Беларусь президенти Александр Лукашенко. Архивдик сүрөт

Лукашенко президенттик тактыдан кандай шартта кете турганын айтты

277
(жаңыланган 17:48 02.10.2021)
Журналист Лукашенко президенттик тактыда 27 жылдан бери отурганын айтып, анын кызматтан качан кетерин сураган.

БИШКЕК, 2-окт. — Sputnik. Беларусь президенти Александр Лукашенко CNN телеканалына маек берип жатып өмүрү өткөнчө президент болбой турганын айтып, бирок Батыш кысым көрсөтсө, өлкөнүн көз карандысыздыгын коргоо үчүн өмүр бою бул кызматта каларын белгилеген. Бул тууралуу РИА Новости жазды.

"Өмүрүмдүн аягына чейин президент болбойм деп сөз берем. Убада кылам. Баары Беларустагы кырдаалга байланыштуу болот. Эгер силер бизге кийлигишпесеңер, өзүбүздү көз карандысыз мамлекет катары тынч, ишенимдүү сезсек анда баары ойлогонуңардан да эрте болушу ыктымал. Бирок эгер былтыркы жылдагыдай өлкөдөгү окуяларга дагы бир жолу кийлигишсеңер, эскертип коёюн, анда баары жаман болот", — деген Лукашенко.

Журналист Лукашенко президенттик тактыда 27 жылдан бери отурганын айтып, анын кызматтан качан кетерин сураган.

"Силер айткандай, мен 27 жылдан бери элиме кызмат кылып келе жатам. Бирок азыр кызматтан кете турчу куракка келе элекмин. Эгер эл тандап жатса, ден соолугу болсо, президент канча кааласа ошончо жыл өлкөнү башкара алат. Азыр бизде кырдаал оңой эмес. Ошол себептен бул кызматка энергияга бай, эл тандаган таза адам келиши керек", — деген ал.

Лукашенко баары тынч болгон учурда гана тактыны бошото турганын белгилеген.

"Беларустун биринчи президенти катары түптөп кеткен нерсем талкаланып калбашы керек. Эгер силер дайыма кысым көрсөтүп, талкалап, өзүбүздүн сөз эркиндигибизди, көз карандысыздыгыбызды тартып алууга аракет кыла берсеңер, мен өмүр боюнча президент болуп калам. Беларусь эли менен түзүп, түптөп кеткен нерсемди коргойм. Керек болсо ал үчүн өмүрүмдү садага чабам", — деп жооп берген Лукашенко.

Беларуста президенттик шайлоо 2020-жылдын 9-августунда өткөн. Анда Александр Лукашенко элдин 80,1 пайыз добушун алып, алтынчы ирет мамлекет башчы болуп шайланган. Шайлоодон кийин өлкөдө оппозиция каршылык акцияларды уюштуруп, аларды таратуу үчүн тартип сакчылар атайын техникаларга чейин колдонушкан. Өлкөдө бир топ убакытка чейин туруксуздук өкүм сүргөн.

277
Белгилер:
Беларусь, журналист, маек, президент
Тема боюнча
Лукашенко Батыштагы каршылаштарына укуругу узун экенин көрсөттү
Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды

Москва: Sputnik радиосунда КМШ журналисттери билимин тереңдетүүдө. Сүрөттөр

14
SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс.

БИШКЕК, 27-окт. — Sputnik. Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды.

  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды
    © Sputnik
  • Заместитель главного редактора Sputnik Андрей Благодыренко (слева) во время очной сессии просветительского проекта SputnikPro для молодых журналистов из стран СНГ в Москве
    Катышуучулардын арасында PRIME (Молдавия), Жетинчи канал (Казакстан), Абхазия мамлекеттик телерадиокомпаниясы (Абхазия), Гомель радиосу (Беларусь), Caspian International Broadcasting Company (Азербайжан), kundemi.kg (Кыргызстан), halva.tj (Тажикстан), erit.am (Армения) ЖМКларынын өкүлдөрү бар
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Sputnik мастер-класстары эки күн өткөрүлмөкчү
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Анда Sputnik агенттигинин бөлүмдөрүнүн жетекчилери, ошондой эле белгилүү россиялык журналисттер менен эксперттер тажрыйбасы менен бөлүшөт
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Долбоор 2018-жылдын жаз айларынан башталып, Беларусь, Азербайжан, Армения, Грузия жана Кыргызстандын медиа айдыңында жогорку баага татып келет.
    © Sputnik
1 / 6
© Sputnik
Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды

Катышуучулардын арасында PRIME (Молдавия), Жетинчи канал (Казакстан), Абхазия мамлекеттик телерадиокомпаниясы (Абхазия), Гомель радиосу (Беларусь), Caspian International Broadcasting Company (Азербайжан), kundemi.kg (Кыргызстан), halva.tj (Тажикстан), erit.am (Армения) ЖМКларынын өкүлдөрү бар.

Sputnik мастер-класстары эки күн өткөрүлмөкчү.

"Акыркы учурда универсалдуу журналистика тууралуу көбүрөөк сөз боло баштады. Бир эле киши маек алганды, видео, сүрөт тартканды, түз эфирге чыгууну билиши замандын талабы. Биз өзүбүздүн SputnikPro долбоорубузда журналисттерди ар тараптуу кылганга аракет кылабыз", — деди Sputnik радиосунун башкы редакторунун орун басары Андрей Благодыренко.
Заместитель главного редактора Sputnik Андрей Благодыренко во время очной сессии просветительского проекта SputnikPro для молодых журналистов из стран СНГ в Москве
© Sputnik
Sputnik радиосунун башкы редакторунун орун басары Андрей Благодыренко

Ал эми erit.am порталынын журналисти Яна Шахраманян долбоор тууралуу төмөнкүдөй оюн билдирди.

