Талибана кыймылын согушкерлери

Афганистан: Нангархарда "Ислам мамлекетинин" 80 согушкери кармалды

235
(жаңыланган 16:34 07.09.2021)
Маалыматта талибдердин акыркы үч күндө үймө-үй кыдырып, "Ислам мамлекетине"* тиешеси барларды аныктоо боюнча рейд өткөргөнү айтылган.

БИШКЕК, 7-сен. — Sputnik. Афганистандын чыгышындагы Нангархар провинциясынын бийлиги "Ислам мамлекети"* террордук уюмунун 80 согушкерин камаганын билдирди. Бул тууралуу РИА Новости жазды.

"Талибан"* күчтөрү акыркы күндөрү "Ислам мамлекетинин"* 80ге чукул согушкерин камакка алды", — деп билдирген аталган провинциянын губернатору Мавлави Мохаммад Надим.

РИА Новостиге провинциянын жашоочусунун бири талибдер акыркы үч күндө үймө-үй кыдырып, "Ислам мамлекетине"* тиешеси барларды аныктоо боюнча рейд өткөргөнүн айткан. Анын жыйынтыгында алты кишини камаган.

Кулатылган өкмөттүн өкүлүнүн маалымдаганына караганда, талибдер акыркы аптада Желал-Абад провинциясынын административдик борборундагы "Ислам мамлекетине"* тиешеси болушу мүмкүн делген алты окуу жайын жапкан.

Буга чейин кыймылдын өкүлү Мухаммед Наим РИА Новостиге берген маегинде, кыймыл "Ислам мамлекети"* тарабынан болгон кооптуулукка байланышкан кырдаалды көзөмөлдөп турарын айткан. Алардын дагы бир өкүлү Забиулла Муджахид "Ислам мамлекетинин"* Афганистанда активдешине мүмкүнчүлүк бербей тургандыктарын билдирген эле.

* — Кыргызстан, Россия жана бир катар мамлекеттерде ишмердүүлүгүнө тыюу салынган уюм.

235
Белгилер:
Афганистан, 'Ислам мамлекети' террордук тобу, 'Талибан' кыймылы, согушкер, кармоо
Тема:
Афган бийлиги менен талибдердин тиреши (217)
Тема боюнча
АКШнын "улуу согушунун" жыйынтыгы: миллион адамдын өлүмү, уурдалган триллиондор
АКШ "Талибан"* кыймылын расмий тааныйбы? Байдендин жообу
Панжшердеги каршылык көрсөтүү күчүнүн лидери элге кайрылды

"Нокауттардын ханышасы". Шевченко UFC уюмун кантип багындырган. Видео

4
(жаңыланган 12:24 20.09.2021)
Аралаш мушташ спортун чагылдырган белгилүү ERA MMA интерактивдик журналы Валентина Шевченконун карьерасы тууралуу видео жарыялады.
"Таланттуу адам бардык жагынан таланттуу. Алардын бири Валентина Шевченко. Ал сүрөттү мыкты тартат, чимириле бийлейт, таамай атат жана бир нече тилде эркин сүйлөйт. Эң негизгиси ал күчтүү мушкер, атаандаштары ага туруштук бере албайт, кайталангыс кармаштары менен өзүнүн атын тарых бетине жаза алды", — деп айтылат видеодо.

Роликте Шевченконун бардык беттештери көрсөтүлгөн. ERA MMA сайты Шевченкону профессионалдык спортто жолу кантип башталып, UFC уюмунун чемпиондук курун кантип багындырганын баяндаган.

Мушкердин кезектеги беттеши 25-сентябрга белгиленген, ал америкалык Лорен Мерфи менен кез келмекчи.

4
Белгилер:
UFC, Валентина Шевченко, мушкер, карьера, видео
Тема боюнча
Валентина Шевченко ринг-гёрлз кыздарды жактап, Хабибдин сынына жооп кайтарды
Лас-Вегаста өткөн UFC турниринин урунттуу учурлары. Видео
Судьянын балкасы. Иллюстративдик сүрөт

"Кумтөр": Нью-Йорк соту тетик сатып алуу боюнча Кыргызстандын өтүнүчүн четке какты

55
(жаңыланган 12:02 20.09.2021)
Тетиктерге Kumtor Gold Company кен тышкы башкарууга алынганга чейин буюртма берилген. Сырткы башкарууга алуу чечими чыккан учурда товар жолдо болчу. Ушул тапта тетиктер Латвия менен Нидерланддардын портунда сакталып турат.

