Боевик Талибана кладет свой автомат АК-47 во время пятничной молитвы в мечети в Кабуле (Афганистан). 10 сентября 2021 года

ЖМК: талибдер Тажикстан менен чектешкен аймакка жан кечтилердин батальонун жөнөтөт

4163
Мансурдун армиясы" деп аталган батальон Афганистандын мурдагы өкмөтүнүн коопсуздук күчтөрүнө каршы чабуул жасаган.

БИШКЕК, 3-окт. — Sputnik. "Талибан"* кыймылынын согушкерлери Тажикстан менен чектешкен аймакка террорчу жан кечтилерден турган атайын батальон жөнөтүү алдында турат. Бул тууралуу Khaama Press афган басылмасы Бадашхандын түндүк-чыгыш провинциясынын губернаторунун орун басары Нисар Ахмад Ахмадиге таянып кабарлаганын "Известия" жазды.

Атайын батальон "Мансурдун армиясы" деп аталат. Ал кыймыл лидерлеринин бири 2016-жылы каза болгон Ахтар Мансурдун атынан коюлган.

Аталган топ Афганистандын чек ара аймактарына, анын ичинде Бадашхан провинциясына жайгаштырылары айтылды. Тажикстан менен чектешкен аймак бул мамлекетте эң узун чек аралардын бири. Чыгышында Кытай жана Пакистан менен чектешет.

Ахмадинин айтымында, атайын бөлүмдөр жан кечтилер батальонунун принциптери боюнча иш алып барышат. Дал ушул батальон Афганистандын мурдагы өкмөтүнүн коопсуздук күчтөрүнө каршы чабуул жасаган.

"Эгер бул батальон болбогондо АКШ жеңилмек эмес. Алар жардыргыч салынган жилетка менен Американын Афганистандагы базаларын жардырмакчы. Булар кудайга кызмат кылган, эч нерседен коркпогон адамдар", — деген ал.

Буга чейин 30-сентябрда "Талибан"* кыймылынын өкүлү Билал Карими Тажикстан менен чектешкен аймакка күч тартуу тууралуу маалымат чындыкка дал келбей турганын айткан. Тажикстандын күч түзүмдөрүндөгү булактар дагы эки мамлекеттин чек арасындагы кырдаал тынч экенин билдиришкен.

Белгилей кетсек, Афганистандагы кырдаал Америка өз аскерлерин чыгарып кете баштаган соң кескин курчуган. Август айынын башында "Талибан"* кыймылы Афганистандын аскер күчтөрүнө чабуулун активдештирип, 15-августта Кабулду басып алган. Анын эртеси эле согуш токтогонун жар салышкан. Августтун акыркы эки жумасы америкалык аскерлердин көзөмөлүндө болгон Кабул аэропортунан Батыштын жарандары жана алар менен кызматташкан афгандар массалык түрдө эвакуацияланган. 31-августка караган түнү дээрлик 20 жылга жакын Афганистанда болгон АКШ аскерлерин Кабул аэропортунан чыгарып кетишкен.

* — Кыргызстанда жана башка мамлекеттерде тыюу салынган уюм

4163
Белгилер:
Тажикстан, Афганистан, 'Талибан' кыймылы, батальон, күч
Тема:
Афган бийлиги менен талибдердин тиреши (266)
Тема боюнча
Россия ТИМи тажик-афган чек арасындагы абал тууралуу үн катты
Өлкөсүндө демократия жетишсиз! Талибдер Эмомали Рахмонду сынга алды
Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды

Москва: Sputnik радиосунда КМШ журналисттери билимин тереңдетүүдө. Сүрөттөр

2
SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс.

БИШКЕК, 27-окт. — Sputnik. Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды.

  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды
    © Sputnik
  • Заместитель главного редактора Sputnik Андрей Благодыренко (слева) во время очной сессии просветительского проекта SputnikPro для молодых журналистов из стран СНГ в Москве
    Катышуучулардын арасында PRIME (Молдавия), Жетинчи канал (Казакстан), Абхазия мамлекеттик телерадиокомпаниясы (Абхазия), Гомель радиосу (Беларусь), Caspian International Broadcasting Company (Азербайжан), kundemi.kg (Кыргызстан), halva.tj (Тажикстан), erit.am (Армения) ЖМКларынын өкүлдөрү бар
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Sputnik мастер-класстары эки күн өткөрүлмөкчү
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Анда Sputnik агенттигинин бөлүмдөрүнүн жетекчилери, ошондой эле белгилүү россиялык журналисттер менен эксперттер тажрыйбасы менен бөлүшөт
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Долбоор 2018-жылдын жаз айларынан башталып, Беларусь, Азербайжан, Армения, Грузия жана Кыргызстандын медиа айдыңында жогорку баага татып келет.
    © Sputnik
1 / 6
© Sputnik
Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды

Катышуучулардын арасында PRIME (Молдавия), Жетинчи канал (Казакстан), Абхазия мамлекеттик телерадиокомпаниясы (Абхазия), Гомель радиосу (Беларусь), Caspian International Broadcasting Company (Азербайжан), kundemi.kg (Кыргызстан), halva.tj (Тажикстан), erit.am (Армения) ЖМКларынын өкүлдөрү бар.

Sputnik мастер-класстары эки күн өткөрүлмөкчү.