"Азырынча бизде алгачкы гана лекциялар өтүп жатат. Бирок мен бул жерде өтө зарыл, заманбап нерселерди талкуулап жатканыбызды жакшы түшүндүм. Азыр биз журналист күн сайын башынан өткөрө турган нерселерди кеп кылуудабыз", — деди ал.

SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс. Анда Sputnik агенттигинин бөлүмдөрүнүн жетекчилери, ошондой эле белгилүү россиялык журналисттер менен эксперттер тажрыйбасы менен бөлүшөт. Долбоор 2018-жылдын жаз айларынан башталып, Беларусь, Азербайжан, Армения, Грузия жана Кыргызстандын медиа айдыңында жогорку баага татып келет.

Sputnik — 32 тилде жарык көргөн мультимедиалык интернет-сайттардан турган эл аралык ири ЖМК. Ал өзүнө дүйнөнүн 90дон ашык шаарларында жана интернетте орус, англис, француз жана башка тилдерде сүйлөгөн радиолорду камтыйт.

Ал эми Sputnik жаңылыктар түрмөгү англис, араб, испан, кытай жана фарс тилдеринде окурмандарга күнү-түнү маалымат жеткирип турат. Sputnik маалымат ресурсунун окурмандарынын саны айына 60 миллиондон ашат. Sputnik China аккаунтунун Sina Weibo социалдык тармагындагы катталуучулардын саны 9 миллиондон ашты. Дүйнө жүзү боюнча Пекинден тарта Монтевидеого чейинки 22 редакциялык борбордо ондогон улуттагы миңден ашык адам эмгектенет. Sputnik "Россия сегодня" медиатобунун курамына кирет. Башкы кеңсеси Москва шаарында.

14
Белгилер:
Sputnik, 'Россия Сегодня' ЭМА, SputnikPro, долбоор
Тема боюнча
SputnikPro долбоору эл аралык IPRA Golden World Awards сыйлыгына татыды
SputnikPro долбоору: дүйнө жүзүндөгү журналисттерге мастер-класс өткөрүлдү
Багдад шаары, Ирак. Архив

ТИМ Багдадда каза тапкан кыргызстандык аялдын өлүмүн териштирип жатат

286
Буга чейин журналисттерге аялдын тууганы кайрылып, сиңдиси бир нече күндөн бери жок экенин айткан. ТИМ анын каза тапканын тастыктады.

БИШКЕК, 27-окт. — Sputnik. Иракта кыргызстандык аял көз жумуп, сөөгүн мекенге алып келүү иштери жүрүүдө. Бул тууралуу ТИМдин маалымат кызматы кабарлады.

Буга чейин ЖМКлардын бирине аялдын тууганы кайрылып, сиңдиси бир нече күндөн бери байланышка чыкпай жатканын айткан. Анын айтымында, тууганы эки жума мурун өзү иштеген сулуулук салонунун жетекчиси менен уруша кеткен.

ТИМ кечээ, 26-октябрда, Ирак тарап менен сүйлөшүүлөр жүргүзүлгөнүн билдирди. Көз жумган С.М. аттуу аялдын сөөгү Багдаддагы өлүкканада экени белгилүү болгон.

Кыргызстандын Кувейттеги элчилигине аялдын каза болгону тууралуу күбөлүктүн көчүрмөсү да келген. Анын өлүмүнүн себебин билүү үчүн соттук-медициналык экспертизанын жыйынтыгы чыгышы керек.

ТИМ учурда маркумдун күйөөсүнө виза алып берип, сөөктү Кыргызстанга жөнөтүүгө көмөктөшүүдө. Министрлик бул маселе көзөмөлүндө экенин белгиледи.

286
Белгилер:
Ирак, Багдад, Кыргызстан, ТИМ, аял, өлүм, териштирүү
Тема боюнча
Түркия: кыргызстандык келинди кайнатасы эмнеге өлтүргөнүн айтып берди
Сом монеталары. Архив

Парламент Салык кодексинин жаңы редакциясын биринчи окууда жактырды

13
(жаңыланган 16:21 27.10.2021)
Документте Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталган.

БИШКЕК, 27-окт. — Sputnik. Жогорку Кеңештин депутаттары Салык кодексинин жаңы редакциясынын долбоорун биринчи окууда жактырды.

Салык боюнча жаңы документти биринчи окуудан өткөрүүгө 80 депутат макулдук берип, каршы чыккандар болгон жок.

Жыйында экономика жана коммерция министри Данияр Амангельдиев баяндама жасап, мыйзам долбоору салык мыйзамдарын заманбап экономикалык шарттарга айкалыштырууга, салыктык жол-жоболорду санариптештирүүгө, ишкердикти жүргүзүүдө бирдей шарт түзүүгө жана көмүскө экономиканы кыскартууга багытталганын белгиледи.

Муну менен катар Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталууда. Ал эми тигүү, зергерчилик, авиациялык, электробус тармактарында салыктык жеңилдиктер каралган.

13
Белгилер:
салык кодекси, парламент, жактыруу, долбоор
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси