Талибан* кыймылынын өкүлү Забиулла Муджахид

"Талибан" кыймылы Афганистан өкмөтүнүн жаңы курамын жарыялады

149
(жаңыланган 11:38 08.09.2021)
"Талибан"* кыймылынын лидери Хайбатулла Ахунзада жаңы өкмөттүн курамына кирбей, мурдагы эле кызматын аркаламай болду.

БИШКЕК, 8-сен. — Sputnik. "Талибан"* кыймылынын өкүлү Забиулла Муджахид маалымат жыйын учурунда Афганистан өкмөтүнүн жаңы курамын жарыялап, бул курам убактылуу экенин кошумчалады.

Анын сөзүнө таянып РИА Новости агенттигинин жазганына караганда, министрлик кызматтар кыймылдын аты чыккан мүчөлөрүнө тийди.

Мисалы, өкмөт башчынын милдетин аткаруучу болуп "Талибан"* кыймылын негиздегендердин бири Мохаммад Хасан Ахун дайындалды. Ал 1996-2001-жылы тышкы иштер министри болгон. Талибдер режими учурунда Кандагардын губернатору болуп дагы иштеген. Анын орун басарлары болуп кыймылдын саясий кеңсесинде иштеген Мулла Абдул Гани Барадар менен Абдул Салам Ханафи көрсөтүлдү.

Талибдердин жетекчилик кызматтарынын бирин аркалап келген Амир Хан Мутаки өлкөнүн тышкы иштер министринин милдетин аткарат. Ал эми коргоо министрлигинин башына табилдердин лидеринин орун басары Мохаммад Якуб келди. ИИМди Сараджуддин Хаккани, ал эми Куралдуу күчтөр штабын Кари Фасихуддин башкармакчы.

Tolo News телеканалынын билдиргенине караганда, кыймылдын лидери Хайбатулла Ахунзада жаңы өкмөттүн курамына кирбей, мурдагы эле кызматын аркаламай болду.

Августтун башында "Талибан"* кыймылы активдешип, Афганистандын өкмөттүк күчтөрүнө чабуул кое баштаган. 2021-жылдын 15-августунда борбор шаары Кабулга кирип, президенттик сарай алардын көзөмөлүндө калган. Ал эми 16-августта Афганистандагы согуш аягына чыкты деп жар салып, жакын арада өлкөнүн башкаруу формасы аныкталарын айтышкан. 31-августка караган түнү АКШ аскерлери буга чейин көзөмөлүндө турган Кабул аэропортун таштап чыгып кетишти. Талибдер Афганистанга 20 жылга созулган согуш аяктады деп жар салды.

Сентябрдын алтысында талибдер буга чейин баш ийбей келген Панжшер аймагын алдык деп билдирген. Бирок аталган аймактын лидери Шах Масуд провинциянын баары багынып бербегендигин, согуш уланарын айткан. Акыркы учурда маалымат талаасында Панжшердеги талибдер менен каршылык көрсөтүүчү күчтөр боюнча эки жактуу кабарлар айтылууда.

* — Кыргызстан, Россия жана бир катар мамлекеттерде ишмердүүлүгүнө тыюу салынган уюм.

149
Белгилер:
Афганистан, 'Талибан' кыймылы, өкмөт, курамы
Тема:
Афган бийлиги менен талибдердин тиреши (218)
Тема боюнча
Афганистан: Нангархарда "Ислам мамлекетинин" 80 согушкери кармалды
АКШ "Талибан"* кыймылын расмий тааныйбы? Байдендин жообу
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

58
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

58
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Кыргызстандын президенти Садыр Жапаров. Архив

Жапаров Путинге Пермдеги окуя боюнча көңүл айтты

178
(жаңыланган 21:51 20.09.2021)
Бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26 адам жаракат алган.

БИШКЕК, 20-сен. — Sputnik. Президент Садыр Жапаров бүгүн, 20-сентябрда, Пермь мамлекеттик изилдөө университетинде адамдардын каза тапкандыгына байланыштуу Россия лидери Владимир Путинге жана Россия элине көңүл айтты. Бул тууралуу мамлекет башчынын маалымат кызматынан кабарлады.

"Мамлекеттик Пермь улуттук изилдөө университетиндеги куралдуу кол салуунун кесепетинен адам курмандыктары болгон окуя тууралуу кабарды терең кайгыруу менен кабыл алдым. Кыргызстандын жана жеке өзүмдүн атымдан каза болгондордун үй-бүлөлөрүнө жана жакындарына чын дилимден көңүл айтып, бул трагедияда жабыркагандардын бардыгына тез арада сакайып кетишин каалайм", — деп айтылат мамлекет башчынын телеграммасында.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Ошентип, шектүү кармалган.

178
Белгилер:
Россия, Пермь, ок чыгаруу, өлүм, полиция
Тема боюнча
Пермь университетинде студент ок чыгарып, 8 киши каза тапты. Видео
Пермдеги элди аткан студент полиция кызматкерине да ок чыгарган. Чоо-жайы

Ошто туризмди даңазалаган иш-чаралар өтүп, ага Болливуд жылдыздары катышат

0
Үстүбүздөгү жылдын 26-27-сентябрында Ош шаарынын борбордук аянты туризм индустриясына жаңы эшигин ачат.

Туризм департаменти Бүткүл дүйнөлүк туризм күнүнө арналган "Жаңы шарттарда биргелешкен аракеттер менен туризмди өнүктүрүү. Кыргызстан-2021" аттуу аймактык туристтик форум жана "Кыргызстан Улуу Жибек Жолунун бутактарында" аттуу көргөзмө-жарманке өткөрөт. Мындай иш-чара Кыргызстанда алгачкы ирет болуп жатканы белгиленет. Ал эл аралык жана ата мекендик өнөктөштөрдүн колдоосу менен уюштурулууда.

Программасы:

  • эл аралык көргөзмө-жарманке;
  • этнобазар;
  • ири аймактын алгачкы туристтик форуму;
  • этномузыка;
  • Болливуд жылдыздарынын концерттик программасы;
  • ата мекендик дизайнерлердин кийимдер көргөзмөсү;
  • глэмпинг-туризм;
  • туризмди туруктуу өнүктүрүү боюнча талкуулар;
  • "Ири аймактык турбизнес жаңы шарттарда" аттуу тегерек стол;
  • жергиликтүү ышкыбоздордон атайын маданий программа;
  • эл аралык коноктор үчүн экскурсия жана маалымат-саякаты;
  • туризм жаатындагы мыктыларга сыйлык тапшыруу аземи;
  • "Дүйнөгө кат" долбооруна катышуу жана башка кызыктар тартууланат.

 

0
Белгилер:
Ош шаары, туризм, иш-чара, форум
Тема боюнча
Маданият министрлиги алдыдагы иш-чаралардын тизмесин жарыялады
Татарстанда Шамшиевдин "Ысык-Көлдүн кызгалдактары" тасмасы көрсөтүлдү. Сүрөт