Минсктеги бет капчан аялдар. Архив

Беларуста COVID-19дун төртүнчү толкуну башталганын айтты

98
(жаңыланган 18:10 20.09.2021)
Беларустун саламаттык сактоо министри классикалык эпидемиологиялык кырдаал да абалга өзүнүн таасирин тийгизерин айткан.

БИШКЕК, 20-авг. — Sputnik. Беларуста COVID-19дун төртүнчү толкуну башталды, медиктер аны эпидемиологиялык процесстен улам божомолдошууда. Бул тууралуу РИА Новости Беларустун саламаттык сактоо министри Дмитрий Пиневичтин айтканына таянып жазды.

Басылма "Беларуска COVID-19дун төртүнчү толкуну келди", — деген Пиневичтин сөзүн келтирген.

Министр Беларусь медиктери аталган оорунун төртүнчү толкунун эртерээк жарыя кылды деп жатат.

"Эпидемиологиялык процесске ылайык, бул толкун келет жана ал Беларуска жылдын бул мезгилине мүнөздүү болгон биздин классикалык эпидемиологиялык кырдаалга кошулат. Тилекке каршы, аба ырайы деле өзүнүн таасирин тийгизбейт. Андыктан ооруну кездештирип жатабыз", — деген министр.

Анын айтымына караганда, көйгөй өлкөдө ооругандар, ооруканага жаткандардын саны көбөйүп жаткандыгында. Пиневич анткен менен мында чукул кырдаал жоктугун, бирок абал саламаттык сактоо системасынан министрликтин ооруга каршы туруу планына жараша кынтыксыз иштөөнү талап кыларын айтты.

Саламаттык сактоо министрлигинин акыркы айткандарына таянсак, пандемия башталгандан тарта Беларуста 516 428 адам ооруп, 4004 бейтап көз жумду. Расмий статистика жыл башында республикада 9,35 миллион адам жашаарын билдирген эле.

98
Белгилер:
Беларусь, коронавирус, толкун, эпидемия
Тема:
Дүйнөгө жайылган коронавирус (1557)
Тема боюнча
Коронавирус кээри. Украинада өлгөндөрдү огородго да көмүшкөн
Тамеки чегип жаткан адам. Архив

Тамекинин түтүнү көзгө кандай зыян келтирерин окумуштуулар аныктап чыкты

92
Гифу университетинин окумуштууларынын айтымында, чылымдын түтүнү тарткандарга эле эмес, алардын жанында тургандардын да көзүнө кесепетин тийгизиши мүмкүн.

БИШКЕК, 18-окт. — Sputnik. Окумуштуулар тамекинин көзгө кандай зыян келтирерин жаңы иликтөөлөрүндө да аныктап чыккан. Бул туурасында Scientific Reports журналы жазган.

Чылымдын көздүн борбордук көрүүсүн камсыздаган фукциясына, глаукома менен катарактанын жаралышына таасирин тийгизери белгилүү. Мунун бардыгы көрүү органынын ички бөлүгүнө: эң ички челине, чечекейине, нервдерине тиешелүү.

Эми фармацевтикалык Гифу университетинин (Япония) окумуштуулары чылым көздүн сыртына, тагыраагы, түстүү челди жана каректи сыртынан каптап турган айнектей тунук челге зыянын тийгизерин аныктап чыгышкан.

"Бул көздүн коргоосуз болгон бөлүгү, көбүнчө айлана-тегеректеги нерселерден, химикаттардан, жарыктан жана инфекциялардан жабыркайт. Чылым чеккендер болжол менен алганда көздүн кургап кеткен синдромуна эки эсе көп кабылат. Көз кызарып жана суюктуксуз болот да, инфекцияларга туруштук бербей калат. Эгерде тамекинин түтүнү жана чылымдын ысыгандагысы айнек челге зыянын кандай тийгизгендигин аныктап алсак, анда аталган бөлүктү кантип ыңгайлуу кылып сактоонун жолун да табат элек", — деп айтып берген илимий изилдөөнүн автору Ватару Оцу.

Изилдөө түтүндүн курамындагы заттар айнек челдин сыртына темирдин улам жыйылып туруп калышына алып келерин, андан улам клеткалар өлөрүн көрсөткөн.

