UFC уюмунун жеңилбес чемпиону, россиялык мушкер Хабиб Нурмагомедов. Архив

Бири жарк этип, бири жылмайып. Хабиб менен Роналдунун кызыктуу видеосу

559
(жаңыланган 10:16 06.10.2021)
Дүйнөлүк деңгээлдеги спорт жылдыздарынын тамашалуу көз караштар таймашы интернетке жарыяланып, социалдык тармактардын колдонуучуларынын ичин жылытты.

БИШКЕК, 6-окт. — Sputnik. UFC уюмунун жеңилбес чемпиону, россиялык мушкер Хабиб Нурмагомедов футболдун жылдызы Криштиану Роналду менен кезикти.

Жолугушуу учурундагы сүрөт жана видеолорду Нурмагомедов өзүнүн Instagram аккаунтуна жарыялады.

Алар Англияда "Манчестер Юнайтед" (Роналду ойногон клуб — ред.) менен "Эвертондун" беттешинен кийин жолугушту. Спортчулар тамаша иретинде көз караштар таймашын өткөргөн.

"Сен дүйнөдөгү миллиондогон адамдарга дем бересиң", — деп жазды Нурмагомедов Криштиану Роналдуну белгилеп.

Эске салсак, сентябрь айынын башында Роналду Португалия курамасынын сабында эки гол киргизип, улуттук команда үчүн дүйнөлүк рекорд жараткан.

559
Белгилер:
Хабиб Нурмагомедов, Криштиану Роналду, футбол, жолугушуу, спорт, көз караштар таймашы
Тема боюнча
Роналдунун "Манчестер Юнайтеддин" курамында машыккан алгачкы видеосу
Хабиб Нурмагомедов алдыдагы беш жылдык планын айтты

Чыгыштын сулуулары Египеттеги кинофестивалдын кызыл килеминде. 15 сүрөт

86
  • Кинофестивалга келген ливандык ырчы Майя Диаб
  • Саудиялык белгилүү теле алып баруучу Лоджайн Омран кызыл килемде бут кийимин чечип жатат
  • Египеттик модель Хеба Эль-Сиси кинофестивалдын алкагында тасма көрсөтүү учурунда
  • Кызыл килемде сүрөткө түшүп жаткан египеттик модель Энджи Кеван
  • Тунистик теле жылдыз Ильхем Шейер фотосессия учурунда
  • Кинофестивалдын жылдыздары ЖМК өкүлдөрү менен маектешип жатышат
  • Египеттик актриса Нагля Бадр
  • Египеттик актриса, фестивалдын негиздөөчүсү жана башкы директор Бушра Розза кызыл килемде
  • Сириялык актриса Несрин Тафеш кызыл килемде сүрөткө түшүп жатат
  • Иорданиялык актриса, теле алып баруучу жана ырчы Маис Хамдан
  • Египеттик актриса Энджи Киван фильмдин каарманындай кийинип келген
  • Египеттик актриса Маяр Эль Гити жана анын сиңдиси Мэй
  • Фатма Нассер. Тунистик актриса
  • Саудиялык теле алып баруучу Лоджайн Омран
  • Тунистик актриса Дорра Заррук кинофестивалдын кызыл килеминде
Октябрдын орто ченинде Египеттин Эль-Гуна курорттук шаарында бешинчи кинофестиваль өттү. Иш-чара сегиз күнгө созулду.

Кинофестивалдын программасында 50дөн ашык тасма көрсөтүлдү. Маалыматка ылайык, "Титаникти көргүсү келбеген сокур адам" ("Слепой, который не хотел смотреть "Титаник") аттуу фин тасмасы жеңүүчү деп табылган. Анын авторлору баш байге "Алтын жылдызга" жана 50 миң доллар акчалай сыйлыкка ээ болушкан.

Омар Эль Зохайринин "Перьям" тасмасы эң мыкты араб фильми деп табылды.

86
  • Кинофестивалга келген ливандык ырчы Майя Диаб
    © AFP 2021 / Ammar Abd Rabbo / El Gouna Film Festival

    Кинофестивалга келген ливандык ырчы Майя Диаб

  • Саудиялык белгилүү теле алып баруучу Лоджайн Омран кызыл килемде бут кийимин чечип жатат
    © AFP 2021 / Patrick Baz / El Gouna Film Festival

    Саудиялык белгилүү теле алып баруучу Лоджайн Омран кызыл килемде бут кийимин чечип жатат

  • Египеттик модель Хеба Эль-Сиси кинофестивалдын алкагында тасма көрсөтүү учурунда
    © AFP 2021 / Ammar Abd Rabbo / El Gouna Film Festival

