АКШ долларлары. Архив

ЖМК: АКШда кылмышкерлер адам өлтүрбөшү үчүн аларга айлык төлөө сунушталууда

143
(жаңыланган 15:02 02.09.2021)
ЖМКнын маалыматына караганда, демилгени Сан-Франциско шаарынын мэри Лондон Брид көтөрүп чыккан. Ал бул максатты ишке ашыруу үчүн кайдан акча алса болорун дагы айткан.

БИШКЕК, 2-сен. — Sputnik. Сан-Францискодо жергиликтүү кылмышкерлерге акча төлөө сунушталып жатканын РЕН-ТВ кабарлады.

Бийликтин ою боюнча, кылмышкерлерге каражат бөлүнсө алар элди тоноп, атып, өлтүрбөй калат.

Мындай демилгени шаар мэри Лондон Брид көтөргөн. Ал каражатты жергиликтүү афроамерикалык коомчулукту социалдык жактан колдоо программасынан алууну көздөп жатат.

Ынды кара адамдарды колдоо үчүн шаарда жалпы жонунан 60 миллион доллар бөлүнгөн.

Кылмышкерлерге ай сайын 300 доллар стипендия берүү пландалууда. Эгер жергиликтүү криминалдар бир айда эч кимди өлтүрбөй, тонобой турган болсо эң сонун жетишкендиги үчүн деп дагы кошумча 200 доллар берилет.

ЖМКнын маалыматына караганда, бул демилге жергиликтүү мыйзам чыгаруу палатасынан өтпөй калышы мүмкүн.

143
Белгилер:
АКШ, кылмышкер, стипендия, демилге
Тема боюнча
60 киши курмандыгы болгон. Америкада белгилүү киши өлтүргүч көз жумду
Кыргызстандык жөө күлүк Гүлшаной Сатарова Astana Marathon 2021 Нур-Султан шаарында

Кыргызстандык кыз казакстандык жөө күлүктөрдү артка таштап, алтын алып келди

299
(жаңыланган 22:00 27.09.2021)
Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

БИШКЕК, 27-сен. — Sputnik. Кыргызстандык жөө күлүк Гүлшаной Сатарова Нур-Султан калаасында өткөн Astana Marathon 2021 иш-чарасында алтын медаль утуп алды. Бул тууралуу аталган борбор калаанын акимчилигинин сайтында кабарланган.

Сатаров аялдар арасында 42,2 чакырымды 2 саат 35 мүнөттө чуркап өткөн. Атаандашы андан 21 мүнөт артта калган.

Эске сала кетсек, Сатарова быйыл июнда Алматыдагы жарым марафондо да жеңүүчү болгон эле.

Жарышка катышкандагы бир кыргызстандык спортчу Илья Тяпкин эркектер арасында 02:24:23 убакытта келип, коло медалга ээ болду.

  • Участники марафона Astana Marathon 2021 в Нур-Султане. 26 сентября 2021 года
    Акимчилик баш-аягы Казакстандын 45 шаарынан үч миңге жакын киши чуркагандыгын билдирди
    © Фото / пресс-служба акимата города Нур-Султан
  • Участники марафона Astana Marathon 2021 в Нур-Султане. 26 сентября 2021 года
    Марафон Казакстандын 30 жылдык эгемендүүлүгүнө арналган
    © Фото / пресс-служба акимата города Нур-Султан
1 / 2
© Фото / пресс-служба акимата города Нур-Султан
Акимчилик баш-аягы Казакстандын 45 шаарынан үч миңге жакын киши чуркагандыгын билдирди

Акимчилик баш-аягы Казакстандын 45 шаарынан үч миңге жакын киши чуркагандыгын билдирди. Марафон Казакстандын 30 жылдык эгемендүүлүгүнө арналган.

Финишке жеткен ар бир марафончуга эстелик медаль тапшырылып, ал эми чогултулган 37 миллион теңге кайрымдуулукка жумшалары айтылды.

299
Белгилер:
Казакстан, Кыргызстан, Илья Тяпкин, жөө күлүк, марафон, медаль, Гүлшаной Сатарова
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Ошто COVID баштаган ооруларды алдын алууга арналган марафон өттү. Сүрөттөр
Россиядагы мигранттар. Архив

30-сентябрга чейин жетишип калгыла. Россиядагы элчилик эмгек мигранттарга кайрылды

1453
(жаңыланган 21:28 27.09.2021)
Элчилик Россияда жүргөн кыргызстандыктардан 30-сентябрга чейин РФтин аймагында болууну мыйзамдаштырууну жана бардык зарыл болгон жол-жоболорду аткарууну дагы бир жолу суранган.

