Коронавируска каршы вакцина. Архивдик сүрөт

Жаңы штаммдарга вакцина таасир эте албай калышы мүмкүн. Сурамжылоо

92
(жаңыланган 13:11 14.09.2021)
Bloomberg сурамжылоого алган окумуштуулар жакынкы жарым жылдыкта адамзат пандемиядан арылбай тургандыгын бир ооздон бекемдешкен.

БИШКЕК, 14-сен. — Sputnik. COVID-19 жер жүзүндөгү калктын баарына жугуп чыкмайын пандемия бүтпөйт, ал эми вакцина жаңы штаммдарга таасир эте албай калышы мүмкүн. Бул туурасында Bloomberg сурамжылоого алган окумуштуулар билдирген. 

"Адамзат толугу менен эмделип же баары ооруп чыкмайын коронавирустан кутулуп, кадимки турмушка кайтып келүүнү күтпөй эле койсок болот. Бул жакшы деп эсептелген сценарий боюнча айтылганы. Ал эми кырдаал кыйын болуп кетет деген вариант — вакцинаны пайда болгон жаңы штаммдар тоготпой калып, оору күчөп, локдаун катуулап, жаңы вакцинаны тез арада ойлоп чыгууга туура келет", — дешти эксперттер.

Bloomberg сурамжылоого алган окумуштуулар жакынкы жарым жылдыкта адамзат пандемиядан арылбай тургандыгын бир ооздон бекемдешкен. Алардын айтымында, оору мезгил-мезгили менен ар кайсы жерден от алып, мектептер жабылып, кеңселердин кызматкерлери үйүнөн иштеп, ооруканалар толуп турат.

"Оору эми күз-кышта күчөйт. Жер планетасындагы адамзаттын 90–95 пайызы иммунитетке ээ болуп, баары ооруп чыкмайын же вакцина алмайын вирус кайтпайт", — деген пикирин билдирген АКШ президентинин кеңешчиси, Миннесота университетиндеги жугуштуу ооруларды изилдөө боюнча борбордун директору Майкл Остерхолм.

Акыркы 130 жыл ичинде пайда болуп, окумуштуулар тарабынан тыкыр изилденген грипптин соңку беш эпидемиясы COVID-19 пандемиясы кандай өнүгөрүн айтып берет. Бул туурасында даниялык окумуштуу Лоун Симонсен билдирди. Эң көп уланган эпидемия беш жылга созулуп, дүйнө жүзү 2-3 жыл ичинде инфекциянын экиден төрткө чейинки толкунун баштан кечирген.

"Ал эми коронавирус андан тез жайылып, дүйнө пандемиянын экинчи жылында үчүнчү толкундун ортосунда турат. Анын аягы али көрүнө элек", — деген эпидемиолог.

Симонсен анткен менен COVID-19 башка инфекциялардын жолу менен кетпеши мүмкүндүгүн айтат.

"Тез жуккан жана кишини аябаган азыркы вирустан көз жумгандардын саны 4,6 миллион адамга жетип калды. Бул "испанка" доорунан берки башка грипптерге караганда эки эсе ажалдуу (өлүмгө алып келген – ред.) болуп чыкты", — деген окумуштуу.

Илимпоздорду азыр болгон-бүткөн вакциналарды тоготпой койгон жаңы штаммдар пайда болуп кетпегей эле деген нерсе түйшөлтүп турат.

"Мындай нерсе болбойт деп үмүт кылып турабыз. Эгер ошондой болуп кетсе, баарын кайрадан баштаганга туура келет", — деген Симонсен.

Бир катар эпидемиологдор COVID-19 биринчи муундагы вакциналарга туруктуу болушу мүмкүн деген пикирди айтышкан. Японияда жүргүзүлгөн изилдөөдө кооптуу делген мындай мутациялар белгиленип, катталып, эсеп-чоту алына баштаган.

COVID-19 жайыла баштагандан тарта окумуштуулар вакцина азыркы апааттан көпкө чейин коргоп тура алат деп ойлошкон. Буга полиомиелитке каршы эмдөөнү мисал кылышкан. Бирок коронавирусту гриппке окшоштуруп койгон жаңы штаммдар кандай тездик менен пайда болуп жаткандыгы да ойлонто турган нерсе. Демек, бул жыл сайын эмделип туруу зарылдыгын жаратат. Ал эми вакцина кайсы штамм алдуу болуп бара жатканын карап туруп, ошого жараша улам жаңыланып турушу мүмкүн.