    Египеттик модель Хеба Эль-Сиси кинофестивалдын алкагында тасма көрсөтүү учурунда

  • Кызыл килемде сүрөткө түшүп жаткан египеттик модель Энджи Кеван
    © AFP 2021 / Patrick Baz / El Gouna Film Festival

    Кызыл килемде сүрөткө түшүп жаткан египеттик модель Энджи Кеван

  • Тунистик теле жылдыз Ильхем Шейер фотосессия учурунда
    © AFP 2021 / Patrick Baz / El Gouna Film Festival

    Тунистик теле жылдыз Ильхем Шейер фотосессия учурунда

  • Кинофестивалдын жылдыздары ЖМК өкүлдөрү менен маектешип жатышат
    © AFP 2021 / Patrick Baz / El Gouna Film Festival

    Кинофестивалдын жылдыздары ЖМК өкүлдөрү менен маектешип жатышат

  • Египеттик актриса Нагля Бадр
    © AFP 2021 / Patrick Baz / El Gouna Film Festival

    Египеттик актриса Нагля Бадр

  • Египеттик актриса, фестивалдын негиздөөчүсү жана башкы директор Бушра Розза кызыл килемде
    © AFP 2021 / Patrick Baz / El Gouna Film Festival

    Египеттик актриса, фестивалдын негиздөөчүсү жана башкы директор Бушра Розза кызыл килемде

  • Сириялык актриса Несрин Тафеш кызыл килемде сүрөткө түшүп жатат
    © AFP 2021 / Patrick Baz / El Gouna Film Festival

    Сириялык актриса Несрин Тафеш кызыл килемде сүрөткө түшүп жатат

  • Иорданиялык актриса, теле алып баруучу жана ырчы Маис Хамдан
    © AFP 2021 / Patrick Baz / El Gouna Film Festival

    Иорданиялык актриса, теле алып баруучу жана ырчы Маис Хамдан

  • Египеттик актриса Энджи Киван фильмдин каарманындай кийинип келген
    © AFP 2021 / Ammar Abd Rabbo / El Gouna Film Festival

    Египеттик актриса Энджи Киван фильмдин каарманындай кийинип келген

  • Египеттик актриса Маяр Эль Гити жана анын сиңдиси Мэй
    © AFP 2021 / Patrick Baz / El Gouna Film Festival

    Египеттик актриса Маяр Эль Гити жана анын сиңдиси Мэй

  • Фатма Нассер. Тунистик актриса
    © AFP 2021 / Patrick Baz / El Gouna Film Festival

    Фатма Нассер. Тунистик актриса

  • Саудиялык теле алып баруучу Лоджайн Омран
    © AFP 2021 / Ammar Abd Rabbo / El Gouna Film Festival

    Саудиялык теле алып баруучу Лоджайн Омран

  • Тунистик актриса Дорра Заррук кинофестивалдын кызыл килеминде
    © AFP 2021 / Patrick Baz / El Gouna Film Festival

    Тунистик актриса Дорра Заррук кинофестивалдын кызыл килеминде

Белгилер:
сүрөт, Египет, кинофестиваль
Тема боюнча
"Кыргызстан сулуусу" болом деген перилер. Сулуулук сынагынан 12 сүрөт
Сынынан кетпеген Моника Беллуччи 57 жашта. Актрисанын көз талдырган сүрөттөрү
Ааламдын эң узун аялдары. 12 сүрөт
Лаборатория кызматкери. Архив

Россиядан адамга тажрыйба жүргүзүү талап кылынууда. Артында ким турат?

47
(жаңыланган 16:27 28.10.2021)
Дүйнөдөгү эң эле жек көрүндү медиктердин бири, Аллергиялык жана инфекциялык оорулар улуттук институтунун директору Энтони Фаучинин айланасында тутанган чыр күчөп баратат.

Фаучи антиковиддик ыкмалары үчүн жаман көрүнүп келген, бирок бул жолу ал жаныбарларды кыйнаганы үчүн сынга кабылууда. Эч кимге зыяны жок, кичинекей күчүктөргө тажрыйба жүргүзгөнү үчүн... Абалга баам салган Виктор Мараховскийдин макаласы РИА Новости агенттигине жарыяланды.

Аталган маселеге тынчсызданган тараптардын айтымында, ЖМКларга "Фаучинин ден соолук институтунун бөлүмүндө эксперимент жүргүзгөндөр күчүктөргө дары берип, андан соң инфекция жуктурулган машалар (москит — ред.) бар торго баштарын салганы" тууралуу маалыматтар чыгып кеткен.