БИШКЕК, 27-сен. — Sputnik. Россиядагы кыргызстандык эмгек мигранттарга пандемияга байланыштуу берилген жеңилдиктердин мөөнөтү аяктаганына байланыштуу алар РФ аймагында жүрүүсүн мыйзамдаштырып алуу керек. Бул тууралуу Кыргызстандын Россиядагы элчилигинен кабарлады.

"Элчилик 2021-жылдын 30-сентябрында Россиянын аймагында жүргөн чет өлкөлүк жарандарга жана жарандыгы жок адамдарга "миграциялык жеңилдиктер" жөнүндөгү мөөнөттөр аяктаарын эскертет. Мындан сырткары, 30-сентябрдан тартып Россиянын Ички иштер министрлигинин аймактык органдары РФтин аймагында каттоонун жоктугунун себептерин түшүндүрүү менен мыйзамсыз жүргөн чет өлкөлүк жарандардын арыздарын кабыл алууну токтотот. Андыктан Министрлик КРдин жарандарынан 2021-жылдын 30-сентябрына чейин РФтин аймагында болууну мыйзамдаштырууну жана бардык зарыл болгон жол-жоболорду (миграциялык каттоо, эмгек келишимин түзүү, каттоо) аткарууну дагы бир жолу суранат", — деп айтылат билдирүүдө.

Ошону менен бирге элчилик төмөнкүлөрдү эскерткен:

  • 2021-жылдын 30-сентябрына чейин, мурда башка бир максат менен келген КРдин жарандары арызда Россия аймагында жүрүүсүнүн жаңы/чыныгы максатын көрсөтө алат;
  • КР жарандары миграциялык каттоого кайрылууда жумуш берүүчү менен расмий эмгек келишимин түзүүсү керек. Жок болсо, полиция административдик айып салуу түрүндө чараларды колдонот;
  • Чет өлкөлүк жарандар, анын ичинде администрациялык укук бузуулары бар КР жарандары талап кылынган айыптарды төлөөгө милдеттүү;
  • Буга чейин экиден ашык административдик укук бузуулар катталган, ошондой эле окуудан чыгаруу жөнүндө чечимдер кабыл алынган адамдар 2021-жылдын 30-сентябрына чейин өз ыктыяры менен Россиядан чыгып кетиши керек;
  • 2020-жылдын 15-мартына чейин кеткен жана Россиянын аймагында болбогон чет өлкөлүк жарандар, анын ичинде убактылуу жашап турууга (РВП) же жашоого уруксаты бар (ВНЖ) КР жарандары, 2021-жылдын 30-сентябрына чейин келип, бул өлкөдө болуу мөөнөтүн узарта алышат;

2021-жылдын 30-сентябрына чейин чет өлкөлүк жарандарга, анын ичинде КРдин жарандарына карата бир нече чечимдер кабыл алынбасын эскерткен, мунун эң башында Россиядан административдик түрдө чыгаруу жөнүндөгү документ турат. Андан сырткары РФтин аймагынан депортациялоо жана кирүүгө тыюу салууга, РФте убактылуу болуусун кыскартууга болбойт.

Элчилик жогоруда көрсөтүлгөн чараларды колдонбоо төмөндөгү категориядагы чет элдиктерге жана жарандыгы жок адамдарга карата жайылтылбай тургандыгын айткан:

  • эркинен ажыратуу мекемелеринен бошотулуп жаткандарга;
  • РФтин мамлекеттик чек ара мыйзамдарын бузгандарга;
  • РФтин улуттук коопсуздугуна коркунуч келтирип жаткандарга: Россиянын конституциялык түзүлүш негиздерин күч колдонуп өзгөртүүгө багытталган аракеттерди жактагандарга, террордук (экстремисттик) актыларды жасоого көмөктөшкөндөргө, аларды жасагандарга, ошого тете террордук (экстремисттик) ишмердүүлүктү башка аракеттер аркылуу колдогондорго;
  • коомдук тартипке жана коомдук коопсуздукка кол салгандарга, анын ичинде санкцияланбаган (бийлик органдарынын уруксатысыз) жыйналыш, митинг, демонстрация, жөө жүрүш же пикетке чыккандарга.
1453
Белгилер:
Россия, Кыргызстан, пандемия, жеңилдик, документ, каттоо
Тема боюнча
Москвада балалуу болгон мигранттарга 20 миң рублден төлөнөт. Түшүндүрмө
КР мигранттары Москвада жардам сурап кайда кайрыла алат? Дарек, телефондору