"Пандемия — биология эле эмес, саясаттын, коомдун маселеси болууда. Андыктан ар өлкөдө ар кайсы учурда аякташы мүмкүн. Бирок бүгүн, эртең, ал тургай бир нече айдан кийин жок болуп кетпей турганына көнүп, моюн сунууга туура келет", — деген Оксфорд университетинин медицинанын тарыхы кафедрасынын доценти Эрика Чартерс.

Ал ар бир мамлекеттин бул жаатта өз жолу бар экенин белгилеген. Маселен, коронавируска калкынын баары чалдыкпай эле "пандемиядан кийинки келечекке" кадам шилтеген Дания менен Сингапур кадимки жашоого кайтып бара жатат. АКШ менен Улуу Британия ооругандар рекорддук санга жакындагандыгына карабай чектөөлөрдү акырындык менен ала баштады. Кытай, Гонконг жана Жаңы Зеландия COVID-19 жуккан жарандары аз болгону менен баары бир локдаун тартибин карманып келет.

92
Белгилер:
АКШ, Кытай, Улуу Британия, Дания, Сингапур, Bloomberg, коронавирус, толкун, жаңы штамм, вакцина
Тема:
Дүйнөгө жайылган коронавирус (1546)
Тема боюнча
Коронавирус кээри. Украинада өлгөндөрдү огородго да көмүшкөн
Коронавирус кесепетинен улам өйдөлөгөн эки тармак. Статистикалык маалымат
Суранбаев: учурда республика боюнча коронавирустук "кызыл" зона жок

Быйылкы мода: этникалык мотив, алтын түс. Италиядагы мода жумалыгынан ирмемдер

31
  • Австралиялык-судандык модель Адут Акеч жарым жылаңач болгон, үстүнө сала коймо кийимди көрсөтүп жатат
  • Көпөлөктөй учкан модель. Италиялык Fendi мода үйүнүн жазгы-жайкы коллекциясы
  • Этникалык мотивде кийинип чыккан сулуу. Милан мода жумалыгындагы дагы бир костюм.
  • Модага сөз жок. Мехтен жасалган жазгы шуба, моделдин бутунда болсо жайкы босоножка...
  • Алтын түстү жакшы көргөндөргө жагымдуу жаңылык. Fendi стилдүү, төгүлүп турган кийимди сунуштады.
  • Агыш кездемеге салынган оймо-чийме жалгыз өзү турса кийимге көрк берет
  • Бул кийимди модага кызыккандардын азганактай гана бөлүгү кийбесе... Мини шуба.
  • Британиялык модельер Ким Жонс аялдар көп жерге кийип барганга жараган ыңгайлуу, көп кырдуу костюмдарга муктаж деп эсептейт. Ал коллекцияларында да ушул принципти карманат.
  • Жарашыктуу кийим. Модельерлер санга чейин жеткен узун өтүктөр кыска көйнөктөр менен жакшы айкалыша тургандыгын көрсөтүп берген.
  • Жеңил жана маанайды көтөргөн түстөр. Италиялык мода үйүнүн жазгы-жайкы коллекцияларынын бири.
  • Fendi сунуштаган жаңы коллекцияда 70-жылдардагы белгилүү иллюстраторлордун бири Антонио Лопестин мотивиндеги кооздуктар да бар
  • Fendi алып чыккан бул сапаркы коллекцияларына 80-жылдардагы моданы эске салган жасалма мехтен тигилген шубалар көп кирген
Миланда 21-сентябрдан бери Мода жумалыгы өтүүдө. Бул "Чоң төрттүктүн" үчүнчү фешн-аптасы. Адатта андагы коллекция көзгө дароо урунуп, көптөрдү кайдыгер калтырбайт.

Пандемия бул тармакка да өзүнүн таасирин тийгизип, кээ бир күндөрдө мода жумалыгы онлайн өттү. Шоу бүгүнкүгө чейин уланат.

Мода майрамын Fendi мода үйү ачып, маанай көтөргөн жазгы-жайкы коллекцияларын тартуулады.

Бул сапар подиумга ырчы Дуа Липа чыгып, тушоосун кести. Себеби ал аталган мода үйүнүн күзгү-кышкы компанияларынын жүзү болгон эле. Андан сырткары, подиумдун көркүн Ирина Шейк, Наоми Кэмпбелл, Жиджи Хадид, Эмили Ратаковски, Мадоннанын кызы Лурдес Леон, Имаан Хаммам жана башка белгилүү моделдер ачты.

Миландагы Мода жумалыгы кандай өтүп жаткандыгын Sputnik сунуштаган сүрөт түрмөктөн көрүңүз.