"Акыркы учурда универсалдуу журналистика тууралуу көбүрөөк сөз боло баштады. Бир эле киши маек алганды, видео, сүрөт тартканды, түз эфирге чыгууну билиши замандын талабы. Биз өзүбүздүн SputnikPro долбоорубузда журналисттерди ар тараптуу кылганга аракет кылабыз", — деди Sputnik радиосунун башкы редакторунун орун басары Андрей Благодыренко.
Заместитель главного редактора Sputnik Андрей Благодыренко во время очной сессии просветительского проекта SputnikPro для молодых журналистов из стран СНГ в Москве
© Sputnik
Sputnik радиосунун башкы редакторунун орун басары Андрей Благодыренко

Ал эми erit.am порталынын журналисти Яна Шахраманян долбоор тууралуу төмөнкүдөй оюн билдирди.

"Азырынча бизде алгачкы гана лекциялар өтүп жатат. Бирок мен бул жерде өтө зарыл, заманбап нерселерди талкуулап жатканыбызды жакшы түшүндүм. Азыр биз журналист күн сайын башынан өткөрө турган нерселерди кеп кылуудабыз", — деди ал.

SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс. Анда Sputnik агенттигинин бөлүмдөрүнүн жетекчилери, ошондой эле белгилүү россиялык журналисттер менен эксперттер тажрыйбасы менен бөлүшөт. Долбоор 2018-жылдын жаз айларынан башталып, Беларусь, Азербайжан, Армения, Грузия жана Кыргызстандын медиа айдыңында жогорку баага татып келет.

Sputnik — 32 тилде жарык көргөн мультимедиалык интернет-сайттардан турган эл аралык ири ЖМК. Ал өзүнө дүйнөнүн 90дон ашык шаарларында жана интернетте орус, англис, француз жана башка тилдерде сүйлөгөн радиолорду камтыйт.

Ал эми Sputnik жаңылыктар түрмөгү англис, араб, испан, кытай жана фарс тилдеринде окурмандарга күнү-түнү маалымат жеткирип турат. Sputnik маалымат ресурсунун окурмандарынын саны айына 60 миллиондон ашат. Sputnik China аккаунтунун Sina Weibo социалдык тармагындагы катталуучулардын саны 9 миллиондон ашты. Дүйнө жүзү боюнча Пекинден тарта Монтевидеого чейинки 22 редакциялык борбордо ондогон улуттагы миңден ашык адам эмгектенет. Sputnik "Россия сегодня" медиатобунун курамына кирет. Башкы кеңсеси Москва шаарында.

2
Белгилер:
Sputnik, 'Россия Сегодня' ЭМА, SputnikPro, долбоор
Тема боюнча
SputnikPro долбоору эл аралык IPRA Golden World Awards сыйлыгына татыды
SputnikPro долбоору: дүйнө жүзүндөгү журналисттерге мастер-класс өткөрүлдү
Багдад шаары, Ирак. Архив

ТИМ Багдадда каза тапкан кыргызстандык аялдын өлүмүн териштирип жатат

253
Буга чейин журналисттерге аялдын тууганы кайрылып, сиңдиси бир нече күндөн бери жок экенин айткан. ТИМ анын каза тапканын тастыктады.

БИШКЕК, 27-окт. — Sputnik. Иракта кыргызстандык аял көз жумуп, сөөгүн мекенге алып келүү иштери жүрүүдө. Бул тууралуу ТИМдин маалымат кызматы кабарлады.

Буга чейин ЖМКлардын бирине аялдын тууганы кайрылып, сиңдиси бир нече күндөн бери байланышка чыкпай жатканын айткан. Анын айтымында, тууганы эки жума мурун өзү иштеген сулуулук салонунун жетекчиси менен уруша кеткен.

ТИМ кечээ, 26-октябрда, Ирак тарап менен сүйлөшүүлөр жүргүзүлгөнүн билдирди. Көз жумган С.М. аттуу аялдын сөөгү Багдаддагы өлүкканада экени белгилүү болгон.

Кыргызстандын Кувейттеги элчилигине аялдын каза болгону тууралуу күбөлүктүн көчүрмөсү да келген. Анын өлүмүнүн себебин билүү үчүн соттук-медициналык экспертизанын жыйынтыгы чыгышы керек.

ТИМ учурда маркумдун күйөөсүнө виза алып берип, сөөктү Кыргызстанга жөнөтүүгө көмөктөшүүдө. Министрлик бул маселе көзөмөлүндө экенин белгиледи.

253
Белгилер:
Ирак, Багдад, Кыргызстан, ТИМ, аял, өлүм, териштирүү
Тема боюнча
Түркия: кыргызстандык келинди кайнатасы эмнеге өлтүргөнүн айтып берди
Сом монеталары. Архив

Парламент Салык кодексинин жаңы редакциясын биринчи окууда жактырды

0
(жаңыланган 16:21 27.10.2021)
Документте Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталган.

БИШКЕК, 27-окт. — Sputnik. Жогорку Кеңештин депутаттары Салык кодексинин жаңы редакциясынын долбоорун биринчи окууда жактырды.

Салык боюнча жаңы документти биринчи окуудан өткөрүүгө 80 депутат макулдук берип, каршы чыккандар болгон жок.

Жыйында экономика жана коммерция министри Данияр Амангельдиев баяндама жасап, мыйзам долбоору салык мыйзамдарын заманбап экономикалык шарттарга айкалыштырууга, салыктык жол-жоболорду санариптештирүүгө, ишкердикти жүргүзүүдө бирдей шарт түзүүгө жана көмүскө экономиканы кыскартууга багытталганын белгиледи.

Муну менен катар Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталууда. Ал эми тигүү, зергерчилик, авиациялык, электробус тармактарында салыктык жеңилдиктер каралган.

0
Белгилер:
салык кодекси, парламент, жактыруу, долбоор
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси