Новости The Telegraph басылмасына таянып жазды.

Талибдерге жападан жалгыз каршылык көрсөтүп жаткан күчтүн башчысы, мындан 20 жыл илгери террорчулар өлтүргөн антиталибдик "Түндүк альянстын" лидери Ахмад Шах Масуддун уулу Ахмад Масуд.

Элдик кошуундар эл аралык коомчулуктун колдоосунун жоктугунан жана ресурстардын жетишпегендигинен улам багынып берүү боюнча сүйлөшүүлөргө ниеттенип жаткандыгын Масуддун кеңешчиси билдирген.

"Бардыгы Афганистандагы 20 жылдык согуштан кийин чарчады, эч ким каршылык тобуна курал жөнөткүсү келбейт. Панжшер талибдер менен согуша албайт, себеби алар күч жагынан артыкчылык кылууда. Азыр 80 же 90-жылдар эмес, бул мезгилдери "Талибандын"* бир топ тажрыйба алып калган согушкерлери бар. Азыр абал Панжшердин пайдасына болбой турат. Ал 2-3 ай кармалып турат, андан кийин кыш келет", — деген басылманын маектеши.

Кеңешчинин айтымында, Масуд багынып берүүгө ниеттенип жатат, бирок "намысын" сактап калышы керек. Атасынын беделин эске алганда (Ахмад Шах Масуд өмүрүнүн акыркы жылдарына чейин талибдер менен кармашып келген), бийликти берүү талибдер үчүн жеңиш болуп калмакчы.

Жекшемби күнү, 2021-жылдын 22-августунда, талибдер жападан жалгыз каршылык көрсөтүп жаткан күчтүн башчысы Ахмад Масудга шарт койгону маалым болгон. Козголоңчулар жергиликтүү лидерге капитуляция үчүн төрт саат берген. Анда Ахмад Масуд өзү башчылык кылган Панжшердин жашоочулары душмандарына советтик аскерлер бар убактагыдай эле каршы турарын айтып, жашаган аймакты аларга кармата бербейбиз деп жооп кылган.

Масуд батыш ЖМКларына Панжшерде жергиликтүү тажик кошуундарынан сырткары Афганистандын башка аймактарынан келген аскерлер, аны менен катар атайын бөлүктөрдүн жоокерлери бар деген маалыматты тастыктаган.

Бирок кырдаал кыйындап, эми лидер аргасыздан айтканынан кайтпай турат.

Эске салсак, (2021-жыл) августтун биринчи декадасында талибдер Афганистандын өкмөттүк күчтөрүнө жасаган чабуулдарын активдештире баштаган. Алар ири шаарларга кол салып, 15-августта Кабулга киришкендигин жана президенттик сарайды алгандыгын кабарлашкан.

Талибдер 20 жылдык согуш аяктагандыгын, ал эми башкаруу формасы тууралуу жакында белгилүү болорун айткан.

* — Кыргызстан, Россия жана бир катар мамлекеттерде ишмердүүлүгүнө тыюу салынган уюм.

348
Белгилер:
Афганистан, Панжшер провинциясы, 'Талибан' кыймылы, Берүү, намыс, Ахмад Масуд
Тема:
Афган бийлиги менен талибдердин тиреши (229)
Тема боюнча
ЖМК: талибдер Афганистанды кимдер башкарарын аныктады
Мирзиёев конок болду. Жапаров Афганистан боюнча абалды талкуулады
Афганистандын экс-министри Германияда пицца ташып иштеп жатат. Сүрөт
Кыргызстандык жөө күлүк Гүлшаной Сатарова Astana Marathon 2021 Нур-Султан шаарында

Кыргызстандык кыз казакстандык жөө күлүктөрдү артка таштап, алтын алып келди

322
(жаңыланган 22:00 27.09.2021)
Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

БИШКЕК, 27-сен. — Sputnik. Кыргызстандык жөө күлүк Гүлшаной Сатарова Нур-Султан калаасында өткөн Astana Marathon 2021 иш-чарасында алтын медаль утуп алды. Бул тууралуу аталган борбор калаанын акимчилигинин сайтында кабарланган.

Сатаров аялдар арасында 42,2 чакырымды 2 саат 35 мүнөттө чуркап өткөн. Атаандашы андан 21 мүнөт артта калган.

Эске сала кетсек, Сатарова быйыл июнда Алматыдагы жарым марафондо да жеңүүчү болгон эле.

Жарышка катышкандагы бир кыргызстандык спортчу Илья Тяпкин эркектер арасында 02:24:23 убакытта келип, коло медалга ээ болду.

  • Участники марафона Astana Marathon 2021 в Нур-Султане. 26 сентября 2021 года
    Акимчилик баш-аягы Казакстандын 45 шаарынан үч миңге жакын киши чуркагандыгын билдирди
    © Фото / пресс-служба акимата города Нур-Султан
  • Участники марафона Astana Marathon 2021 в Нур-Султане. 26 сентября 2021 года
    Марафон Казакстандын 30 жылдык эгемендүүлүгүнө арналган
    © Фото / пресс-служба акимата города Нур-Султан
1 / 2
© Фото / пресс-служба акимата города Нур-Султан
Акимчилик баш-аягы Казакстандын 45 шаарынан үч миңге жакын киши чуркагандыгын билдирди

Акимчилик баш-аягы Казакстандын 45 шаарынан үч миңге жакын киши чуркагандыгын билдирди. Марафон Казакстандын 30 жылдык эгемендүүлүгүнө арналган.