 

31
  • Австралиялык-судандык модель Адут Акеч жарым жылаңач болгон, үстүнө сала коймо кийимди көрсөтүп жатат
    © AFP 2021 / Tiziana Fabi

    Австралиялык-судандык модель Адут Акеч жарым жылаңач болгон, үстүнө сала коймо кийимди көрсөтүп жатат

  • Көпөлөктөй учкан модель. Италиялык Fendi мода үйүнүн жазгы-жайкы коллекциясы
    © AP Photo / Antonio Calanni

    Көпөлөктөй учкан модель. Италиялык Fendi мода үйүнүн жазгы-жайкы коллекциясы

  • Этникалык мотивде кийинип чыккан сулуу. Милан мода жумалыгындагы дагы бир костюм.
    © REUTERS / Alessandro Garofalo

    Этникалык мотивде кийинип чыккан сулуу. Милан мода жумалыгындагы дагы бир костюм.

  • Модага сөз жок. Мехтен жасалган жазгы шуба, моделдин бутунда болсо жайкы босоножка...
    © REUTERS / Alessandro Garofalo

    Модага сөз жок. Мехтен жасалган жазгы шуба, моделдин бутунда болсо жайкы босоножка...

  • Алтын түстү жакшы көргөндөргө жагымдуу жаңылык. Fendi стилдүү, төгүлүп турган кийимди сунуштады.
    © AP Photo / Antonio Calanni

    Алтын түстү жакшы көргөндөргө жагымдуу жаңылык. Fendi стилдүү, төгүлүп турган кийимди сунуштады.

  • Агыш кездемеге салынган оймо-чийме жалгыз өзү турса кийимге көрк берет
    © AFP 2021 / Tiziana Fabi

    Агыш кездемеге салынган оймо-чийме жалгыз өзү турса кийимге көрк берет

  • Бул кийимди модага кызыккандардын азганактай гана бөлүгү кийбесе... Мини шуба.
    © AFP 2021 / Tiziana Fabi

    Бул кийимди модага кызыккандардын азганактай гана бөлүгү кийбесе... "Мини" шуба.

  • Британиялык модельер Ким Жонс аялдар көп жерге кийип барганга жараган ыңгайлуу, көп кырдуу костюмдарга муктаж деп эсептейт. Ал коллекцияларында да ушул принципти карманат.
    © AP Photo / Antonio Calanni

    Британиялык модельер Ким Жонс аялдар көп жерге кийип барганга жараган ыңгайлуу, көп кырдуу костюмдарга муктаж деп эсептейт. Ал коллекцияларында да ушул принципти карманат.

  • Жарашыктуу кийим. Модельерлер санга чейин жеткен узун өтүктөр кыска көйнөктөр менен жакшы айкалыша тургандыгын көрсөтүп берген.
    © AFP 2021 / Tiziana Fabi

    Жарашыктуу кийим. Модельерлер санга чейин жеткен узун өтүктөр кыска көйнөктөр менен жакшы айкалыша тургандыгын көрсөтүп берген.

  • Жеңил жана маанайды көтөргөн түстөр. Италиялык мода үйүнүн жазгы-жайкы коллекцияларынын бири.
    © AP Photo / Antonio Calanni

    Жеңил жана маанайды көтөргөн түстөр. Италиялык мода үйүнүн жазгы-жайкы коллекцияларынын бири.

  • Fendi сунуштаган жаңы коллекцияда 70-жылдардагы белгилүү иллюстраторлордун бири Антонио Лопестин мотивиндеги кооздуктар да бар
    © REUTERS / Alessandro Garofalo

    Fendi сунуштаган жаңы коллекцияда 70-жылдардагы белгилүү иллюстраторлордун бири Антонио Лопестин мотивиндеги кооздуктар да бар

  • Fendi алып чыккан бул сапаркы коллекцияларына 80-жылдардагы моданы эске салган жасалма мехтен тигилген шубалар көп кирген
    © AP Photo / Antonio Calanni

    Fendi алып чыккан бул сапаркы коллекцияларына 80-жылдардагы моданы эске салган жасалма мехтен тигилген шубалар көп кирген

Белгилер:
Италия, Милан, мода, сүрөт
Тема боюнча
Толук кыз-келиндердин ажарын ачкан купальниктер. Мода жумалыгынан 12 сүрөт
Туман арасынан суурулган сулуулар. Көлдөгү көчмөндөр модасынан 12 ирмем
Коронавируска каршы Спутник Лайт вакцинасы. Архив

AstraZeneca менен "Спутник Лайтты" кошуп эмдөө майнаптуу экени айтылды. Иликтөө

25
(жаңыланган 16:45 27.09.2021)
Азербайжанда өткөн изилдөө ушул жылдын февралында башталган. Бүгүнкү күндө ыктыярчылардын саны 100гө жетти.