АКШ конгрессинин 24 мүчөсү дарыгер менен ал жетектеген институтту кыйноолорду токтотууга чакырды. Көпчүлүк 1,7 миллиондук салыгы текшерилбеген эксперименталдык дарылар сайылып эле тим болбостон, кийин өлүмгө кептеген 44 күчүктү кыйноого чыгымдалганына нааразы.

Бул жерден эмнени айтууга болот?

Биринчиден, бул "бизден өтө деле алыс эмес жерде" болду. Углеводородсуз тоңуп, ишке аша бербеген жашыл экономикасын көтөрө чаап Европа Россияга догурунган сымал эле дүйнө да болгон сыноолорго жаныбарларды колдонууну улантууда.

Натыйжада: "Россиялык бизнес Европада тоскоолдукка учуроодо, жергиликтүү ретейлерлер оюнчуктарды сатуудан баш тартып жатат, анткени ЕАЭБде продукцияны алгач милдеттүү түрдө жаныбарларга сыноо талабы бар" дегенди окуп жатабыз. Мындан улам оюнчук чыгаргандар бул талапты Евразиялык экономикалык комиссиянын алдында мактап-жактоого мажбур.

Баса, бул кичине болсо дагы таасири күчтүү ажаан азчылык катуу чыгынса, аракети ар тараптуу болсо дүйнөнү өзү каалагандай өзгөртүп коё аларын көрсөткөн айкын мисал.

Экинчиден, жаныбарларга эксперимент жүргүзүүгө тыюу салуу талабы — кимдин чындап кандай экенин, нагыз маңызын көрсөтүп койду.

Жаныбарларга, биринчиден, биолог, медик жана ветеринарларды окутуу үчүн, экинчиден, кийин адам пайдалана турган продукцияны (дары-дармек, косметика, оюнчук) сыноо үчүн эксперимент жүргүзүлөт.

Жаныбарларды "кыйноо/өлтүрүү/мазактоону" жоюуга үндөгөндөр эки жөнөкөй нерсени талап кылышууда:

а) окуу, тажрыйба, эксперименттерди компьютердик моделдерге, жасалма материалдан өндүрүлгөн моделдерге жана кайсы бир деңгээлде пробиркадагы культураларга жасоого болот;

б) экспериментти макул болгон тарапка гана жасоо керек. Ал адам эле болушу мүмкүн.

Чындап келгенде компьютердик моделдер баары бир тирүү жандай болбойт. Бул үчүн ал атомунан баштап баары дал өзүндөй болушу керек, болбосо схемалардын дайым бир нерсени унутта калтыруу тобокелчилиги бар. Табияттагы процесстерге "арыш таштап", бирок аны ишке ашыра албай койгон компьютердик моделдөө тажрыйбасы бизде жетишерлик. Демек, бул ойдон азырынча баш тарта турган оң. Клеткалык культуралар деле толук маалымат бере албайт.

Бирок эң башкы маселе башкада. Күчүк, коёнектерди мыкаачы окумуштуулардан коргомуш болуп жаткандардын чыныгы жүзү таптакыр бөлөк.

Мисалы, кайсы бир косметика чыгарган компания жаныбарларды эксперимент жасоодон коргогон ишкана катары сыймык менен жарнамаланып келет. Белгилүү бир түйүндүн дүкөнүнө кирип калып, сатуучудан ("команданын лидеринен", бейджигинде ушундай экен) самынды эмнеге жаныбарларга эксперимент жүргүзүүгө каршы күрөшкөн коёнектер түшүрүлгөн кагазга ороп бергенин сурадым.

— Бул пропаганда эмес, болгону биздин компания жаныбарларга эксперимент жүргүзүүгө каршы. анткени алар өз макулдугун бербейт.

— Адамдарга жүргүзүлүшү керекпи?

— Адам макулдук бере алат.

— Алар муну жыргап кеткенинен жасабайт да. Куурал турмушта жашаган жакырлар, бактысыз адамдар барат го мындай кадамга. Кантсе да алар жаныбарлардан жакшыраак эмеспи, — дедим.

— Эмнеси менен жакшы, — деп күлдү сатуучу.

Мына ушул жерден сак болуш керек.

Жаныбарларды коргоочулардын (кеп мыкаачылык тууралуу болуп жаткан жок) кимиси менен болсо да сүйлөшө келсең, сөздүн башындабы, ортосундабы, айтор, бул киши негизи эле адамды жаныбардан төмөн көрөрүнө ынанасыз.

