АКШнын аскери Кабулдагы эл аралык аэропортто

Кабулдагы терактыдан кийин АКШ Афганистанга абадан сокку урду

330
(жаңыланган 11:04 28.08.2021)
Эске салсак, 26-августта Афганистандын борбору Кабул шаарынын аба майданында эки жарылуу болуп, 100дөн ашуун киши көз жумган.

БИШКЕК, 28-авг. — Sputnik. Американын аскерлери Афганистандын чыгышындагы Нангархар провинциясына абадан сокку урушту. Учкучсуз башкарылган учактын жардамы менен "Ислам мамлекети"* террордук кыймылынын согушкери жок кылынган. Бул тууралуу РИА Новости АКШнын Куралдуу күчтөрүнүн борбордук кол башчылыгынын маалыматына таянып жазды.

"АКШнын куралдуу күчтөрү ИМ* согушкерине каршы контртеррордук операция жасады. Учкучсуз башкарылган учак аркылуу Нангархар провинциясына сокку урулду. Алдын ала маалымат боюнча, согушкер жок кылынды. Жарандар арасында жоготуулар жок", — деп айтылат билдирмеде.

Мындай сокку Кабулдун аэропортуна чукул жердеги терактыдан кийин жасалган. Ал кырсыктан Американын 13 аскери каза болгон. Пентагон бул операция терактыга байланышы бар-жогун так айткан эмес.

Эске салсак, 26-августта Афганистандын борбору Кабул шаарынын аба майданында эки жарылуу болгон. Анын бири чет элдиктер (АКШ жана Улуу Британия жарандары) чогулган Baron отелинин жанында жаңырган. Жан кечти террорчу бул ишти жасагандан кийин эле мина коюлган автоунаа да жарылган.

Афганистандын Саламаттык сактоо министрлигинин билдиргенине караганда, 100дөй адам өлүп, 150гө чукул киши жарадар болгон.

330
Белгилер:
Афганистан, АКШ, Кабул, абадан сокку, согушкер, жок кылуу
Тема:
Афган бийлиги менен талибдердин тиреши (218)
Тема боюнча
Эрдоган: талибдер Анкарадан Кабул аэропортун башкарууну суранышты
Талибдер Афганистанда музыканын жаңырышына тыюу салат
Парижде күндүн батышы. Архив

COVID пандемиясы турак жай тармагын да кризиске учуратты

10
(жаңыланган 16:58 20.09.2021)
Учурдагы кырдаал пандемияга чейин турак жайларга коюлган төмөн пайыздык чен менен COVID-19дан кийинки өзгөрүүлөрдүн жыйынтыгынан келип чыккан.

БИШКЕК, 20-сен. — Sputnik. Коронавирус пандемиясы турак жай рыногун да курч кризиске кептеди. Бул тууралуу Bloomberg агенттиги жазды.

Макаланын автору Алан Кроуфорддун айтымында, көйгөйлөр сатып алуулар тармагынан тышкары үй менен батирлерди ижарага алууда да байкалып жатат.

"Көп киши турак жайынын акысын төлөй албай чыгып кетүүдө. Мындай көйгөй Берлин, Лондон, Париж жана Римде бар", — деп Германиянын борборунун мэри Михаэль Мюллер билдиргенин гезит жазды.

Кроуфорд белгилегендей, учурдагы кырдаал пандемияга чейин коюлган төмөн пайыздык чендер менен COVID-19дан кийинки өзгөрүүлөрдөн келип чыкты. Учурда үй кургандар азайып, каражатты үнөмдөп калышты, ошондой эле турак жай саткандар да аз.

Журналист мамлекеттердин өкмөтү көйгөйдү чечүүнүн оптималдуу жолун таба алган эмес, бир гана турак жай сатууга убактылуу тыюу салууну сунуштады.

10
Белгилер:
коронавирус, пандемия, турак-жай, кризис
Тема:
Дүйнөгө жайылган коронавирус
Тема боюнча
Жаңы штаммдарга вакцина таасир эте албай калышы мүмкүн. Сурамжылоо
Студенттер Пермь университеттин терезелеринен секирип түшүп жатышат

Пермдеги элди аткан студент полиция кызматкерине да ок чыгарган. Чоо-жайы

43
(жаңыланган 16:54 20.09.2021)
Тартип сакчысы куралчан студентти жарадар кылгандан кийин чуркап келип, куралын колунан алып, андан соң биринчи жардам көрсөткөн.

БИШКЕК, 20-сен. — Sputnik. Пермь мамлекеттик изилдөө университетинде элди аткан студент кирип келе жаткан полиция кызматкерине да ок чыгарган. Бирок тартип сакчы аны жарадар кылып, куралсыздандырып, андан соң биринчи жардам көрсөткөн. Бул тууралуу РИА Новости жазды.

"Окуя болгон жерге биринчилерден болуп Пермь шаарынын Жол кыймылы коопсуздугу боюнча мамлекеттик автоинспекциянын Жол кайгуул кызматы келген. Полициянын лейтенанты Константин Калинин имараттын башкы корпусуна кирип, ал эми кесиптеши ага лейтенант Владимир Макаров элди эвакуациялай баштаган. Калинин имараттын ичинен куралдуу адамды көргөн. Аны байкап калган кылмышкер лейтенантты көздөй бир нече ирет аткылаган. Ага жооп кылган тартип сакчысы куралчанды жарадар кылып, чуркап келип, куралын колунан алгандан кийин биринчи жардам көрсөткөн", — деп айткан ИИМдин өкүлү Ирина Волк.

Ал тартип сакчылар учурда жогорку окуу жайдын аймагын көзөмөлдөп тургандыгын кошумчалады.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, сегиз киши каза таап, 28и жаракат алган. Шектүү кармалган.

43
Белгилер:
Россия, Пермь, Университет, ок чыгаруу, өлүм, полиция
Тема боюнча
Казань шаарындагы мектепте өспүрүм ок чыгарып, 8 киши каза болду. Видео
Элчи Тотуяев этникалык кыргыздар менен жолугушуусу

Элчи Тотуяев Пакистанда жашаган этникалык кыргыздар менен жолукту. Сүрөт

9
(жаңыланган 17:17 20.09.2021)
Элчи боордоштордун Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген.

БИШКЕК, 20-сен. — Sputnik. Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту. Бул тууралуу Тышкы иштер министрлигинин маалымат кызматы билдирди.

Жолугушуунун алкагында элчи этникалык кыргыздардын Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген. Ошондой эле ар кандай укуктук, социалдык жана күнүмдүк маселелерди чечүүдө ар тараптуу жардам көрсөтүүгө даярдыгын айткан.

Встреча посла КР в Пакистане Уланбека Тотуяева с представителями этнических кыргызов, проживающими в Пакистане. 20 сентября 2021 года
© Фото / пресс-служба МИД КР
Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту

Өз кезегинде этникалык кыргыздар Кыргыз-Пакистан мамилесин өнүктүрүүгө жана Пакистанда Кыргызстандын имиджин бекемдөөгө багытталган мындан аркы биргелешкен иштерге кызыкдар экенин билдиришкен.

Тараптар Пакистандагы кыргыздардын жана Ала-Тоого көчүп кетүүнү каалаган кайрылмандардын укуктук сабаттуулугун жогорулатуу максатында жашаган жерлерине элчинин жакын арада баруусун макулдашты.

9
Белгилер:
Пакистан, этникалык кыргыздар, элчи, жолугушуу, Уланбек Тотуяев
Тема боюнча
Өзбекстанда канча этникалык кыргыз жашаары айтылды
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек