Талибан кыймылынын согушкерлери

Серепчи: талибдердин бийликке келиши террордук уюмдарга күч берет

79
(жаңыланган 10:47 02.09.2021)
Серепчилер АКШнын Куралдуу күчтөрүнүн Афганистандан чыгып кетишин террордук уюмдардын жеңиши катары баалап, эми жарандык согуш чыгышы мүмкүн экенин божомолдоп жатат.

БИШКЕК, 2-сен. — Sputnik. "Талибан"* кыймылынын бийликке келиши менен Афганистанда террордук топтор күч алып, жарандык согуш башташы мүмкүн. Бул тууралуу серепчилердин пикирине таянып РИА Новости жазды.

"Аль-Каида", "Ислам мамлекети" сыяктуу уюмдар өз заарын АКШга төгөбү же ички согуш ачабы? Баары болушу мүмкүн. Кандай болсо дагы АКШнын Кабулдагы аэропорттон талибдердин үстөмдүгү алдында чыгып кетиши афгандык улутчул күчтөрдүн гана эмес, дүйнө жүзү боюнча радикал жихадчылардын жеңишинен кабар берет", — деди саясий серепчи Дэн Лазар.

Вашингтондогу Eurasia Center уюмунун вице-президенти Эрл Расмуссен Афганистандагы 20 жылдык согуш АКШнын "башаламан, өзгөрүлмө жана ийгиликсиз изилдөөсү" деген пикирге кошулат.

"Алгач биздин максат Усама бен Ладен менен "Аль-Каиданын" артынан түшүү экени айтылган. Бирок "Аль-Каиданы" жеңген күнү дагы ошол жерде калып, "Талибандар" менен тирешке өттүк", — деди адис.

Афганистандагы кырдаал

Бир нече апта мурда Америка өз аскерлерин чыгарып кете баштаган соң Афганистанда абал кескин курчуган. Талибдер бир катар ири шаарларга кол салып, басып алышкан. Согушкерлер өлкөнүн бардык чек ара өткөрүү жайларын көзөмөлгө алып, президенттик сарайга киргенин жар салган.

16-августка караган түнү "Талибандын"* өкүлү Мухаммед Наим 20 жылга созулган согуш аяктаганын, жакында мамлекетте жаңы башкаруу формасы киргизилерин билдирген.

31-август күнү АКШнын аскерлери толугу менен Афганистандан чыгып кетти.

"Талибан"* — Кыргызстанда жана башка мамлекеттерде диний-экстремисттик уюм катары тыюу салынган кыймыл болуп саналат.

79
Белгилер:
Афганистан, согуш, АКШ, серепчи, террордук уюм
Тема:
Афган бийлиги менен талибдердин тиреши (218)
Тема боюнча
Афган өкмөтүн жетектечү "Талибандын"* лидери Ахунзада тууралуу эмне белгилүү
Баңгизат жана табышмактуу демөөрчүлөр. Талибдер миллиарддарды кайдан алат
Сыркоологон кыз. Архив

Начар иммунитеттин алты белгиси. Буларды тоготпой коюуга болбойт

4
Организм ээсине дарыгерге кайрылып, толук текшерүүдөн өтүүгө мезгил келгендиги боюнча белги бериши мүмкүн.

БИШКЕК, 21-сен. — Sputnik. Иммунореабилитация жана алдын ала эскертүүчү медицина боюнча жеке клиниканын илимий жетекчиси Ольга Шуппо "Доктор Питер" порталына алсыз иммунитеттин тоготпой койгонго болбой турган алты белгиси тууралуу айтып берген.

Адамдын организми бири-бири менен байланышта болгон өтө татаал система. Андыктан чачтын кургашын же белдин бир нече сантиметрге чоңоюп кетишине шампунду алмаштыруу же диетага отура коюу дайыма эле жардам бере албайт. Балким, бул терапевтке же иммунологго кайрылып, толук текшерүүдөн өтүүгө берилген белги болушу мүмкүн.

1. Дайыма чарчай бергендей абалда жүрүү

Ойгонгондо эле чарчоо сезими бар. Көптөр ушундай маанайда болот. Бул иммунитеттин алсыздыгы эле эмес, стресстен кийин нерв системаларынын калыбына келишине жоопкер болгон бөйрөктүн үстүндөгү бездердин дисбалансы. Дайыма кыжаалат болуп же бир нерсеге тынчсызданып жүргөн кишилерде аталган бездердин алсыз болуп калуу тобокелдиги жогору. Мында ал стресстин гормондорун көп бөлүп чыгарат. Анын башка клеткаларга, органдарга тийгизген таасиринен улам жүрөктүн кагышы тездеп, кан тамырлар ичкерип, иммунитет алсырайт. Тамак сиңирүү жана сырткы факторго туруштук берүү начарлайт.

2. Ич чыгып кеткенде

Адам чымыр же арык болсо деле ич чыгып калат. Ашыкча салмак деле жок, анда эмне болуп жатат? Ал  курсактын ич жагында майдын топтолушунан улам болот. Бул стресстин жана канда кортизолдун көбөйүп кетишинин белгиси. Дал ушул гормон кишиге казы байлатат. Айтмакчы, мындан улам адамда богок пайда болот. Башка дагы бир жагымсыз нерсе – дайыма болгон стресстин иммунитетти "жей" бериши.

3. Эске тутуунун начарлашы

Бул да иммунитеттин начарлашына байланыштуу. Кеп өнөкөт стресс жана калкан бездеринин функциясынын бузулушуна байланыштуу маселе туурасында болуп жатат. Аталган бездин начар иштешинен адамдын тез реакциясы жайлап, анын айынан эске тутуу жабыркайт.

4. Учуктун (герпес) көп чыгышы

Ал эринге, жыныс мүчөлөргө чыгышы мүмкүн. Бул коргоочу системанын начарлашынан кабар берет. Организм кадимки калыбында болсо, ичтеги өнөкөт инфекцияны басып коёт, эгерде иммунитет алсырай баштаса, вирус активдешет. Учук ай сайын чыгышы мүмкүн. 

5. Аллергиялык реакциялар

Аллергендерге каршы тура албоочулук да организмде бир мандем бар экенин кабарлайт. Организм пайда болгон факторго кантип реакция кылууну билбегендиктен, вирустук бактерияларга каршы тура албай, анысын аллергия түрүндө көрсөтөт.

6. Чач түшүп, чыканактын терисинин кургашы

Бул калкан бездин гипотиреозасынан кабар берет. Жакшы иммунитет жана калкан бездин кадимкидей иштеши абдан маанилүү. Аталган безге стресстин таасиринин кесепети оңбогондой. Бул  — эске тутуунун начарлашы, чачтын түшүүсү, чыканактын кургашы сыяктуу дагы бир топко узарган тизме.

4
Белгилер:
ден соолук, иммунитет, стресс
Тема боюнча
Кан басымы жогору адамдар кайсы эрежелерди карманышы керек
COVID интеллектини эмне үчүн жабыркатарын невролог түшүндүрүп берди
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

61
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

61
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты