АКШ армиясынын курал жарактары. Архив

АКШнын Афганистанда калган курал-жарактары 85 миллиард долларга бааланды

305
(жаңыланган 10:27 01.10.2021)
Шугаевдин айтымында, Афганистанда сооттолгон миңдеген автоунаа, мылтык, жүздөгөн тик учак жана учак калган.

БИШКЕК, 1-окт. — Sputnik. Америкалыктардын Афганистанда калган курал-жарактарынын баасы болжол менен 85 миллиард доллар болушу ыктымал. Бул тууралуу Россиянын аскердик-техникалык федералдык кызматынын директору Дмитрий Шугаев "Звезда" телеканалына маек берип жатып айтканын РИА Новости жазды.

"85 миллиард доллар деген эмне деген сумма? Афганистанда брондолгон 22 миң автоунаа, 358 миң автоматтык мылтык, 176 артиллериялык жабдуу, 8 миң жүк ташуучу автоунаа, учак, жүздөн ашык тик учак калган", — деген ал.

Шугаев АКШ армиясынын Афганистандан шашылыш чыгып кетишин "мындан жаман сценарийди ойлоп табууга мүмкүн болгон эмес" деп белгилеген.

Белгилей кетсек, Афганистандагы кырдаал Америка өз аскерлерин чыгарып кете баштаган соң кескин курчуган. Август айынын башында "Талибан" * кыймылы Афганистандын аскер күчтөрүнө чабуулун активдештирип, 15-августта Кабулду басып алган. Анын эртеси эле согуш токтогонун жар салышкан. Августтун акыркы эки жумасы америкалык аскерлердин көзөмөлүндө болгон Кабул аэропортунан Батыштын жарандары жана алар менен кызматташкан афгандар массалык түрдө эвакуацияланган. 31-августка караган түнү дээрлик 20 жылга жакын Афганистанда болгон АКШ аскерлерин Кабул аэропортунан чыгарып кетишкен.

* — Кыргызстанда жана башка мамлекеттерде тыюу салынган уюм

305
Белгилер:
Афганистан, АКШ, Аскер, курал-жарак, нарк
Тема боюнча
Казакстан Талибан* өкмөтүнө элчисин жиберип, сүйлөшүү жүргүздү
Өлкөсүндө демократия жетишсиз! Талибдер Эмомали Рахмонду сынга алды
Россия ТИМи тажик-афган чек арасындагы абал тууралуу үн катты
Индиядагы үлпөт тою. Архив

Суу ташкынга карабай тоюна чоң казанга отуруп келген түгөйлөр. Индиядагы видео

1
(жаңыланган 09:58 22.10.2021)
Болочок жубайлар журналисттерге баш кошуу үчүн атайын эмгек өргүү алгандыктан салтанатты кийинкиге жылдыргысы келбегенин айтып берген.

БИШКЕК, 22-окт. — Sputnik. Индиянын Керала штатында сүйүшкөндөр суу ташкынына карабастан баш кошушту. Бул тууралуу Russia Today телеканалы жазды.

Жуптардын үлпөтү боло турчу жайга чейинки жолдорду суу каптагандыктан, экөө тамак бышырган чоң казанга отуруп алып барган.

​Социалдык тармакка тараган видеолордон жаштарга суудан сүзүп өтүүгө салтанаттын коноктору жардам бергенин көрүүгө болот.

Жергиликтүү ЖМКлар болочок жубайлар Алаппужа шаарында медицина кызматкери болуп иштей турганын билишкен. Алар журналисттерге баш кошуу үчүн атайын эмгек өргүү алгандыктан салтанатты кийинкиге жылдыргысы келбегенин айтып берген. Күйөө бала башка транспорт таппай койгонун жана айрым жерлерин суу каптап кеткенине карабастан иш-чараны өткөрүүгө макул болгон чиркөөнүн администрациясына ыраазычылык билдирген.

"Бул биз кыялданбаган үлпөт тойго айланып кетти", — деген колукту.

Өткөн дем алыш күндөрү нөшөрлөгөн жамгыр Керала штатында сел менен жер көчкүгө айланып, кеминде 22 адам каза болгон. Куткаруу иштерин армия жана флот жүргүздү.

1
Белгилер:
Индия, суу каптоо, үлпөт, видео, казан
Тема боюнча
Жадыбалды билбей калган жигитке турмушка чыкпай койду. Индиялык кыздын окуясы
Түгөйлөр. Архивдик сүрөт

Германияда бойго бүтүүдөн коргоочу инновациялык аппарат ойлоп табышты

47
Аппаратты эркектин жыныстык органына жакын алып келип, бир аз убакытка иштетип кармап туруу керек. Андан чыккан ультраүндүү толкундар бел суунун активдүүлүгүн эки айга чейин токтотуп коёт.

БИШКЕК, 22-окт. – Sputnik. Германиялык дизайнер Ребекка Вайс адистер менен биргеликте эркектин уругунун активдүүлүгүн басаңдатып, бойго бүтүүдөн сактай турган аппарат ойлоп тапты. Бул тууралуу National Geographic Россия басылмасы жазды.

Жаңы аппарат эркектин уругунун активдүүлүгүн ультраүндүү толкундар менен басаңдатып коёт.

"Аппаратты эркектин жыныстык органына жакын алып келип, бир аз убакытка иштетип кармап туруу керек. Бул процедураны эки апта бою кайталоо зарыл. Андан чыккан ультраүндүү толкундар бел суунун активдүүлүгүн эки айга чейин токтотуп коёт. Тагыраак айтканда, урук энелик бездер менен биригип жаңы жашоо жарата албай калат. Бирок анын ден соолукка зыяны жок", — деди Вайс.

Аппаратты иштеп чыккандар алардын табылгасы үй-бүлөнү пландоодо көптөр күткөн жакшы жардамчы болот деп эсептейт.

"Азыркы бойго бүтүп калуудан коргоочу каражаттар бардык эле түгөйлөргө жага бербейт. Ден соолукка дагы залакасын тийгизиши мүмкүн. Мисалы, мага бул идея өзүм жатын моюнчасынын рагына кабылгандан кийин келди. Көп жылдар бою сактануу үчүн гормоналдык дары-дармектерди ичип жүрүп, кийин дартка чалдыктым", — деди адис.

Негизинен ушул сыяктуу аппарат буга чейин жаныбарларга колдонулуп келген, дизайнер аны адамга ылайыктап жасап чыккан. Бирок аны расмий түрдө сатыкка алып чыгуу үчүн клиникалык сыноодон өткөрүү керек.

Баса, идеянын автору бул табылгасы үчүн мыкты инженердик долбоорлорго ыйгарыла турган Жеймс Дайсон атындагы эл аралык сылыкка ээ болду.

47
Белгилер:
Германия, аял, эркек, ден соолук, тукум
Тема боюнча
Окумуштуулар аялдар төрөттөн кийин канча жылга картая турганын айтты