БИШКЕК, 20-сен. — Sputnik. Нью-Йорктун Түндүк округунун банкроттук боюнча соту Кыргызстан өкмөтүнүн кенде иштеп жаткан жабдуулар үчүн маанилүү тетиктерди алып келүү өтүнүчүн четке какты. Бул тууралуу Sputnik редакциясына соттук документтерди карап чыккан соң белгилүү болду.

Соттук отурум 15-сентябрда видеоконференция режиминде өтүп, ага Лиза Г. Бекерман судьялык кылды.

Документтеги маалыматтарга караганда, Caterpillar жүк ташуучу унаалары үчүн тетиктерге Centerra Gold Inc. компаниясынын Kumtor Gold Company туунду ишканасы тарабынан кен тышкы башкарууга алынганга чейин буюртма берилген. Сырткы башкарууга алуу чечими чыккан учурда товар жолдо болчу. Ушул тапта тетиктер Латвия менен Нидерланддардын портунда сакталып турат.

"Сөз болуп жаткан тетиктер чет мамлекеттерде гана өндүрүлөт. Кендин ишинин уланышы үчүн алар абдан зарыл болуп турат. Учурда көптөгөн тетиктер жетишпей жатат", — деп түшүндүрүштү кыргыз өкмөтүнүн жактоочулары.

Arnold & Porter Kaye Scholer LLP компаниясынын юристтери тетиктер кен тышкы башкаруу башталганына карабай убагында жеткирилиши керектигин айтууда.

Анткен менен судья Бекерман Kumtor Gold Company (Centerra тараптан) ишканасынын юристтери компания кенге ээлик кылбагандыктан, товарды өндүрүүчүгө кайтарып берерин айтканын билдирди. 

"Кумтөр голд компани" боюнча абал

2021-жылдын 7-майында Бишкек шаарынын Октябрь райондук соту "Кумтөр голд компани" ишканасын экологияга тийгизген залакасы үчүн мамлекетке 261,7 миллиард сом (3 миллиард доллардан көбүрөөк) төлөөгө милдеттендирген. Мындан улам канадалык Centerra Gold Inc. компаниясы дооматты негизсиз деп эсептеп, 2009-жылдагы келишимдин бузулушуна алып келерин айткан. 11-май күнү УКМК "Кумтөр голд компанинин" жетекчилери Кыргызстандан чыгып кеткенин билдирди.

Ал арада "Кумтөрдүн" ишин иликтеген мамкомиссия Centerra Gold Inс. менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард салык төлөмдөрү боюнча жалпысынан 4,3 миллиард долларлык доо арыз берүү каралган.

17-майда Жогорку Кеңеш жыйында карап, Кумтөр алтын кенин убактылуу тышкы башкарууга алуу сунушун колдоду. Учурда компанияны Теңиз Бөлтүрүк башкарып жатат.

21-май күнү Centerra Gold Inc. компаниясынын президенти жана аткаруучу директору Скотт Перри кыргыз өкмөтү менен мурдагыдай эле конструктивдүү диалогго барууга даяр экенин билдирген.

Эске салсак, Centerra Gold Inc. компаниясынын туунду ишканалары июнь айында Нью-Йорк түштүк округунун сотуна доо арызы менен кайрылган. Процесс учурунда АКШнын банкроттук тууралуу федералдык кодексинин 11-бөлүмүнө ылайык, "Кумтөр голд компани" жана "Кумтор оперейтинг" компанияларына коюлган бардык доолор автоматтык түрдө токтотулат.

15-сентябрь күнү Нью-Йорктун Түштүк округунун соту Centerra Gold Inc. компаниясынын кыргыз өкмөтүнө "Кумтөр" кени боюнча санкция салуу арызын четке каккан.

Centerra Gold Inc. — канадалык алтын иштетүүчү компания. "Кумтөр голд компани" анын туунду ишканасы. Кумтөр алтын кенинен түшкөн пайданын 26 пайызына Кыргызстан ээлик кылат.

55
Белгилер:
Нью-Йорк, Кыргызстан, Кумтөр, соттук чечим
Тема:
"Кумтөргө" 3 миллиард доллар айып салынышы
Тема боюнча
Экс-премьер Жоомарт Оторбаев камакка алынды
Лондондогу уюм "Кыргыз алтынды" ишенимдүү компаниялардын катарынан чыгарды