Мышыгын багып аткан маскачан кыз. Архивдик сүрөт

Сингапурлук окумуштуу коронавирустун жаңысы пайда болорун божомолдоду

106
(жаңыланган 10:34 07.10.2021)
Илимпоз азыркы коронавирус кайрадан жарганатка жугушу ыктымал экенин айтып, ал жаныбардын организминен вирус көбөйүп, мутация болорун белгилеген.

БИШКЕК, 7-окт. — Sputnik. Sars-CoV-2 коронавирусу адамдан жаныбарга жугуп, бир нече жолу мутация болгондон кийин кайра жаңы Sars-CoV-3 коронавирусу пайда болуп, ал адамдарга илешип, жаңы пандемияны чакырышы ыктымал. Бул тууралуу Америка-Сингапур медициналык университетинин профессору Ван Линьфа билдиргенин РИА Новости жазды.

Sars-CoV-2 коронавирусу адамга жарганаттан жукканы айтылып келет. Профессор белгилегендей, жарганаттардын иммундук системасы уникалдуу. Бул жаныбардын организми вирустардын көбөйүп, мутация болушуна жол берет, бирок жарганаттын организминде оору өрчүй албайт.

"Коронавирус инфекциясынын адамдан жаныбарга өткөн учурлары катталган. Пандемия учурунда үй жаныбарлары коронавирусту кожоюндарынан жуктуруп алган учур бир нече ирет аныкталган. Sars-CoV-2 коронавирусу менен ооруп жаткан адам бир жерге жеп бүтпөй калган жемишин таштап коюп, аны жарганат жеп алса, вирус жаныбардын ичинен мутацияланып, ал башка жаныбарга жугуп, дагы өзгөрүшү ыктымал", — деген окумуштуу.

Мындай жол менен Sars-CoV-3 деген жаңы вирус жаралып, ал кайрадан адамдарга жугуп жаңы пандемияны чакырышы мүмкүн экени айтылды.

Илимпоз жаңы пандемияны алдын алуу үчүн жарганаттардын популяциясында пайда болгон жаңы вирустарды кылдаттык менен карап туруу керектигин белгилеген.

106
Белгилер:
коронавирус, мутация, адам, жарганат, пандемия
Тема:
Дүйнөгө жайылган коронавирус (1556)
Тема боюнча
Жаңы штаммдарга вакцина таасир эте албай калышы мүмкүн. Сурамжылоо
COVID-19дун кезектеги толкунунан сактаныш үчүн эмне кылуу керек. Адистин кеңеши

Бетин катканына карабай ургулап. UFC турниринин эң кызыктуу учурлары видеодо

2
UFC Russia YouTube каналы уюмдун Лас-Вегаста өткөн соңку турниринин эң мыкты учурларын чыгарды. Мушкерлердин кечеси кечээ (Бишкек убактысы боюнча таңда) өттү.

Кеченин башкы беттешинде америкалык спортчу кыздар Аспен Лэдд менен бразилиялык Норма Дюмонт кезикти. Жыйынтыгында Дюмонт калыстардын чечими менен утту.

Кеченин дагы бир башкы беттешинде беларустук Андрей Орловский дагы бразилиялык Карлос Фелипти калыстардын чечими менен жеңди.

Ошондой эле башкы карддын алкагында Жим Миллер Эрик Гонсалести нокаутка кетирсе, Манон Фиоро Майру Буэно Сильваны калыстардын чечими менен, ал эми Нейт Ландвер Людовит Клейнаны колду кайруу ыкмасынын жардамы менен утту.

2
Белгилер:
Лас-Вегас, UFC, беттешүү, кармаш, турнир, видео
Тема боюнча
Валентина Шевченко Кыргызстандын туусун коюп пост жарыялады

SputnikPro долбоору: дүйнө жүзүндөгү журналисттерге мастер-класс өткөрүлдү

28
(жаңыланган 15:43 17.10.2021)
Москвада Sputnik маалымат агенттиги жана радиосунун долбоору — SputnikPro модулу бир нече өлкөнүн журналисттерине өткөрүлдү.

Анда Sputnik, @rt_russian, Ruptly жана башка ЖМКлардын алдыңкы журналисттери кесиптештерине тажрыйбалары менен бөлүштү.

Уюштуруучулардын айтымында, ТИМ тарабынан уюштурулган чет өлкөдөгү мекендештердин конгрессинин дээрлик ар бир катышуучусу өз өлкөсүндө ири аудитория менен ЖМК же жеке блогу аркылуу баарлашат. Спикерлер ушул багытта мындан да жакшы жана заманбап иш алып барууну айтып берди.

Алар сайтка жана социалдык тармакка жүктөлгөн маалыматтар, аны берүүнүн жолу, сүрөт жана видео тартуу жана алуунун ыкмасы тууралуу топтогон тажрыйбалары менен бөлүштү. Популярдуу болуп жаткан TikTok жана Instagram менен иштөөнү да үйрөтүшкөн.

28
Белгилер:
Sputnik, SputnikPro, долбоор, ЖМК, тажрыйба, иш-чара, журналист
Тема боюнча
Россиялык эксперт журналисттерге көздөгөнүнө жеткире турган 5 кеңеш айтты