Башкача айтканда, ЖАНЫБАРГА ЭКСПЕРИМЕНТ ЖҮРГҮЗҮЛБӨГӨН кайсы бир косметиканы сатып алып жаткан адам жакыр жашаган же кыйналып-кысталып турган кишилердин тажрыйба жүргүзгөн мышык, күчүк, коёнек, чычкан болууга макулдук бериши үчүн акча төлөп калышы ыктымал экен. Азыр эмес, албетте, кийин "өз ыктыяры менен макулдук берүүгө" аргасыз болгон келечекте. Ал эми интеллектуалдуу, "күнөөсү жок" адамдар бул продукцияны сатып алып, байкуш жаныбарларды коргоп адамгерчиликтин туу чокусун көрсөтөт имиш.

Анткени жаныбарларды мажбурлоого болбойт, ал эми адамдарды бурчка такап айласын кетирүүгө болот.

...Эң эле акылга сыйбаган жапайычылык — мунун адамгерчилик деп саналганында. Чындап келгенде бул — адамды жек көрүүчүлүк.

Адам баласы жаныбардан кыйла жакшы. Кеп ушунда.

Ал эми адам жаныбардан төмөн турат деп эсептегендер же өз ыктыяры менен ошол жандыктарды алмаштырып экспериментке макул болушу керек, же эки жүздүүлөнбөй адамды жек көрөрүн моюндашы зарыл.

47
Белгилер:
адам, жаныбарлар, эксперимент, косметика, күчүк, мышык, дарыгерлер, тажрыйба
Тема боюнча
Аюуларды коркутат дешти. Үрөйдү учурган роботтордун видеосу

Ижарага батир издеп жүрөсүзбү? Октябрдагы баалар

0
Октябрда Бишкектеги "элиткалардын" ижара акысы кымбаттады. Башкаларга салыштырмалуу жеке типтеги үч бөлмөлүү батирлер арзандаган.
Бишкектеги батирлердин октрябрь айына карата ижара акысы  2021

Sputnik Кыргызстан агенттиги ар ай сайын борбор калаадагы батирлердин ижара акысына көз салып, өткөн айдагы баалары менен салыштырып турат.

Бул материалды даярдоо учурунда 641 жарнама каралды. Октябрда деле өткөндөгүдөй эмереги бар жана мейманкана тибиндеги батирлерди изилдеп чыктык.

Бардык типтеги эмереги бар бир бөлмөлүү батирлердин ижара акысы кайрадан жогорулады. Жеке типтеги бир бөлмөлүү батирге мурдагыга караганда 1 100 сом көп төлөөгө туура келет. Үч бөлмөлүү "элиткалар" болсо 2 900 сомго кымбаттады. 105-сериядагы үч бөлмөлүү батирлердин ижарасы орто эсеп менен алганда 2 300 сомго өстү.

Жеке типтеги эки бөлмөлүү үйлөр 1 800дөй сомго арзандады. Ушул эле категориядагы үч бөлмөлүүлөр 2000 сомго төмөндөдү.

Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) орточо ижара баасынын диапазонун көрсөтүп бердик.

Ачык маалымат булактарына таянсак, октябрь айында Бишкектеги эмереги бар бир бөлмөлүү батирлердин ижара акысы төмөнкүдөй болду:

  • 104-серия — 15 800 сом (13 000ден 22 000ге чейин);
  • 105-серия — 15 900 (11 000ден 25 000ге чейин);
  • 106-серия — 16 200 (14 000ден 20 000ге чейин);
  • жеке типтегилер — 17 600 (7 000ден 29 700гө чейин);
  • "элитка" — 27 800 (17 000ден 42 400гө чейин);
  • жеке типтегилер — 7 400 (6 000ден 11 000ге чейин).

Эмереги бар эки бөлмөлүү батирлердин орточо баасы:

  • 104-серия — 20 200 сом (15 000ден 26 000ге чейин);
  • 105-серия — 20 100 (13 000ден 29 700гө чейин);
  • 106-серия — 22 200 (15 000ден 29 700гө чейин);
  • жеке типтегилер — 23 600 (15 000ден 35 000ге чейин);
  • "элитка" — 45 100 (25 000ден 84 800гө чейин).

Эмереги бар үч бөлмөлүү батирлердин орточо баасы:

  • 104-серия — 24 700 сом (18 000ден 29 700гө чейин);
  • 105-серия — 29 300 (20 000ден 42 400гө чейин);
  • 106-серия — 28 900 (20 000ден 40 000ге чейин);
  • жеке типтегилер — 28 200 (20 000ден 42 400гө чейин);
  • "элитка" — 68 400 (33 900дөн 127 200гө чейин).

0
Белгилер:
Бишкек, батир, ижара, эмерек
Тема боюнча
Бишкектеги батирлердин сентябрдагы ижара акысы