Дүйнөдөгү эң бай адамдын канча акчасы бар экени айтылды. Жаңыланган рейтинг

© AFP / BRITTA PEDERSENSpaceX жана Tesla компанияларынын ээси Илон Маск. Архив
SpaceX жана Tesla компанияларынын ээси Илон Маск. Архив - Sputnik Кыргызстан, 1920, 29.09.2021
Жазылуу
Масктын байлыгы биринчи ирет 200 миллиард доллардан ашып, буга чейин биринчи орунда турган Безосту артта калтырган.

БИШКЕК, 29-сен. — Sputnik. SpaceX жана Tesla компанияларынын ээси Илон Маск дүйнөдөгү эң бай адамдардын рейтингинин сап башына чыкты. Бул тууралуу РИА Новости Forbes Real-Time порталына таянып жазды.

Масктын байлыгы биринчи ирет 200 миллиард доллардан ашып, буга чейин сап башында турган Amazon компаниясынын негиздөөчүсү Жефф Безосту артта калтырган.

Microsoft компаниясынын негиздөөчүсү Билл Гейтс. Архив - Sputnik Кыргызстан, 1920, 10.08.2021
Билл Гейтс ажырашкандан кийин бай адамдардын тизмесинде ылдыйлап калды
Дүйшөмбүдөгү соода биржасынын жабылышы менен ишкердин активи 203,4 миллиард долларга бааланган. Анын байлыгы бир сутканын аралыгында эле 3,8 миллиардга көбөйгөн. Ошону менен катар Маск кирешеси 200 миллиард доллардан ашкан дүйнөдөгү үчүнчү адам аталып калды. Бул көрсөткүчкө биринчи болуп 2020-жылы августта Безос, анын артынан Louis Vuitton Moët Hennessy (LVMH) тобунун президенти Бернар Арно жеткен.

Безостун байлыгы бул ирет 197,7 миллиард долларга бааланып, рейтингдин экинчи орунун ээледи. Ал эми 175,7 миллиард доллар жыйнаган Арно үчүнчү орунду алды. Microsoft компаниясынын негиздөөчүсү Билл Гейтс төртүнчүгө (132 миллиард доллар), Facebook тармагынын негиздөөчүсү Марк Цукерберг (126,4 миллиард доллар) бешинчиге илинген.

Жаңылыктар түрмөгү
0