Окумуштуулар мындай зыян тамеки тарткандарга эле эмес, анын жанындагыларга да кесепетин тийгизиши мүмкүндүгүн айтышкан.

92
Белгилер:
Япония, окумуштуулар, чылым, көз, зыян, изилдөө, карек
Тема боюнча
Окумуштуулар чылым чегүүнү таштагандар эмнеге семирип кетерин түшүндүрдү
Психолог кеңсе кызматкерлери үчүн чылымды таштоо эмнеге кыйын экенин айтты
Москвадагы эмдөө пунктундаы адамдар. Архив

Эксперт Россияда COVID-19дун көбөйүп жаткан себебин түшүндүрдү

86
(жаңыланган 21:50 18.10.2021)
РФтин эмгек сиңирген дарыгери Владимир Круглый коронавирус инфекциясынын жаңы штаммы агрессиялуу келип жана тез жуга тургандыгын айтты.

БИШКЕК, 18-окт. — Sputnik. Россияда ооруканага түшүп каза тапкандардын, ооругандардын көп болуп жаткандыгына COVID-19дун башка штаммдары жана дельта-штаммдын арбын жайылып кетиши себепкер. Бул туурасында россиялык сенатор, педиатр, РФтин эмгек сиңирген дарыгери Владимир Круглый Sputnik маалымат агенттигинин маалымат борборундагы видео көпүрөдө айтты.

"Мен изилдене элек жаңы штаммдардын бар экендигинен шек санабайм. Инфекциянын мурдагыдан да агрессивдүү жана тез жуга баштагандыгы чындык. Анын инкубациялык мөөнөтү кыскарды. Тагыраагы, мурдагыларга караганда тез тарап, бейтаптын абалын заматта начарлатып жиберип жатат", — деди дарыгер.

Ал саламаттык сактоо системасы болушунча иштеп жаткандыгын айтты

"Ойлонткон нерсе саламаттык сактоо системасынын абалы, ал бардык жерде жаралган кыйынчылыктар менен күрөшүүдө. Эгерде Москва жана башка ири шаарларда кандайдыр бир резервдер болсо, аймактарда абал өтө начар. Бир нече күн мурда облустардын биринин губернатору аны цунами менен салыштырды. Чындыгында бул инфекция цунамиси РФтин аймактарына тарады", — деген Круглый.

Ал абалга таасир этип жаткан нерсе эмдөөнүн жай жүрүп жаткандыгы деп белгилеген.

Эске салсак, акыркы күндөрү Россияда эпидемиологиялык абалдын начарлап бара жаткандыгы байкалууда. Бир күндө коронавирустан каза тапкандардын саны миң кишиден ашып кетти.

86
Белгилер:
Россия, коронавирус, жаңы штамм, вакцина
Тема:
Дүйнөгө жайылган коронавирус (1557)
Тема боюнча
AstraZeneca менен "Спутник Лайтты" кошуп эмдөө майнаптуу экени айтылды. Иликтөө
COVID алып кеткен өмүрлөр жана ооругандар. 9-октябрга карата дүйнөлүк статистика
Аламүдүн району төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты

Аламүдүн: суу сактагычтан эркек кишинин сөөгү табылды. Сүрөт

0
(жаңыланган 00:27 19.10.2021)
Куткаруучулар 40-45 жаштагы эркек кишинин сөөгүн каналдан алып чыгып, аны милиция кызматкерлерине өткөрүп беришкен.

БИШКЕК, 19-окт. — Sputnik. Аламүдүн районунун төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты. Бул туурасында ӨКМдин маалымат кызматынан кабарлашты.

Окуя болгон жерге Аламүдүн райондук ӨКБден төрт куткаруучу барган. Алар 40-45 жаштагы эркек кишинин сөөгүн каналдан алып чыгып, милиция кызматкерлерине өткөрүп беришкен.

0
Белгилер:
Кыргызстан, Аламүдүн району, канал, өлүк, куткаруучу
Тема боюнча
Куткаруучулар суудан башка адамды издеп жатып, белгисиз сөөктү алып чыкты. Сүрөт