БИШКЕК, 27-сен. — Sputnik. Коронавируска каршы AstraZeneca жана "Спутник Лайт" вакциналарын кошуп эмделүү S-белогуна карата антителолордун кыйла көбөйө турганын көрсөттү. Азербайжандагы биргелешкен изилдөөнүн жыйынтыгы тууралуу Россиянын Түз инвестициялар фондунун (РТИФ) маалыматына таянып РИА Новости жазды.

"Анализдердин алдын ала жыйынтыгы боюнча иликтөөгө катышып, вакцина сайдырган ыктыярчылардын 85 пайызында SARS-CoV-2 вирусунун S-белогуна карата антителолордун деңгээли кеминде эле төрт эсеге көбөйгөнү аныкталган. Мындай натыйжа изилдөөнүн 57-күнүндө байкалды", — деп айтылат билдирүүдө.

Маалыматтар эки компонентти тең алган алгачкы 20 катышуучуга байкоо жүргүзгөндөн кийинки жыйынтыкка негизделди. Биринчи AstraZeneca сайылса, экинчи жолкусунда "Спутник Лайт" алган. Эки вакцинанын аралыгы 29 күндү түздү.

Азербайжанда өткөн изилдөө ушул жылдын февралында башталган. Бүгүнкү күндө ыктыярчылардын саны 100гө жетти.

Вакциналарды айкалыштыруу боюнча клиникалык иликтөөлөр Азербайжандан тышкары Бириккен Араб Эмирлиги менен Россияда жүргүзүлүп жатат. Эми Беларуста да өткөрүүгө жол ачылды.

Гетерогендик бустирлөө ("вакциналык коктейль") ыкмасы биринчи жолу "Спутник V" вакцинасынын негизинде пайдаланылган. РТИФ алгачкылардан болуп "Спутник V" препаратынын биринчи компонентин чет элдик вакциналар менен айкалыштыруу демилгесин көтөрүп чыккан.

2020-жылдын декабрында Россия президенти Владимир Путиндин катышуусунда РТИФ, Н.Ф. Гамалея борбору, "Р-Фарм" компаниялар тобу жана AstraZeneca компаниясы кызматташуу тууралуу макулдашууга кол коюшкан. Анда AstraZeneca менен "Спутник V" препаратынын биринчи компонентин айкалыштырып, комбинациянын коопсуздугун биргелешип изилдөөдөн өткөрүү каралган болчу.

25
Белгилер:
коронавирус, вакцина, эмдөө, Россия, 'Спутник Лайт' вакцинасы, AstraZeneca, Спутник V, препарат
Тема:
Дүйнөгө жайылган коронавирус (1546)
Тема боюнча
Вакцина алган энелердин карынында жаткан балдардан антитело табылды
Казакстанда коронавирустун нигериялык Eta штаммы аныкталды. Белгилери
Мектептеги карантин. Архив

Коронавирустан улам Бишкектеги мектептерде 13 класс жабылды. Тизме

38
(жаңыланган 18:47 27.09.2021)
Жалпысынан 13 класс убактылуу карантинге жабылган. Мэрия ата-энелерден ооруган балдарды мектеп, бала бакчага жибербей коё турууну суранды.

БИШКЕК, 27-сен. — Sputnik. Бишкектин кээ бир мектептеринде окуучулардан коронавирус аныкталгандыгына байланыштуу айрым класстар жабылды. Бул тууралуу мэриянын маалымат кызматы кабарлады.

Билдирмеге караганда, жалпысынан 13 класс убактылуу карантинге жабылган.

Биринчи май району:

  • №48 орто мектебинде бир класс, №70 мектепте бир класс;

Ленин району:

  • №9 мектепте эки класс, №13 мектепте бир класс, №8 мектепте бир класс;

Свердлов району:

  • №11 мектепте бир класс, №38 мектепте бир класс, №4 мектепте үч класс, №65 орто мектебинде бир класс, №66 мектепте бир класс.

Мэрия бекитилген алгоритм боюнча кайсы мектептин окуучуларында коронавирус аныктала турган болсо, класстар жабыларын эскертти.

"Урматтуу ата-энелер, эгер балаңыз ооруп кала турган болсо, аны мектепке же бала бакчага жибербей коё туруңуз. Анткени бала башкаларга да жугузуп, вирусту жайылтышы ыктымал", — деп айтылат маалыматта.

Жабылган класстардын окуучулары аралыктан окуп турары кошумчаланды.

38
Белгилер:
Бишкек мэриясы, коронавирус, окуучу
Тема:
Кыргызстандагы коронавирус
Тема боюнча
Вакцина алган энелердин карынында жаткан балдардан антитело табылды