Финишке жеткен ар бир марафончуга эстелик медаль тапшырылып, ал эми чогултулган 37 миллион теңге кайрымдуулукка жумшалары айтылды.

322
Белгилер:
Казакстан, Кыргызстан, Илья Тяпкин, жөө күлүк, марафон, медаль, Гүлшаной Сатарова
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Ошто COVID баштаган ооруларды алдын алууга арналган марафон өттү. Сүрөттөр
Россиядагы мигранттар. Архив

30-сентябрга чейин жетишип калгыла. Россиядагы элчилик эмгек мигранттарга кайрылды

1530
(жаңыланган 21:28 27.09.2021)
Элчилик Россияда жүргөн кыргызстандыктардан 30-сентябрга чейин РФтин аймагында болууну мыйзамдаштырууну жана бардык зарыл болгон жол-жоболорду аткарууну дагы бир жолу суранган.

БИШКЕК, 27-сен. — Sputnik. Россиядагы кыргызстандык эмгек мигранттарга пандемияга байланыштуу берилген жеңилдиктердин мөөнөтү аяктаганына байланыштуу алар РФ аймагында жүрүүсүн мыйзамдаштырып алуу керек. Бул тууралуу Кыргызстандын Россиядагы элчилигинен кабарлады.

"Элчилик 2021-жылдын 30-сентябрында Россиянын аймагында жүргөн чет өлкөлүк жарандарга жана жарандыгы жок адамдарга "миграциялык жеңилдиктер" жөнүндөгү мөөнөттөр аяктаарын эскертет. Мындан сырткары, 30-сентябрдан тартып Россиянын Ички иштер министрлигинин аймактык органдары РФтин аймагында каттоонун жоктугунун себептерин түшүндүрүү менен мыйзамсыз жүргөн чет өлкөлүк жарандардын арыздарын кабыл алууну токтотот. Андыктан Министрлик КРдин жарандарынан 2021-жылдын 30-сентябрына чейин РФтин аймагында болууну мыйзамдаштырууну жана бардык зарыл болгон жол-жоболорду (миграциялык каттоо, эмгек келишимин түзүү, каттоо) аткарууну дагы бир жолу суранат", — деп айтылат билдирүүдө.

Ошону менен бирге элчилик төмөнкүлөрдү эскерткен:

  • 2021-жылдын 30-сентябрына чейин, мурда башка бир максат менен келген КРдин жарандары арызда Россия аймагында жүрүүсүнүн жаңы/чыныгы максатын көрсөтө алат;
  • КР жарандары миграциялык каттоого кайрылууда жумуш берүүчү менен расмий эмгек келишимин түзүүсү керек. Жок болсо, полиция административдик айып салуу түрүндө чараларды колдонот;
  • Чет өлкөлүк жарандар, анын ичинде администрациялык укук бузуулары бар КР жарандары талап кылынган айыптарды төлөөгө милдеттүү;
  • Буга чейин экиден ашык административдик укук бузуулар катталган, ошондой эле окуудан чыгаруу жөнүндө чечимдер кабыл алынган адамдар 2021-жылдын 30-сентябрына чейин өз ыктыяры менен Россиядан чыгып кетиши керек;
  • 2020-жылдын 15-мартына чейин кеткен жана Россиянын аймагында болбогон чет өлкөлүк жарандар, анын ичинде убактылуу жашап турууга (РВП) же жашоого уруксаты бар (ВНЖ) КР жарандары, 2021-жылдын 30-сентябрына чейин келип, бул өлкөдө болуу мөөнөтүн узарта алышат;

2021-жылдын 30-сентябрына чейин чет өлкөлүк жарандарга, анын ичинде КРдин жарандарына карата бир нече чечимдер кабыл алынбасын эскерткен, мунун эң башында Россиядан административдик түрдө чыгаруу жөнүндөгү документ турат. Андан сырткары РФтин аймагынан депортациялоо жана кирүүгө тыюу салууга, РФте убактылуу болуусун кыскартууга болбойт.

Элчилик жогоруда көрсөтүлгөн чараларды колдонбоо төмөндөгү категориядагы чет элдиктерге жана жарандыгы жок адамдарга карата жайылтылбай тургандыгын айткан:

  • эркинен ажыратуу мекемелеринен бошотулуп жаткандарга;
  • РФтин мамлекеттик чек ара мыйзамдарын бузгандарга;
  • РФтин улуттук коопсуздугуна коркунуч келтирип жаткандарга: Россиянын конституциялык түзүлүш негиздерин күч колдонуп өзгөртүүгө багытталган аракеттерди жактагандарга, террордук (экстремисттик) актыларды жасоого көмөктөшкөндөргө, аларды жасагандарга, ошого тете террордук (экстремисттик) ишмердүүлүктү башка аракеттер аркылуу колдогондорго;
  • коомдук тартипке жана коомдук коопсуздукка кол салгандарга, анын ичинде санкцияланбаган (бийлик органдарынын уруксатысыз) жыйналыш, митинг, демонстрация, жөө жүрүш же пикетке чыккандарга.
1530
Белгилер:
Россия, Кыргызстан, пандемия, жеңилдик, документ, каттоо
Тема боюнча
Москвада балалуу болгон мигранттарга 20 миң рублден төлөнөт. Түшүндүрмө
КР мигранттары Москвада жардам сурап кайда кайрыла алат? Дарек, телефондору